Zefaniya 1:10 - Luganuzi Luswanu Kuli Wanhu Wose 2002

¹⁰ Mwi'zuwa lilyo yakutya Muwaha Mulungu, “Molohulika mazi ge cililo mu Yelusalemi, ha Mulango we Somba. Kanyhi molohulika cililo ciwaha mwi'tumbi lye kejete lye likaya, hamonga ne lizozo yiwaha mu matunda.”

Zefaniya 1:10 Referans Kwoze

2 Zinghomo 33:14

Na hanyuma ya zizo, Manase yakalyonjeza lijinji lya kunze wutali wayo, lijinji lya kucilima ye likaya lya Dawudi, ku wulawilila mwi'lolo behi no muvwilo we malenga ga Gihoni, ku lubavu lwa kusumuka, sunga ko ku Mulango wa Somba, sunga mo mu yisi ya Ofeli, mu ciwanza ce Nyumba yo Mulungu. Kanyhi yakawawika wawaha we wasilikale, wawe walanjilizi we vipuga vye hayo hayo, mu makaya gose ga Yuda gono gena magomawakali.

Amosi 8:3

Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”

2 Watemi 22:14

Nawo Hilikiya, hamonga na Ahikamu na Akeboli, na Shafani, na Asaya, wakawa kubita kuli mucekulu yunji muwizi, mono yacemwaga Hulida, mono yali yekaye ha citumbi cono cili behi muno na Yelusalemi. (U mulume wakwe yacemwaga Shalumu u mwana wa Tikiva, kanyhi mwizukulu wa Halihasi, nayo yali yo mulanjilizi we vivwalo vyo witumami mu Nyumba yo Mulungu.) Nawo wali weza kumwagana, wakamuloloseza zose zono zijeye.

Nehemiya 3:3

We mhuga ya Hasena, nawo wakawuzenga mulango we somba. Wakawicila ne micici yayo, ne milango yayo, hamonga ne vyuma ne makomeyo go kudindila lilango,

Zefaniya 1:15

Lyolowa yizuwa lyo wutamiswe, yizuwa lyo wugaye no wambuce, yizuwa lyo wongomezwe, yizuwa lye citi na lye nghungulyosi, wutitu ne mavunde,

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Yelemiya 39:2

Na mwi'zuwa lye licenda, lya mu mwezi we kane, wa mu mwaka we likumi na monga, wa mu wutemi wa Zedekiya, baho ho majinji ge likaya gakumulanjilwa.

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Isaya 59:11

Cimemile woga no wuhangawe. Cina wuhile no Mulungu yaciponye mu wiwonelwe wuwu hamonga ne mabi gaga, ninga hasina hambe'pitulo bwete.

2 Zinghomo 32:22

Nhavivyo vyo Muwaha Mulungu yamuponezya mutemi Hezekiya, hamonga ne wanhu wa Yelusalemi, mu miwoko ya Senakelibu u mutemi wa Ashuli, sunga na muli walugu wawo wanji. Yakawaleka wanhu wekale welamuye ne wakalani wayawo wose we zi'si zinji.

2 Zinghomo 3:1

Ninga mutemi Dawudi, u sogwe wa Solomona, yali yakondya kuhawikaniza i hanhu hono yozengwa yiyo Nyumba yo Mulungu. Ne hanhu heneco, hali ha Yelusalemi, he 'tunda lya Moliya, hono Muwaha Mulungu yelajilila kuli Dawudi, i hanhu hono Olinani u Muyebusi, yahetumamilaga nha cuga cakwe.

2 Samwili 5:9

Wali weza kulisola ligomawakali, hodu, Dawudi yakawa kwikala mumo, yakalicemela, “Likaya lya Dawudi.” Mwene yakawa kuzenga likaya likalipilima, yakanziza Milo i hanhu hono henuce ku lubavu lwa kucilima ye litunda sunga mugati yayo.

2 Samwili 5:7

(Ninga Dawudi yakasola ligomawakali lyawo lya Sayuni, sunga likamanyika vyono lyo “Likaya lya Dawudi.”)

2 Zinghomo 34:22

Nayo Hilikiya hamonga ne wayagwe, wakawa kubita kumuwuza mucekulu yunji litagwa lyakwe Hilida, u muwizi, mono yekalaga mu hanhu hapya mu Yelusalemi, nha vyono mutemi yawalajiliza. (U mulume wo mucekulu yuyo yacemwaga Shalumu u mwana wa Tikiva, kanyhi mwizukulu wa Balihasi, yali yo mulanjilizi we vivwalo vyono wetumamilaga ku wulongoza wuhembi mu Nyumba yo Mulungu.) Nawo wali weza kumwagana, wakamuloloseza zose zono zijeye.

Nehemiya 12:39

Na mu wulawa baho, cikakolela ha Mulango wa Efulayimu, no Mulango wa Yeshana, no Mulango we zisomba no Munala wa Hananeli, no Munala wa Hameya, sunga ko ku Mulango we Zingholo. No wupilime wetu, wukamalicila behi no mulango we Nyumba yo Mulungu.

Ezekiyeli 6:13

Ne mivimba yawo wose, yolowa yiyagaye mu vihwani vyawo, yipilime vikumbicilo vyawo. Kanyhi yinji yolowa yiyagaye mu vigongo vyose vitali, sunga na mu matunda gose. Sunga na mu masina ge mibici yose yono yidedewaye, na mu mibici yose yo munghola ye mahamha menji. Sunga ne hanhu hose hono wene walavizyaga makumbiko gawo ge vilavywa vinyanywe kuli vihwani vyawo. Na ku soko yiyo wose ho wolomanyila vyono ane yo nene Muwaha Mulungu.