Zefaniya 1:15 - Luganuzi Luswanu Kuli Wanhu Wose 2002

¹⁵ Lyolowa yizuwa lyo wutamiswe, yizuwa lyo wugaye no wambuce, yizuwa lyo wongomezwe, yizuwa lye citi na lye nghungulyosi, wutitu ne mavunde,

Zefaniya 1:15 Referans Kwoze

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Wugubule 6:17

Hambi lizuwa lyo kogofya, lye likuwo lyawo, nha lyakondya kuza. Alu nani 'mbi mono kosuma kwima no kwidoma nalyo?”

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololing'anizwa no kongomezwa.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Zefaniya 2:2

lono mukali nawinjilwa kutali, kotya mawaje gono gapemheluswe ne mbeho, na lono likuwo lyo Muwaha Mulungu, lyono lihwanile moto likali si namuzizenyi, lizuwa lyono kololajila wukali wakwe.

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ng'o, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

Wukumbucize wo Wulajilize 28:52

Wanhu wawo, wologahoma makaya genyu gose, mu yisi yono Muwaha Mulungu yakumupelenyi. Sunga ne magomawakali, i matali muno, gono mwitumbiye, gose gologwa hasi.

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Isaya 13:9

Lizuwa lyo Muwaha Mulungu likuza, lizuwa lyo wukali we likuwo lyakwe. Mwi'zuwa lilyo, yinze yolonozwa yiwe mbago, no kuwongomeza wanyo wubi wose.