Zefaniya 1:11 - Luganuzi Luswanu Kuli Wanhu Wose 2002

¹¹ Mulile mwikunguze kolo mukuzihulika zizi, anye mono mwikaye mu mhelo ye likaya, hambi wasuluza wose nha wowa wakondya kufwa!

Zefaniya 1:11 Referans Kwoze

Yakobo 5:1

Nalu ta hulicizenyi anye nyo wagoli! Mulile no le kwikunguza so wugaye wenyu wono womuzizenyi.

Ezekiyeli 21:12

Gwe go munhu, wulile wuzozize muno ko wusungu, hambi u mumaje wuwu, nha wuwikanizwe so wanhu wangu, na so walongola wose wa Isilayeli. Hambi wose nha wowulagwa, hamonga ne wanhu wose wono wasigaye. Ale, witowaje mu mhambaga yako ko wusungu.

Yelemiya 25:34

Ale, mucenje lwanji, mulile anye nyo walongola, anye nyo wadimi we wanhu wangu. Mulile mwihindile muno muno! Mulile, mwigalagaze mu mavu. Hambi i vilo vyenyu vyo wuwulagwe wenyu, nha vyakondya kufika. Nanye mokasikwa nha nyama ya ngholo.

Yohana 2:16

Yakawalonjela wono wagulaga zinziwa, “Viwusenyi vinhu avi bahano, mulece kuyinoza Nyumba ya Baba kuwa nha sokoni.”

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yoweli 1:5

Holeka nanye nyo wang'wela, mwenzeluce mulile muno muno, mulile ku soko ye divayi mhya, anye wose mono mung'wezaga divayi. Hambi zabibu zono muyinozezaga divayi mhya, nha zakondya kuhodangwa ne zinzije.

Hoseya 9:6

Wuhodanjice kolo wakondya kuza, ne wanhu wakwiyagala, wabite ku Siliya. Ne Wamisili wolowakonghola hamonga wazikwe ku Memufisi! Ne viwutwa vyawo vye fweza, hamonga ne hanhu hono zikaya zawo zali nzenje ha mwamulizo, holocindika mabalwe ne mamivya.

Yelemiya 4:8

Holeka luno, muvwale magunila, mulile ko wusungu wuwaha. Ku soko vyono likuwo liwaha lyo Muwaha Mulungu, likali si nawaleka i wa Yuda.

Jobu 27:16

Ne wanhu wabi, wadahile kuwa na fweza nyinji muno, hamonga ne myenda minji si nhe wanhu wose.

Jobu 27:17

Ninga munhu yunji we ling'ani, yo koloyivwala myenda yiyo. No munhu yunji u mwinenenyhezi, yo koloyisola fweza yiyo.

Zefaniya 2:5

Anye nanye nyo Wafilisiti, woyi hee kuli'nye, anye nyo wanhu mono mwikaye mu mhwani. Hambi Muwaha Mulungu, nha yakondya kudumula nghani muli'nye. Mwene komongomezenyi wose, hamba hasina yunji muli'nye mono kolosigala.

Zakaliya 14:21

Ne zinyungu zose zo kutelecela za mu Yelusalemi, na za mu Yuda yose, zolowa zasiwanulwa, ho zitumamilwe mu wuhembi wo Muwaha Mulungu we Mihanga. Ne wanhu wono wowa kulavya makumbiko gawo, wozitumamila so wutelecela zinyama zawo ze makumbiko. Ne lizuwa lilyo kolo lyafika, kolowa kusina kanyhi musuluza mu Nyumba yo Muwaha Mulungu we Mihanga.