Zefaniya 1:5 - Luganuzi Luswanu Kuli Wanhu Wose 2002

⁵ Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Zefaniya 1:5 Referans Kwoze

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

2 Watemi 17:33

Holeka wakawa wakumuhemba Muwaha Mulungu hamonga no kuyihemba milungu yawo yo wulambi, wakutyatya myoto ye zisi zawo kono walawilila.

1 Watemi 11:33

Nane nghwituma zizi, vyono Solomona yakondya kunema 'ne, alu yakuhemba milungu yinji, ye Asitalite, u mulungu mucekulu wa wanya Sidoni, hamonga no mulungu Cemoshi, u mulungu we Wamowabi, na Moleki u mulungu we Waamoni. Alu Solomona yakondya kungaluka, yetuma vibi, kanyhi hamba si yawibate no wulajilize wangu, hamonga ne malajilizo gangu, nha vyono u sogwe Dawudi yali yagebate.

Amosi 5:26

Alu ninga vyono mwavihemba ivihwani vye milungu vya Sakuti, mulungu wo mutemi wenyu, no mulungu wa Kayiwani, mulungu we nyelezi, molosoleleza vihwani vivyo,

2 Watemi 23:12

Mutemi Yosiya, yakavimwagulanga sunga ne vikumbicilo vyono, i watemi wa Yuda, wali wavizenjile mwi'tembe lya mwi'kulu, mu kaya yono yekalaga mutemi Ahazi. Mutemi Yosiya, yakavimwagulanga vikumbicilo vyono mutemi Manase, yavizenga mu viwanza vyejete vya mu Nyumba yo Mulungu. Yakavitulanga vikumbicilo, yakagagumila malowanjila gavyo mwi'lolo lya Kidiloni.

2 Watemi 17:41

Holeka wanhu wawo hamba wawe wamogopaga Muwaha Mulungu, ninga vyo wali wakali wajendeleye du no kuhemba vihwani vye milungu yawo. Co cikuleka sunga ne wana wawo, wakali wakwituma nhavivyo sunga ne nalu.

1 Watemi 18:21

Nayo Eliya yakawabitila wanhu yakawatya, “Alu mwene, mojendelela kukangamyanga mu mahweso mejete sunga nili? Hono Muwaha Mulungu yo Mulungu, ale muhembenyi yuyo du, na hono mukuwona vyono Baali nayo Mulungu, ale muhembenyi yuyo!” Ninga wanhu wose wakanyamala twii.

Walumi 14:11

Hambi i Mandiko nha gakutya, “Nha vyono ane nili mumi yakutya u Muwaha, munhu wo wose kofugamila, no munhu wo wose kovumila vyono yo nene u Mulungu.”

Matayo 6:24

“Hasina mwitumami mono kosuma kuwetumamila watwa wejete. Ku soko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.”

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Yelemiya 32:29

walipembele moto. Wolikongoga hamonga ne zikaya zose, zono wanhu wakuzitumamila, so wufusa wuvumba kuli Baali, mu matembe mucanyha, hamonga no kuyilavizya milungu yinji vilavywa vye divayi.

Yelemiya 5:7

Nayo u Muwaha Mulungu yakatya, “Alu mwene, ho nosuma wule kuwanenela wanhu wangu u wubi wawo lo? Hambi wene nha wakondya kundeka'ne nalu wakuyihemba i milungu yo wulambi. Ninga ane ho nawalisa wanhu wangu sunga wakeguta, ninga hamba nhavivyo, wene wakeyinjiza mu wusenyha, wakawa kwikala mu zinyumba hamonga ne wasenyha.

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Isaya 45:23

No wihuwizo wangu wa mbeka, hamba si wopituka yaye. Kanyhi nelahiza, nghehuwiza ko mulomo wangu nha vyono wanhu wose wolokuza wafugamile nene, wehuwize nha vyono wowa wali cihuliko kuli'ne.

Isaya 44:5

“Nawo wanhu wolonga yumonga yumonga wawe kutya, ‘Ane nili wo Muwaha Mulungu.’ Nawo wolokuza wehangulize hamonga ne wanhu wa Isilayeli. Nawo wose munhu na lwakwe kolokwiyandika litagwa lyo Muwaha Mulungu mu mhukumhuku yakwe, no kwiyitya vyono yaweza yumonga ne wanhu wo Mulungu.”

1 Watemi 11:5

Solomona yahembaga Ashitoleti, mulungu mucekulu wa wanya Sidoni, hamonga na Moleki, mulungu we cevu ce Waamoni.

Yoshuwa 23:7

Kanyhi mulece kuhangahanga ne makungugo ge wanhu wono wasigaye mumo, hamba mulece kutambula ne matagwa ge milungu yawo, hamba kwilahiziza mu matagwa gago, hamba kuyihemba milungu yiyo, hamba kuyifugamila.

Wukumbucize wo Wulajilize 10:20

Holeka munojeye mweze ne cihuliko kuli Muwaha Mulungu, u Mulungu wenyu, muwe kumuhemba mweneco yali wene du. Kanyhi mweze muli wehuwilwa kuli mwene, kanyhi mweze kwilahiziza mwitagwa lyakwe mweneco du.

Metumo ge Watumwa 10:9

Imitondo yaco, lono wanhu wawalya i wadatu wali wakali mu muhinzo, ninga wali wali behi no kufika ku Yopa, Petelo yakabita kucanyha ku golofa mu saa sita ye misi, kulomba.

2 Watemi 17:32

I wanhu wawa ninga kunji, wakawa wamogopile no Muwaha Mulungu. Na ku soko yiyo, wakawahagula wanji wa muli wene, wetume mulimo wo wukohani, mu vigongo, mu wukumbicilo we milungu yawo, yo wulambi, hamonga no mulimo wo kulavya makumbiko gawo.

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 7:10

Mukwituma zinghani zono si nizendile hamba hadodo. Hanyuma kanyhi ti, ho muwa kuza kwima hali 'ne, mugati ye Nyumba yangu, no kutya, ‘Ase cipolile!’

Yelemiya 8:2

Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Yelemiya 12:16

Nawo hono wawuvumile mu zinhumbula zawo u wuhembi we wanhu wangu, kanyhi welahize wawe kutya, ‘Nha vyono Muwaha Mulungu kekalaga mumi,’ nha vyono nawo wali wawafunda i wanhu wangu, kwilahiza kuli Baali, ale, nawo baho, nhondo ho wowalilizwa hamonga ne wanhu wangu, no kumoteswa.

Yelemiya 49:1

Azi zo nghani zono u Muwaha Mulungu yakuyilonjela yisi ya Amoni yakutya, “Alo i wanhu wa Isilayeli wali hayi lo? Heza hasina hamba munhu monga mono yakuyitetela yisi yawo lo? Alu nhawule wakuwaleka i wanhu wono wamuhembaga Moleki wakuyisola yisi ya wo mulango wa Gadi no kwikala mumo?

Hoseya 10:2

Ne wanhu wono nhumbula zawo nghoci, alu wogaya so wubi wawo. Mulungu kovibenanga vikumbicilo vyawo, no kugahodanga ne masumbili gawo.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Isaya 22:1

Ayi nayo yo nghani yo Mulungu kuli lilolo lyo wugubulilwe. Ta munonjelaje, alu mwina nghanici yono yikuleka wose mukunozeza wuhembi wenyu mucanyha ye matembe ge zikaya?