Zefaniya 1:6 - Luganuzi Luswanu Kuli Wanhu Wose 2002

⁶ Kanyhi nowawusiza lukulu na wawo wono wawuya ne nyuma hamba si wakunhyatya'ne kanyhi. Wawo wono si wakuza kuli'ne hamba si wendile kuwulondola wutonji wangu niwatonje.”

Zefaniya 1:6 Referans Kwoze

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Isaya 1:4

Holeka, alu mokongomezwa, anye nyo likungugo lyono lina wubi, anye nyo wanhu wono mwendile mafupo, kanyhi muli wabi! Ninga mumanye nha vyono, u wubi wenyu wuwo, womukulunhyenyi hasi! Hambi anye nha mwamulema Muwaha Mulungu, u Mulungu mono yelile we Waisilayeli. Mwakondya kumupitucila mugongo.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Hoseya 11:7

Wene wakucila kuwuya ne nyuma. Ninga wololila ku soko yo lubano lono luli muli wene, hamba hasina munhu mono kololuwusa muli wene.

Yelemiya 3:10

Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Isaya 9:13

Nawo wanhu wa Isilayeli, wakali du sinanena, hamba yiwe Muwaha Mulungu we mihanga yakondya kuwalipiciza, ninga hamba si wakumuwuyila ng'o.

Wahebelaniya 2:3

Alu ase ma! Ho coponela hayi hono ciyileceleze mhonelo mbaha nha yiyi? Yono yamula kulongwa no Muwaha mweneco, na wono wahulika, wakacihomelela vyono yili mbeka.

Ezekiyeli 3:20

“Na hono munu we ling'ani yetume zo wubi, nane hono mbice cikobazo hali mwene nagwe hono wuwe si wumusugye yaye, ale munhu yuyo kofwa. Kofwa kusoko yo wubi wakwe. Nane hamba si nozikumbucila yaye ne ziswanu zono yazituma. Ninga nane nokuwala 'gwe, vyono wuli musutyi, hambi nha yo gwegwe mono wumwambuze yafwe.

Zabuli 125:5

Ninga lono wukuwalipiciza i wanhu wabi, ale wulipicize sunga, na wono si wakutyatya zo wutonji wako. Mulamu weze kuli Isilayeli!

Zabuli 10:4

U munhu mubi, mu wulawilila mu widunhumuzi wakwe, hamba si kamucelelelaga Mulungu, ne mahweso gakwe gose katezaga, “Hasina Mulungu.”

1 Samwili 15:11

“Nghukalala muno muno vyono namunoza Sawuli yawe mutemi, hambi 'lu nha yakondya kundeka, kanyhi yakondya kugabedegala ne malajilizo gangu.” Nayo Samwili yakawa kukolwa ne likuwo. Na mu cilo ci cilya cose, yakagona yakulomba kuli Muwaha Mulungu.

Hoseya 7:7

“Mu moto we likuwo lyawo wakawawulaga walongola wawo. Ne watemi wawo wakawa kuwulagwa yumonga yumonga, ninga hasina hamba monga mono yakulomba wutazi kuli'ne.”

Zabuli 36:3

Mwene kalongaga nghani za wavu zose kanyhi za wulambi, yaleka ku witumamila mahala no kwituma ziswanu.

Walumi 3:11

Hasina munhu mono yakwizuka, hamba mono yakumulondola u Mulungu.

Isaya 43:22

U Muwaha Mulungu yakutya nhavi, “Ninga anye nyo nghungugo ya mwali Isilayeli mwakondya kunghatala, kanyhi hamba si mwendaga no kuhemba nene.

Yelemiya 10:25

Langa wite likuwo lyako kuli we makungugo wono si wakumanyile, hamba kukuhemba gwegwe, na muli wanhu wono si wakwendile 'gwe. Hambi nha wawawulaganga i wanhu wako, kanyhi wakondya kucongomezeza lukulu, wakondya kuyinoza ne yisi yetu yeza matongo du.

Hoseya 7:10

No wiwoni we Waisilayeli wukuwahomelela weneco, ninga muli zizo zose zono zejela, hamba siwasuma kumbuyila ane no Muwaha Mulungu, u Mulungu wawo.

Yoshuwa 23:12

Langa hono muwuye ne nyuma, no kwilunza ne zinghungugo zono zikali zisigaye muli'nye, no kwanza kwitolanila nazo,

2 Samwili 22:22

Hambi nane nha nilikamisaga lilajilizo lyo Muwaha Mulungu nghali hamba sinamugaluka Mulungu wangu.

2 Zinghomo 15:13

No munhu wo wose mudodo hamba muwaha, we cilume hamba wecicekulu, mono si komuhemba Muwaha Mulungu, ayo yawulagwe.

Isaya 9:12

Nawo Waashuli kono lubavu lwa kucilima, ne Wafilisiti kumwezi, wose wahame milomo yawo, wawamele Waisilayeli. Ninga hamba nhavivyo likuwo lyo Muwaha Mulungu, si linadumuka yaye, nayo vyo yakali yagoloye du muwoko wakwe ho yalipicize.

Zefaniya 3:2

Lye 'kaya lyono si likumuhulika Muwaha Mulungu, hamba kubocela ze mejizo gakwe. Likali namwitumbila Muwaha Mulungu, hamba kulomba wutazi kuli Muwaha Mulungu.