Zefaniya 1:8 - Luganuzi Luswanu Kuli Wanhu Wose 2002

⁸ Na mwi'zuwa lilyo lyo wuwulagwe, nolowalipiciza i wawaha we lilumbo, hamonga ne wana we watemi, sunga na wose wono wakwibata myoto ye cijenzi.

Zefaniya 1:8 Referans Kwoze

Isaya 24:21

Nalyo lizuwa likuza, lono Muwaha Mulungu kolowalipiciza mapuga ge wawaha, gono gali kucanyha, hamonga ne watemi we yinze wono wali mono'nze.

Isaya 39:7

Hamonga na wanji wa muli wanago wako, nawo wolosolwa wategulwe kutali, wakapaswe, wawe wetumami wa mwi'kulu lyo mutemi wa Babiloni.’ ”

Isaya 10:12

Kanyhi u Muwaha Mulungu yakutya nhavi, “Ninga nane kolo nakondya kuzinoza mwi'tunda lya Sayuni na mu Yelusalemi, nolomulipiciza u mutemi wa Ashuli ku soko yo widunhumuzi wakwe no wiwoni wakwe wose.”

2 Watemi 10:22

Hodu, Yehu yakamulajiliza mukohani mulongola, u mulanjilizi we vivwalo vyo wukohani, yalete vivwalo vyo wukohani, yawapele i wahembi wavivwale. Nayo mulanjilizi yakavisolo vivwalo vivyo yakawapela.

Wukumbucize wo Wulajilize 22:5

“Iwacekulu, walece kuvwala myenda ye cilumelume, hamba nawo i walume, walece kuvwala myenda ye cicekulu. Hambi Muwaha Mulungu, u Mulungu wenyu, nha si yakwendezwa ne wanhu wono wakwituma zono zinha zizi.

Isaya 2:6

Gwe go Mulungu, hongo wakondya kuwaleka wanhu wako du, i wana wana Yakobo! Vyono yisi yawo luno, yakondya kumema myoto yono yilawile kucilima, hamonga no wutowa visangu nhe Wafilisiti. Wanhu wako watyatya myoto ye cijenzi.

Habakuki 1:10

Wowabedegala watemi no kuwaseka i wawaha. Hamba hasina igomawakali lyono lyosuma kuwemila, hambi nha wolilundila muhangha likaya no kulisola.