Zefaniya 2:5 - Luganuzi Luswanu Kuli Wanhu Wose 2002

⁵ Anye nanye nyo Wafilisiti, woyi hee kuli'nye, anye nyo wanhu mono mwikaye mu mhwani. Hambi Muwaha Mulungu, nha yakondya kudumula nghani muli'nye. Mwene komongomezenyi wose, hamba hasina yunji muli'nye mono kolosigala.

Zefaniya 2:5 Referans Kwoze

Ezekiyeli 25:16

Holeka nane lu, noyihoma yisi ye Wafilisiti, niwawulaje wanhu wose, halece kusigala hamba munhu monga. Nowongomeza wanhu wose wono wowa wakali womi mu yisi yo wuhihi ye Wafilisiti.

Yelemiya 47:7

Alu u mumaje ho woceha nhawule, kumbe nane ho niwupelile mulimo wo kwituma? Hambi nha nakondya kuwulajiliza wuyihome Ashikeloni, hamonga ne wanhu wose wono wekaye mu mhwani ze lilenga.”

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Yoshuwa 13:3

hamonga ne yisi yose ya Avimu, ya kulubavu lwa kutakama, Yisi yono yilawiliye mu cikolongo ca Shiholi, ha mupaka we Wamisili, sunga kulubavu lwa kusumuka, ku mupaka wa Ekiloni wono wehweseswaga vyono we Wakanani, ne watemi wahano we Wafilisiti, wekalaga ha Gaza, na Ashidodi, na Ashikeloni, na Gati na Ekiloni, hamonga ne Wavimi,

Maluko 12:12

Iwakohani wawaha ne Wejizi wo Wulajilize ne wanyamhala, wakatanga vyono i cihwanicizo cico calongaga weneco. Holeka wakajela kumwibata, ninga wakalyogopa i lipuga lye wanhu. Holeka wakamuleka wakawa kubita.

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Zefaniya 3:6

Ninga Muwaha Mulungu yakutya, “Nagawusiza lukulu makungugo gose. Nagagwisanga makaya gawo, no kugaleka majinji gawo hamonga ne minala yawo vihodanjice.

Amosi 5:1

Muhulicize anye nyo Waisilayeli, lwimbo lwe maziko, lono nghumwimbilenyi!

Isaya 14:30

Nayo Muwaha Mulungu kowadima i wasocele wa muli wanhu wakwe, kanyhi kowaleka wekale wapolile. Ninga anye nyo Wafilisiti, Muwaha Mulungu kolomuletelenyi nzala mbaha muno, nayo yolomuwulajenyi nyenye wose, na holowa hasina hamba monga mono yalasigala mumi.

Walamuzi 3:3

Wono wasigazwa mu'si wali wo awalya wa mu makaya mahano ga Wafilisiti, ne Wakanani wose, Wazidoni ne Wahiti wono wekalaga mu matunda ga Lebanoni ku wulawilila mwi'tunda lya Baali-helemoni sunga mu mwejelele wa Hamati.

1 Samwili 30:14

Ninga cayiteka yisi ye wa Celeti, ku lubavu lwa kutakama ya Yuda hamonga ne yisi ya we mhuga ya Kalebi, cikalipembela moto sunga ne likaya lya Zikilagi.”

Isaya 14:29

Nye nyo Wafilisiti, mulece kusangalala, mukutya hambi nghome yono mukatowelwa nha yabeneka, musina soko yo kusangalala nhavivyo. Mumanye nha vyono, lono nzoka monga yikufwa, yokuza kanyhi yono 'mbi kuciza yiyo yono yifwiye. Kanyhi mumanye nha vyono, ligangha lye lizoka, liganghasaga lizoka likali lyono ligulukaga.

Zefaniya 1:11

Mulile mwikunguze kolo mukuzihulika zizi, anye mono mwikaye mu mhelo ye likaya, hambi wasuluza wose nha wowa wakondya kufwa!

Yoshuwa 13:2

Yisi yose ya ku Wafilisiti na ku Geshuli,