Zakaliya 1:16 - Luganuzi Luswanu Kuli Wanhu Wose 2002

¹⁶ Alu nawuya kanyhi ha Yelusalemi, ho ndajile zo lusungu lwangu mwi 'kaya. Ne Nyumba yangu yonozelezwa, ne likaya nalyo, lyozengwa kanyhi.”

Zakaliya 1:16 Referans Kwoze

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Zakaliya 4:9

yikutya, “Zelubabeli yakondya kuwika musinji we Nyumba yo Mulungu, na mbeka koyikondeleza yikaya yiyi. Na kolo zizi zakondya kwijela ale, baho wanhu wose ho wokwihuwila vyono yo nene mono nakutegula kuli wene.

Ezekiyeli 47:3

U munhu yuyo, yakawusola mulejehe wakwe, yakapima mita magana mahano mu cikolongo, ku wubita ku lubavu lwa kucilima, yakawa kunonjela ndowocele baho mu cikolongo. Nago malenga gali gaficile mu zimbwejele ze migulu yangu.

Ezekiyeli 40:3

Yakasola yakasejeleza ho behi. Baho, nghamuwona munhu mono yang'alalaga nha shaba. Munhu yuyo, yali yemile behi no mulango, yebate mu muwoko wakwe cipimo co kupimila ca citambala ca bafuta, hamonga ne nghome yo kujelela,

Jobu 38:5

Ma, mono yehwesa zo wuwaha we yinze vyono wuwe, nani? Hamba nani mono yayijela no mulejehe? Wule, wugamanyile mapitulo ge mawuzo gago gose?

Hagayi 1:14

U Muwaha Mulungu yakaweza mitima wanhu wose wetume mulimo wo kuyizenga Nyumba yo Mulungu, Zelubabeli u mulongola we yisi ya Yuda, na Yoshuwa u Mukohani Muwaha, ne wanhu wose wono wawuya ku wulawa ku wuhamywe. Wakawa kwanza kuyizenga kanyhi Nyumba yo Muwaha Mulungu we Mihanga, u Mulungu wawo.

Ezekiyeli 48:35

No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”

Isaya 34:11

Nago matuwi ne mahowe go golokwikala mu yisi yiyo. Nayo Muwaha Mulungu koloyinoza kanyhi yilece kulela yiwe nha vyono yali lono yali yikali si nawumbwa.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Zakaliya 2:4

Malayika ayulya umulongozi, yakamulonjela muyagwe yakamutya, “Wumanyhe, wukamulonjele u muzelelo ayulya mono yena mulejehe wo kupimila, vyono ku Yelusalemi kolowa ko wali wanhu wenji, hamonga ne mitugo minji. Holeka ne likaya lyowiluka liwe yiwaha sunga lifute no kuwuzenjela majinji.

Zakaliya 10:6

“Nowanoza wanhu wa Yuda wawe ne vilungo kanyhi nowaponya wanhu wa Isilayeli. Kanyhi nowawonela lusungu no kuwagomola wose kono kaya yawo. Wowa kotya nha wono si nawalema ha mwamulizo yaye. Ane yo nene Muwaha Mulungu, Mulungu wawo, nowapitula no wulombe wawo.

Yelemiya 30:18

U Muwaha Mulungu yakutya nhavi, “Nowagomola wanhu wangu ku yisi yawo, ne zimhuga zawo zose, nowawonela lusungu. Nayo Yelusalemi yolozengwa kanyhi, ne likaya lyayo lye likulu, nalyo lyolozengwa kanyhi mu matongo galyo.

Zakaliya 2:5

Muwaha Mulungu mweneco, yelahiza vyono, u mwene yo kolowa majinji go moto gono gololipilima likaya no, kulidima kanyhi mwene kolojendelela kwikala baho nhondo zose, hamonga no lukumyo lwakwe lose.”

Zakaliya 2:6

Muwaha Mulungu yakalonga ne wanhu wakwe yakatya, “Naweyagaza anye wose mu malanga gose.