Zefaniya 1:14 - Luganuzi Luswanu Kuli Wanhu Wose 2002

¹⁴ Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Zefaniya 1:14 Referans Kwoze

Malaki 4:5

“Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

1 Watesalonike 4:16

Hambi nha wololavywa u wulajilize, lizi lya malayika muwaha, ne lizi lye ndulele yo Mulungu, nayo u Muwaha mweneco kolotima kulawa ku wulanga. Hobaho awalya wono wawuka kononze akuno wamwihuwiye Kilisito, wololongola kuzukulwa.

Ezekiyeli 7:12

Lipango likuza. Nalyo lizuwa lyasejelela lono holowa hasina kanyhi munhu mono kolowa kugula cinji hamba mono kolowa kwambaza cinji. Hambi wulipicize wo Mulungu, nha wolowaziza wanhu wose.

Isaya 33:7

Lanjenyi ta, i we citung'ati wo wakulila wakulondola wutazi. Nawo wetumami wono wajelaga kuleta mulamu, wakulila ko wusungu wuwaha muno.

Isaya 15:4

Wanhu wa Heshiboni, hamonga ne wanhu wa Eleyale, nawo wakulila, ne cililo cawo cikuhulikwa sunga ko ku Yahazi. Sunga ne wasilikale wose wakucicima, no witumbilo wawo wawuka.

Yakobo 5:9

Wandugu zangu, mulece kwing'ung'ulicila nyenye wose, ho mulece kuling'anizwa no Mulungu. Hambi u Muling'anizi nha yeza behi no kwinjila ha mulango.

Metumo ge Watumwa 2:20

Lizuwa lyolopituswa liwe citi, no mwezi wolopituswa wuwe sakami, lono lyowa likali si naza ilizuwa lyo Muwaha, lizuwa liwaha litambule,

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Zefaniya 1:10

Mwi'zuwa lilyo yakutya Muwaha Mulungu, “Molohulika mazi ge cililo mu Yelusalemi, ha Mulango we Somba. Kanyhi molohulika cililo ciwaha mwi'tumbi lye kejete lye likaya, hamonga ne lizozo yiwaha mu matunda.”

Yoweli 3:16

Muwaha Mulungu yakulonga ne lizi yiwaha ku wulawa mwi'tunda lya Sayuni, ne lizi lyakwe likudidima ku wulawa mu Yelusalemi, sunga ne yisi hamonga no wulanga navyo vikucicima, ninga mwene Muwaha Mulungu yo kowadima.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Ezekiyeli 12:23

Alu wuwalonjelaje nha vyono, ane no Muwaha Mulungu noyidumya kamonga i mbazi yiyo. Nayo hamba si yilahulicilwa lukulu kanyhi mu Isilayeli. Langa wamanye nha vyono, lipango lyakondya kuza, lyono u wuwizi wuwo wofisilizwa!’

Yelemiya 48:41

Ne makaya gayo hamonga ne magomawakali gayo golosolwa. Na mwi'zuwa lilyo i wasilikale wa Mowabu, wolokwinjilwa na woga wuwaha, nho mucekulu mono yali mu nghunga yo lusawo.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Yelemiya 25:36

Holeka luno, mulile ko wusungu wuwaha muno, hambi u Muwaha Mulungu, so likuwo lyakwe, nha kakondya kulyongomeza likungugo lyenyu,

Isaya 66:6

Ne lizozo lilyo lyono mukulihulika mwi'kaya, hamonga ne lizi lya mu Nyumba yo Mulungu, lyo lizi lyo Muwaha Mulungu yakuwalipiciza i walugu wakwe!

Wahebelaniya 12:26

Mwi'pango lilyo lizi lyayisinjisa yinze, ninga alu yehuwiza yakutya, “Noyisinjisa yinze, kanyhi hamba si yinze du langa sunga no wulanga nhavivyo.”

Wafilipi 4:5

Muweze wapolo kuli wanhu wose. U Muwaha yali behi.

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Ezekiyeli 7:16

Na wanhu wanji wolotiziza mu matunda nha nziwa zono zogofywa mu wikala mu malolo. Ne wanhu wose wolowulilila wubi wawo.

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Yelemiya 46:5

Kanyhi u Muwaha Mulungu yakuwuza yakutya, “Alu, yo nghanici kanyhi yiyi yono nghuyiwona?” “Lanje ta! Weza kuwuya ne nyuma so woga. Ne wasilikale wawo weza kuwingwa, wakondya kusumwa so woga, nalu wakutiza wamanyhile muno muno. Hamba si wakwilenga kanyhi kunyuma.