Zefaniya 1:7 - Luganuzi Luswanu Kuli Wanhu Wose 2002

⁷ Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Zefaniya 1:7 Referans Kwoze

Habakuki 2:20

U Muwaha Mulungu yali mu Nyumba yakwe yono Yelile, holeka wanhu wose wa mono'nze, yiwanojeye watule hali mwene.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Yelemiya 46:10

I zuwali, lyo lizuwa lyo Muwaha Mulungu, we mihanga, lyono kokwilipiciziza. Izuwali, kokwilipiciza lilipicizo mu walugu wakwe. No mumaje wakwe wowalya sunga wigute, woying'wa ne sakami yawo, sunga wuce. Hambi izuwali, u Muwaha Mulungu we mihanga, nha yakuwalavya walugu wakwe makumbiko, he kolongo lya Efulata, ku lubavu lwa kusumuka.

Isaya 34:6

No mumaje wuwo wolokwila sakami ne mhama ye zingholo ne zimhene zono zikuwa kulavywa makumbiko. Nayo Muwaha Mulungu kololavya makumbiko gago mwi'kaya lya Bozila. Kowunoza wuwulaji wuwu wuwaha mu yisi ya Edomu.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Matayo 22:4

Yakawatuma kanyhi wetumami wanji, yakatya, ‘Ale, muwalonjelaje i walalikwa vyono, i zindigwa zangu zawikanizwa zakondya, zinghongolo zangu hamonga ne zing'ombe zono zijinile, zose zakondya kucinjwa na vyose vyawikanizwa vyakondya, holeka anye muze du kono halusi.’

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

1 Samwili 16:5

Samwili yakawatya, “Heya, ane niza kumulavizya Muwaha Mulungu likumbiko. Holeka mwiyezaje wose, munhyatye.” Kanyhi yakawa kumulonjela Yese hamonga ne wanagwe we cilume, wose weyeze. Nayo yakawa kuwalalika nawo waze kwi' kumbiko.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Amosi 6:10

Na munya ndugu wo munhu mono yafwiye, hamonga no mwimilizi we maziko, kolo wakuwulavya muwili wa malehemu kunze ye kaya ho wakawuzice, wolokwamula waceme, kuli mono yakali yasigaye mukaya wawe kutya, “Wule ko yuli munhu yunji mono yakali yasigaye hamonga nagwe mumo mu kaya?” Ne lizi lyopitula litye, “Aa! Ng'o.” Nayo munya ndugu kotya, “Hodu wanyamale twii! Hambi nha yicinojeye cilanjilile cilece kulitambula litagwa lyo Muwaha Mulungu.”

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Ezekiyeli 7:10

Langa ta, lizuwa lye magazo lyeza kumuzizenyi 'nye nyo Isilayeli. Woyi he kuli'nye so magazo gago mawaha. Hambi wiwoni wenyu nha woduma.

Ezekiyeli 7:7

Ne ndumilizo yenyu yikuza kuli'nye nyo wanhu wose mono mwikaye mu'si. Ne lidaha lyasejelela, lono holowa hasina kanyhi wusangalale we zisikuku u mu matunda gono mugasiwanuye, langa holowa no wucelewale du.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Wakolosayi 1:12

Akuno mukumulumba kwa nyemo u Sogo yo munhu mono yamupelenyi u wusume ho muwe ne 'fungu lyenyu mu zinghani zo Mulungu zono yawawicila i wanhu wakwe mu wutemi wo wuzelu.

Wafilipi 4:5

Muweze wapolo kuli wanhu wose. U Muwaha yali behi.

Walumi 9:20

Alu agwe go munhu, wuli nani gwegwe ho wijelele kumupitula u Mulungu? Wule, nyungu nayo ma, yosuma kumuwuza cinji mono yayiwumba yikutya, “Nhawule wukamumba nhavivi?”

Walumi 3:19

Cimanyile vyono, u Wulajilize wuli baho ku soko ya wono wali hasi yo Wulajilize wuwo, ho walece kuwa na cikojelo co cose. Ne yinze yose yili hasi yo wuling'anizwe wo Mulungu.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

1 Samwili 20:26

Ninga Sawuli hamba si yalonga cinji cocose mwizuwa lilyo, hambi nha yehwesa yakatya, “Lunji kowa nghani yinji yimwijelela, na kowa si yeyezize yaye.”

Jobu 24:1

“Alu socici Mulungu yalihagula lipango lyo wuling'anizi, lizuwa lyo wuling'anizwe, kuli wose wono wakumwitumamila?”

Isaya 13:3

Muwaha Mulungu kawalajiliza wanhu wono wayisangalalilaga nhojo yakwe, i wanhu we vilungo, ho wawahome, no kuwalipiciza wawo wono yawakoleywe likuwo.

Isaya 29:2

Ninga hanyuma Mulungu koliletela wongomele likaya lilyo lyono lyacemwaga, “I cikumbicilo co Mulungu.” Na mu mapango gago, colowa cililo no wukalale, ne likaya lyose lyolokwihwana cikumbicilo cono cihiliwe sakami cose.

Isaya 34:5

Nayo Muwaha Mulungu yakondya kuwuwikaniza mumaje wakwe kuko ku wulanga, nawo woyitowa Edomu, i wanhu wono wawiciywe wongomele.

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Amosi 8:3

Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”

Zakaliya 14:1

Lanjeta! Lizuwa lyono Muwaha Mulungu kolokwikala mwi'goda lyakwe lyo wuling'anizi, nha lili behi. Baho Yelusalemi yolotekwa. Ne mateka wose wologawilwa ha mwande ye meso genyu.