Zabuli 27:1 - Luganuzi Luswanu Kuli Wanhu Wose 2002

¹ U Muwaha Mulungu wo wuzelu wangu, kanyhi yo mhonelo yangu, alu kanyhi nimogope nani lo? U Muwaha Mulungu yo mudimi wangu alu nimogope nani 'mbi?

Zabuli 27:1 Referans Kwoze

Wahebelaniya 13:6

Holeka cikulonga cisina woga: “U Muwaha yo mutazi wangu, si nokogopa. Hambi u munhu konoza cici?”

Zabuli 118:6

Muwaha Mulungu, yali hamonga nane, holeka nane si nghogopa cinji co cose, hambi munhu konoza cici?

Wutuluce 15:2

Muwaha Mulungu vyo vilungo vyangu, kanyhi lo lwimbo lwangu, nayo mweneco yo mhonelo yangu. Nayo yo Mulungu wangu, nane nomulumba, yo Mulungu wo sogo yangu, nane nomukumya.

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizwaga lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muli'ne.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Zabuli 62:6

Nayo yo mweneco du, mono kandimaga, no kumhonya, mwene yo mudimi wangu. Holeka hamba sinosinjisika yaye.

Zabuli 18:28

Gwegwe go Muwaha Mulungu, go Mulungu wangu, yo gwegwe mono kumulicilaga, yo gwegwe mono kumbusizaga citi cangu.

Jobu 29:3

Lono Mulungu yali yali hamonga nane vilo vyose yakamhela no wuzelu wakwe wumulicile mu wutitu,

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Zabuli 118:21

Gwe go Muwaha Mulungu, nghukulumba vyono wuhulicize, hambi nha yo gwegwe du mono wumheye wusume.

Zabuli 19:14

Gwe go Muwaha Mulungu, nghukulomba zinghani zangu, hamonga ne mahweso gangu, vikwendeze gwegwe, mono wuli 'talawe lyo wutizizo wangu, kanyhi go Mukombozi wangu!

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Zabuli 62:2

Mwene, yo mudimi wangu mono yakumhonya. Mwene wo wihundiko wangu, muli mwene nikaye mholile.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Isaya 2:5

Holeka anye nyo wana wa Yakobo, kenhenyi cijendele mu wuzelu wono Muwaha Mulungu yakucipela.

Zabuli 18:46

U Muwaha Mulungu yo mumi! Yalumbwe, u mudimi no wihundiko wangu. Ale, mumukumyaje Mulungu mono yakumhonya.

Wugubule 22:5

I cilo si colokwijela kanyhi, hamba si wolosaka wuzelu we tala hamba we'zuwa, hambi u Muwaha Mulungu nha kowamulicila, nawo wotema cibitilila ne cibitilila.

Yohana 1:9

Awu wo wuzelu we mbeka, u wuzelu wono wukuza mono yinze, no kuwamulicila wanhu wose.

Wugubule 7:10

Wakalonga ne mazi mawaha, wakutya “I mhonelo yetu yikulawa kuli Mulungu wetu mono yekaye mwigoda lyo wutemi, kanyhi na kuli Mwana we ngholo!”

Luka 2:30

Hambi meso gangu nha gayiwona mhonelo yako.

Zabuli 11:1

U Muwaha Mulungu wo wutizizo wangu Alu anye mosuma nhawule kunyitya, “Ale wuguluce nha ndeje sunga ko kwi'tunda?

Zabuli 3:8

Agwe go Muwaha Mulungu, yo gwegwe du mono kuponyaga, ale wuwamotyaje wanhu wako.

Luka 3:6

Ne wanhu wose wowona u wukombozwe wo Mulungu.”

Matayo 8:26

Yesu yakawatya, “Nye mo wanhu wo wihuwilo wucefu, nhawulenyi mukogopa?” Hodu yakawa kwinuka, yakavitacila imbeho ne mawingo, navyo vikawa kunyamala twii.

Isaya 45:24

“Nawo wololonga wawe kutya vyono wusume ne vilungo, vyose vili muli'ne, ninga wono wasulile'ne, wose wolokozwa soni.

Zabuli 43:2

Agwe Mulungu, yo gwegwe mono wuli wutizizo wangu, alu kanyhi nhawule wanhaga kutali? Alu nha najendelela kugazika muno, nghugazwa ne walugu wangu?

Wukumbucize wo Wulajilize 7:18

Mulece kuwogopela lukulu, ninga mukumbucile zono yetuma Muwaha Mulungu, u Mulungu wenyu, kuli Falawo mutemi wa Misili, sunga na kuli wanhu wakwe wose.

Wukumbucize wo Wulajilize 7:21

Holeka anye mulecele lukulu kuwa no woga ku so wanhu wawa, hambi Muwaha Mulungu, u Mulungu wenyu, nha yali hamonga nanye. Mwene nha yo Muwaha Mulungu mono Yalawiliciye, kanyhi yo mweneco du mono yanojeye wanhu wamogope.

Zabuli 18:29

Ko wutazi wako, nghuwahoma walugu wangu, kumhelaga vilungo vyo kuzumhila lijinji.

Yelemiya 20:11

Ninga 'gwe go Muwaha Mulungu, nha wuli hamonga nane, yo gwegwe wuli vilungo vyangu, hamonga no wusume wangu. Nawo wono wakungaza, wose wogwa citawima, hamba si wosuma yaye, langa wokozwa cevu cibitilila. Ne cevu cawo hamba si colosemigwa yaye.