Zefaniya 2:7 - Luganuzi Luswanu Kuli Wanhu Wose 2002

⁷ Ne wanhu wa Yuda, wono wasigala, woloyisola yisi yenyu. Wolodima zimitugo zawo kuko no kugona mu zikaya za Ashikeloni. U Muwaha Mulungu wawo, kolowa hamonga nawo, na kanyhi kowamotesa.

Zefaniya 2:7 Referans Kwoze

Zefaniya 3:20

“Icipango cikuza! Lono nolowagomola wanhu wenyu wono weyagazwa, wawuye ku zikaya, nolomunozenyi lukumyo no kumanyika muli yinze yose, no kumunozenyi kanyhi mumoteswe nha vyono ha mwamulizo.” Vyo yakutya Muwaha Mulungu.

Ezekiyeli 39:25

U Muwaha Mulungu yakatya, “Ninga aluno hodu, nowawonela lusungu i wana wa Yakobo, i wanhu wa Isilayeli, niwamotye kanyhi. Hambi nha nghuliwonela wivu i litagwa lyangu lyono lyelile.

Wutuluce 4:31

Nawo wanhu wakehuwila. Nawo wali weza kuhulika vyono Muwaha Mulungu kawaziza, kawona na vyono wakugazwa muno, hodu, wakenamya mitwe yawo hasi, wakahemba.

Luka 1:68

“Yalumbwe Muwaha Mulungu wa Isilayeli. Hambi nha kawaziza, kawanozeza wukombozwe wanhu wakwe.

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Obadiya 1:19

“Wanhu wa ku Yuda ya kutakama, woloyisola Edomu, nawo wono wololawa ku lubavu lwa kumwezi mu vitunda, woloyisola yisi ye Wafilisiti. Nawo Waisilayeli woloyitema yisi ya Efulayimu ne yisi ya Samaliya, i wanhu wa Benyamini nawo, woloyisola Gileyadi.

Yelemiya 33:7

Kanyhi nolowamotya muno Yuda na Isilayeli. Kanyhi nolowazenga wawe nha vyono wali ha lulongozi.

Yelemiya 29:14

Heya, mbeka molombona, nane nolomugomolenyi kanyhi ku yisi yenyu. Nolomukongholezenyi ku wulawa mu ma'si gose, ne hanhu hose hono namwiyagazizenyi. Nolomugomolenyi kanyhi sunga mu yisi yenyu, yono namulecenyi musolwe no kutegulwa kutali ku wuhamywe. Vyo nghutya, ane no Muwaha Mulungu.’ ”

Walumi 11:5

Nhavivyo vyo yinha, sunga mwi'daha lili, wali baho wono u Mulungu yawasiwanula ku so lihewa lyakwe.

Metumo ge Watumwa 8:40

Ninga Filipo yakewona yali ku Azoto. Nayo yakajendelela kuganula Luganuzi Luswanu mu makaya gose, sunga yakafika na Kayisaliya.

Metumo ge Watumwa 8:26

Ninga Malayika wo Muwaha yakalonga na Filipo yakutya, “Winuce wubite kutakama sunga ko ku nzila yono yilawile ku Yelusalemi yitimiye ku Gaza.” (Ne nzila yiyo yikoleye mu nyika.)

Luka 7:16

Wanhu wose wakebatwa no woga, wakamulumba u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Mika 4:10

Muwone wusungu mwinyongole anye wanhu wa Yelusalemi, nho mucekulu mono yali mu lusawo, hambi aluno nha mowuka mwi'kaya, mubite mukekale mwi'hala. Kanyhi mowa munojeye mubite ku Babiloni, ninga kuko ko Muwaha Mulungu kolomuponyezyenyi ku wulawa kuli walugu wenyu.

Yelemiya 32:44

Ne wanhu woloyigula, ne zikalatasi zo wuhomelezi zo wugule wazo, zolotajilwa vitanjilo no kwandikwa ne matagwa, hamonga no wuhomelezi. Na zizi, zolokwitumwa mu yisi ya Benyamini, na mu vitumbi vyose vyono vipilime Yelusalemi, na mu vikaya vya Yuda, sunga na mu vikaya vyose vya mu'si ye matunda, na mu mwalambalo we matunda, sunga na ku lubavu lwa kutakama lwa Yuda. Nolowagomola wanhu ku yisi yawo. Vyo nghutya, ane no Muwaha Mulungu.”

Yelemiya 31:7

Nayo Muwaha Mulungu yakutya nhavi, “Alenyi nye nyo zinghungugo zimbaha, alu mwimbe ko wusangalale ku soko ya Isilayeli. Mwimbe u lwimbo lwenyu lo lukumyo, muwe kutya, ‘U Muwaha Mulungu kawaponya i wanhu wakwe, kawakomboza na wose wono wali wasigaye.’

Yelemiya 30:3

Hambi i vilo nha vyokuza vyono nolowaziza wanhu wangu Isilayeli na Yuda. Nolowagomola kanyhi ku yisi yono nawapela walezi wawo, nawo wayisole kanyhi, yiwe yisi yawo. Vyo nghutya, ane no Muwaha Mulungu.”

Yelemiya 23:3

Nane nolowakongholeza i wanhu wangu wono wolowa wasigaye, ku wulawa mu ma'si gose kono nali niweyagazize, nolowagomola kanyhi ku yisi yawo weneco. Nawo wolotuga wana wenji, no konjelezeka muno liwalo lyawo.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Zabuli 85:1

Gwe go Muwaha Mulungu, kwendezwa ne yisi yako, kuwamotya kanyhi Isilayeli.

Mwamulizo 50:24

Yusufu yakawalonjela wanduguze yakawatya, “Nye wandugu zangu, ane lu, neza nili behi no kufwa. Ninga Mulungu komuzizenyi no kumuwusenyi mu yisi yiyi ya Misili, yamutegulenyi ku yisi yono yawehuwiza Abulahamu na Isaka na Yakobo.”

Hagayi 2:2

Yakamulonjela Hagayi, yalonje na Zelubabeli u mulongola we yisi ya Yuda, na kuli Yoshuwa Mukohani Muwaha, na kuli wanhu, yawalonjele yatye.

Hagayi 1:12

Hobaho Zelubabeli na Yoshuwa ne wanhu wose wono walawa ku wuhamywe ku Babiloni, waketuma nha vyono Muwaha Mulungu wawo yawalonjela wetume. Nawo wakamogopa no kumuhulika muwizi Hagayi, mutumwa wo Muwaha Mulungu.

Zefaniya 2:9

Ninga mbeka, nha vyono ninha ane no Mulungu mumi, ane no Mulungu wa Isilayeli, nghwilahiza nha vyono, Mowabu na Amoni zolokongomezwa nha vyono Sodoma na Gomola zongomezwa. No mwino wologwa hanhu hose, no kongomezezwa lukulu cibitilila, ne mabalwe go golocindika mumo. Ne wanhu wangu wono wasigaye, woloyipumha, no kuyisola yisi yawo.”

Isaya 14:1

Ninga kanyhi Muwaha Mulungu, kolowawonela lusungu wanhu wakwe Waisilayeli, kolowahagula kanyhi wawe wanhu wakwe. Kolowagomola kanyhi wekale mu yisi yawo, sunga ne wajenzi wolokwinjila vikalane nawo.

Lutu 1:6

Hanyuma yayo, Nawomi yakahulika vyono Muwaha Mulungu yawamotya i wanhu wakwe ko kuwapela nhwanga mbaha; hobaho yakawa kwiwikaniza ho yawuce ku Mowabu hamonga ne wakwewe.

Zabuli 80:14

Holeka go Mulungu we mihanga, cikukunena wucilanje kanyhi! Wucilanje ku wulawa ku wulanga, wuze wuwudime wuwuno muzabibu!

Isaya 11:16

Kanyhi holowa na nzila mbaha yono yilawiliye ku Ashuli, yono wolowa kukola i wanhu wakwe Waisilayeli wono wolowa wakali wasigaye kuko ku Misili. Nha vyono yali yinha, lono i walezi wawo wawucila ku Misili.

Isaya 32:14

Sunga ne kaya ye likulu, yololekwa, hamonga ne likaya lyayo, vyose vyololecelwa lukulu. Nago makaya hamonga ne magomawakali gayo gono gawacitilaga, gose golokumulwangwa gawe matongo cibitilila. Nago madogowe ga mu mbago, gowa kupilima pilima mumo, zingholo nazo zokwitujila wudimo mumo.

Yelemiya 29:10

“U Muwaha Mulungu yakutya nhavi, ‘Kolo myaka makumi mupunghati yikufisilizwa mu Babiloni, nane baho ho nolomuzizenyi, no kucifisiliza cilagane cangu, nimugomolenyi kanyhi ku yisi yenyu.

Yelemiya 33:12

U Muwaha Mulungu yakutya nhavi, “Na mu yisi yiyi, yono yihwanile nyika, hono ne wanhu hamba malimu si wekaye mumo yaye, ninga hanyuma, holowa kanyhi hanhu ha wudimilo, hono i wanhu wolowa kudimila kanyhi zingholo zawo.

Yelemiya 47:5

Wukalale wuwaha wakondya kuwaziza i wanhu wa Gaza, ninga i wanhu wa Ashikeloni, wanyamaye twii. Alo i wanhu wono wasigaye mu yisi ye Wafilisiti, wojendelela kulila sunga nili lo?

Hoseya 6:11

“Nanye kuli'nye anye nyo wanhu wa Yuda, nakondya kuwika lipango lyo kumulipicizenyi, ku soko ya zizo zono mukwituma.

Zefaniya 3:13

Ne wanhu wa Isilayeli wono wasigaye, si wolokwitendela vibi kanyhi munhu na muyagwe, hamba kwilonjela zo wulambi, hamba kuwa wakonji yaye. Wolowa walugutwe kanyhi wapolile, na holowa hasina yunji mono kolowogofya kanyhi.”

Isaya 11:14

Langa wene wolokwilunza hamonga, wabite wakayihome yisi ye Wafilisiti wa ku lubavu lwa kumwezi, wawatece ne wanhu wono wekaye ku cilima. Kanyhi wolowasuma i wanhu wa ku Edomu, na Mowabu. Nawo i wanhu wono wekaye mu yisi ya Amoni, wolowa wena cihuliko kuli wene.