Zefaniya 2:8 - Luganuzi Luswanu Kuli Wanhu Wose 2002

⁸ Muwaha Mulungu we Mihanga yakutya “Nawahulika wanhu wa Mowabu na Amoni wakuwaliga no kuwezwajiza wanhu wangu, no kwitapa vyono woyisola yisi yawo.

Zefaniya 2:8 Referans Kwoze

Amosi 1:13

Muwaha yakutya, “Wanhu wa Amoni, wetuma wubi kali kenji, na ku soko yiyo, nane nowalipiciza. Hambi mu wulugu wawo, nha wawatumbulaga i wacekulu we mida, so wusaka kugazimhya mipaka ye zi'si zawo.

Yelemiya 49:1

Azi zo nghani zono u Muwaha Mulungu yakuyilonjela yisi ya Amoni yakutya, “Alo i wanhu wa Isilayeli wali hayi lo? Heza hasina hamba munhu monga mono yakuyitetela yisi yawo lo? Alu nhawule wakuwaleka i wanhu wono wamuhembaga Moleki wakuyisola yisi ya wo mulango wa Gadi no kwikala mumo?

Ezekiyeli 36:2

yono ane no Muwaha Mulungu, nghusaka nigalonjele. Hambi i walugu we yisi ya Isilayeli, nha wakwitopa wakutya, ‘I matunda gago ge katali nha geza getu co weneco!’

Yoshuwa 5:9

Muwaha Mulungu yakamulonjela Yoshuwa yakamutya, “Zuwali, nakondya kumuwusizenyi cevu co wuwanda wenyu wa ku Misili.” Holeka i hanhu baho, hakacemwa “Giligali” nhunizo yayo “Wuwuse”, sunga nalu.

Isaya 15:1

Ayi yo nghani yono yalongwa kuli Mowabu. Makaya ga Ali na Kili, gakondya kongomezwa mu cilo cimonga, ne yisi ya Mowabu yakondya kugwilwa ne cinyamazi ciwaha muno.

Isaya 16:6

Nawo i wanhu wa Yuda wolotya, “Nase cihulice nha vyono wanhu wa Mowabu wewoni muno. Kanyhi cimanyile, nha vyono wedunhumuzi muno, kanyhi wevuni, na kumbe no widunhumuzi wawo ho wa bwete du.”

Yelemiya 12:14

U Muwaha Mulungu yakutya nhavi, “Ane nina nghani yono nghusaka niwalonjele wono wekalane ne wanhu wangu Waisilayeli, wono wakondya kuyinoza matongo, i yisi yono nawapela i wanhu wangu Waisilayeli. Nha vyono nane, nowawusa wawo i wanhu wabi, mu zi'si zawo, niwakule, niwawuse ne milela nho mubici, nimuponye Yuda muli wene.

I Cililo 3:61

“Hambi nha kuwahulikaga vyono wakunhovula 'gwe go Muwaha Mulungu, kanyhi wumanyile no wihehemeze wawo wose.

Ezekiyeli 21:28

“Gwe go munhu, ale wuwile. Wuwalonjele zono ane no Muwaha Mulungu, nghuwalonjela wawo Waamoni, wono wakuwatovulanga i Waisilayeli. Wuwalonjelaje wutye. ‘U mumaje wawikanizwa ho wongomeze. Wakondya kukwemwa ho wuwulaje, wumulice nhe limuli.’

Amosi 2:1

Muwaha yakutya, “Wanhu wa Mowabu, wetuma wubi kali kenji, na ku soko yiyo, nane nowalipiciza. Hambi nha si wali na cogopo kuli mafupa go mutemi wa Edomu, wene kwa kuganyanya wagatakamiza sunga gakawa mavu.

Zefaniya 2:10

Na vyo wolowa wanhu wa Mowabu na Amoni, wololipicizwa ku soko yo wiwoni wawo, hamonga ne zinyono zawo, na ku soko yo kuwaliga wanhu wo Muwaha Mulungu we Mihanga.

Mwamulizo 19:37

Ayulya u mwana muwaha yakasawa mwana wa cilume, yakamucemela litagwa lya Mowabu. Yuyo yo sogo ye Wamowabi sunga nalu.

Mwamulizo 19:38

Nayo u mwanakwawe yakasawa mwana wa cilume, nayo yakamucemela litagwa lya Benami. Nayo yuyo yo sogo ye Waamoni sunga nalu.

Yelemiya 48:1

Azi zo nghani zono u Muwaha Mulungu we mihanga, yakuyilonjela yisi ya Mowabu yakutya, “Woyi hee kuli wanhu wa Nebo, likaya lyawo nha lyakondya kuhodanjika! Nayo Kiliyatayimu yatekwa, ne magomawakali gayo ge vilungo gakumulwa, ne wanhu wayo wakozwa cevu.

Ezekiyeli 25:1

Muwaha Mulungu yakanonjela yakatya,

Ezekiyeli 35:12

Nagwe Edomu ho komanya nha vyono nene Muwaha Mulungu, hulika ze maligo gako gose, gono wali kugaliga i matunda ge yisi ya Isilayeli, wukutya, alu gahodanjika, na vyono ati gakondya kutajilwa mu miwoko yenyu, mugatece.