Zefaniya 1:12 - Luganuzi Luswanu Kuli Wanhu Wose 2002

¹² “Mu cipango cico nolosola tala niyimulice Yelusalemi, niyiwone vyono yinha. Kanyhi nolowapezya iwanhu wewoni, wono weyitumbilaga weneco, wono wakwiyitya, ‘U Muwaha Mulungu, si konoza ziswanu hamba si konoza zimbi.’

Zefaniya 1:12 Referans Kwoze

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Yelemiya 48:11

U Muwaha Mulungu yakatya, “Mowabu kekalaga yacehile du nhondo zose. Yakali si nasolwa hamba kamonga yategulwe ku wuhamywe. Mowabu yehwanile ne divayi yono yisunjile, yono yikali nayidwa mu wulawa mu ciya aci, yitajilwe kanyhi mu ciya cinji. Holeka ne ndaso yakwe, yikali nahodanjika, hamba mhunjile yakwe kukawanika yaye.

Ezekiyeli 8:12

Nayo Mulungu yakambuza yakatya, “Gwe go munhu, wule, wukuziwona ta zono wakwituma cinyele i walongola we Waisilayeli? Wuwalangaje ta, wose wakuhemba mu nyumba yono yimemile vihwani. Akuno wakwikojela wakutya, ‘Mulungu nha si yakuciwona! Hambi nha yakondya kuyileka yisi.’ ”

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

Zabuli 94:7

Wakutya ti, “Muwaha Mulungu si yakuwona yaye, u Mulungu wa Yakobo siyamanyile yaye!”

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’

2 Petelo 3:4

no kutya, “Yehuwiza vyono kolokuza! Ninga lu yali hayi? Hambi nha zinghani zo zizo du vyo yinha, ku wulawa lono wafwila wa kuku zetu ne nyikala ye vinhu vyo yiyilya du, nha vyono yali kulawo mwamulizo we yinze!”

Obadiya 1:6

Nanye wo lulelo lwa Esawu, zisawo zenyu zakondya kuhizwa.

Yelemiya 10:5

Ne vihwani vivyo, vihwanile nhe cihwani ciseswe co munhu, cono ciwicigwe mu mugunda we matanga, ho cogofye zindeje. Ne vihwani vivyo, si vikusuma kulonga yaye, hamba kujenda, langa sunga wuvidinghule du. Holeka anye, mulecele lukulu kuvyogopa, hambi nha si vyosuma kumutamisenyi yaye, hamba kumunozezenyi nghani yo yose yono swanu.”

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Zabuli 14:1

I walele welonjelaga caka wakutya, “Hasina Mulungu.” Wose wahodanji, wetuma zinghani ze cikomaza, holeka hasina hamba monga mono yakwituma ziswanu.

Jobu 21:15

Wakwihwesa nha vyono, hasina soko yo kumwitumamila Mulungu, hamba cambuzi co kumulomba.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Malaki 2:17

Mwamukataza u Muwaha Mulungu ne zinghani zenyu zono mukulonga. Ninga kanyhi mukuwuza mukutya, “Camukataza nhawule?” Mwamukataza no wulonje wenyu wono mukutya, “Muwaha Mulungu kehwesaga i wetuma vibi wose waswanu, kanyhi yakuwenda.” Hamba lono mukutya, “Yali hayi Mulungu mono koling'aniza?”

Zabuli 10:4

U munhu mubi, mu wulawilila mu widunhumuzi wakwe, hamba si kamucelelelaga Mulungu, ne mahweso gakwe gose katezaga, “Hasina Mulungu.”