Zabuli 102:3 - Luganuzi Luswanu Kuli Wanhu Wose 2002

³ I vilo vyangu nha vikupuluta mbela mbela nha lyosi, ne mafupa gangu gakwaka nha moto.

Zabuli 102:3 Referans Kwoze

Yakobo 4:14

Hamba simumanyile vyono wumi wenyu wowa wule ku mitondo! Hambi anye nha mwihwanile linghungulyosi lyono lijelaga cipango cidodo vivi du no kwajilila kanyhi.

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

Zabuli 37:20

Ninga i wanhu wabi, wokongomela wose, ne walugu wo Muwaha Mulungu, wonyala nhe maluwa ga mu mbago, na mbeka, wokwajililila lukulu nha lyosi.

Jobu 30:30

Ne nghuli yangu yatukuwala tuku, ku soko ye mhungo yono nghutamwa

Zabuli 31:10

Hambi wikale wangu nha wukumalicila mu wukalale, heya, sunga ne myaka yangu nayo, mu cililo. Nasocela so wugaye sunga ne mafupa gangu gakutama.

I Cililo 3:4

Yandeka muwili wangu wugandile kanyhi wutimbile, yagabenanga ne mafupa gangu.

Zabuli 119:83

Hambi nha nezinga, nawa nha mufuko wa nyhingo mugumilwe mu lyosi, ninga hamba nhavivyo, nghali si ninawusemwa wutonji wako.

Zabuli 38:3

Na ku soko ye likuwo lyako, ane neza nili mu wusungu wuwaha muno, hamba na mu mafupa gangu, mweza musina wuswanu, ku soko yo wubi wangu.

Zabuli 27:9

Wulece kwihundika hali'ne. Hamba wulece kunemela mwi'kuwo ane no mwitumami wako, agwe nhondo zose, yo gwegwe mono wuli mutazi wangu holeka wulece kunhaga, hamba kundeka gwe go Muwaha Mulungu go Muponyi wangu.

Zabuli 31:3

Heya, hambi agwe nha wuli talawe lyangu, ne gomawakali lyangu. Ku soko ye litagwa lyako, wunongolele, wunhonje.