Zefaniya 1:13 - Luganuzi Luswanu Kuli Wanhu Wose 2002

¹³ U wugoli wawo wolosolwa, ne zikaya zawo zolohodangwa. Hamba si wolosumila lukulu kanyhi, kwikala mu zikaya zawo zono wakuzenga, hamba kung'wa divayi mu wulawa mu migunda yawo ye zabibu yono walimile.”

Zefaniya 1:13 Referans Kwoze

Amosi 5:11

Mukuwatema i waciwa no kuwahiziza wuhemba wawo. Na ku soko yiyo nanye simokwikala mu zikaya ziswanu zono muzenjile ne mabwe maswanu, hamba kung'wa divayi yono yikulawa mu zizabibu zenyu ziswanu zono mulimile.

Mika 6:15

Molohadika zimbeyu, ninga simolodudula cinji yaye. Molominya mafuta ge mizeyituni, ninga si mologetumamila yaye. Kanyhi molonoza ne divayi, ninga hamba si moloying'wa ng'o.

Wukumbucize wo Wulajilize 28:30

“Nagwe kolo wabanya muhinza, munhu yunji kogona nayo. Kozenga kaya, ninga hamba si kokwikala mu kaya yiyo. Kolima mugunda wa zabibu, ninga hamba si kozilya zabibu zayo.

Ezekiyeli 7:21

“Nane nolowaleka wajenzi waze wavitece, nawo wanhu wabi waze wayisole sawo yawo yose, wayavufye.

Yelemiya 15:13

Kanyhi u Muwaha Mulungu yakanonjela yakatya, “Kanyhi nolowaleta walugu, waze wazisole zisawo ze wanhu wangu hamonga no wugoli wawo wose, wawalipicize ku soko yo wubi wono wetumile mu yisi yose.

Yelemiya 9:19

Ale, ta muhulicize cililo cono cikulawa ku Sayuni cono wakutya, “Alu langa congomela! Cakozwa cevu muno muno! Nalu yicinojeye ciyilece yisi yetu hambi zikaya zetu nha zamwagulwanga.”

Wukumbucize wo Wulajilize 28:39

Kanyhi mowa kulima zabibu no kuzilanjilila muno muno, ninga hamba nhavivyo si mokwambulila cinji yaye, zabibu hamba divayi yayo. Hambi zabibu nha zokwinjilwa na sulenje.

Zefaniya 1:9

Kanyhi nolowalipiciza wose wono wakuhemba nhe wanhu wono si wamumanyile Mulungu, hamonga na wono wahizaga no kuwulaga, ho wazimemye ngaluzi zinyumba ze wawaha wawo.

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Ezekiyeli 22:31

Holeka ku soko yiyo, nane nowamwajila likuwo lyangu, niwakongoje mu moto, ku soko ye metumo gawo.” Vyo yakutya Muwaha Mulungu.

Ezekiyeli 7:19

Na kanyhi wolozigumilanga mu zinzila zahabu zawo hamonga ne zifweza zawo, hamba kuzisaka kanyhi yaye. Hambi nha hasina zahabu hamba fweza zono zosuma kuwaponya yaye, kolo wukali wo Mulungu wukuwaziza. Hamba si wolosuma kuzitumamila ho ziwegutye masulumizi gawo, hamba kuwegutya mu zinda zawo. Hambi zizo zi zahabu hamonga ne zifweza, nha zo zawatajila mu wituma wubi.

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

Yelemiya 5:17

Nawo wololya vya mu nhwanga yenyu, hamonga ne zindigwa zenyu. Wolowawulaga i wana wenyu we cilume hamonga na we cicekulu. Wololya matewa ge zing'ombe zenyu, ne zingholo zenyu. Woloyihodanga ne mizabibu yenyu, hamonga ne mibici yenyu ye mikuyu. Ne makaya genyu gono mwitumbiye, gono gena magomawakali, gose gago, golokongomezezwa lukulu ne wasilikale wo wulugu.

Yelemiya 4:20

Ligazo ali likuza, hanyuma linji nalyo likutyatya, sunga ne yisi yose nhondo, yalekwa matongo du. Ne mahema getu gongomezwa musunho, ne mapaziya getu gademulwanga vitema vitema.

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Wukumbucize wo Wulajilize 28:51

Nawo wololya mitugo zenyu sunga ne vilimwa vyenyu, nanye hamba si molotuga ndigwa, sunga mufwe. Nawo si wolomusigazizenyi hamba mhece monga yaye, hamba divayi, hamba mafuta, hamba ng'ombe, hamba ngholo, anye langa molofwa du.

Yelemiya 17:3

sunga na mu matunda gono gali mu'si mwi'hala. Alu nane nowanoza i walugu wenyu waze wayisole sawo yenyu yose, hamonga no wugoli wenyu, ku soko yo wubi wono mwetuma mu yisi yenyu yose.

I Cililo 5:2

Hambi zisawo zetu zose, nha zeza zili mu miwoko ye wajenzi. Kanyhi wawo wajenzi, wo wekaye na mu zikaya zetu.

Ezekiyeli 7:24

Ale, nane mwi'pango lilyo ho nilagaletela baha i makungugo mabi muno, gaze gazisole zikaya zenyu. Sunga ne wanhu wenyu we vilungo, wolowula vilungo lulo, kolo nawatuma makungugo waze wahavufye i hanhu henyu hono muhembelaga.