Zabuli 102:2 - Luganuzi Luswanu Kuli Wanhu Wose 2002

² Wulece kuwa kutali nane lono nili mu wugaye! Wuteje likutu lyako, wuhulice mbela lono nghulomba!

Zabuli 102:2 Referans Kwoze

Zabuli 69:17

Wulece kwihundika kutali, nane no mwitumami wako, wuhulicizaje 'lu, hambi nha nili mu wugaye.

Isaya 8:17

Ninga hamba yiwe, Muwaha Mulungu yehundice ho yalece kuwonwa ne wanhu wakwe, ninga ane nomwitumbila du, no kuwika witumbilo wangu muli mwene.

Zabuli 27:9

Wulece kwihundika hali'ne. Hamba wulece kunemela mwi'kuwo ane no mwitumami wako, agwe nhondo zose, yo gwegwe mono wuli mutazi wangu holeka wulece kunhaga, hamba kundeka gwe go Muwaha Mulungu go Muponyi wangu.

Zabuli 104:29

Na hono wihundice hadodo vivi du, hodu vyene vyagaya, na hono wuviwusize muhe wavyo wo wumi, hodu vyofwa lwa kamonga, no kuwuya mu manghundi mono vyalawilila.

Zabuli 70:1

Wumhonye, go Mulungu, 'gwe go Muwaha Mulungu wunhaze mbela!

1 Wakolinto 10:13

I majelo gono gakondya kumuzizenyi, go majelo ge nhondo zose du kuli munhu. Ninga umwene Mulungu, yo mwihuwilwa, nayo si kosuma kumulecenyi ho mujelwe kuciza vyono mosuma, ninga hamonga ne majelo gago, u mwene komupelenyi ne vilungo vyo kugakangalilila, sunga ne nzila yono yomukozenyi mu majelo gago mupolile.

Zabuli 143:7

Gwe go Muwaha Mulungu wumhitule mbela, hambi nha natimba muno mu nhumbula yangu. Wulece kuwa kutali nane, ho ndece kwihwana na awalya, wono wakubita ku yisi ye wafu.

Zabuli 71:2

Wunimule, wumhonye, ku soko yo wiling'ano wako, wuteje likutu lyako!

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Zabuli 40:13

Wumhonye, go Muwaha Mulungu, gwe go Muwaha Mulungu, wuze mbela wunhaze!

Zabuli 31:2

Wuteje likutu lyako, wumhonye mbela! Wuweze kuli'ne mudimi mono wukamile, wihundiko wo kumhonya.

Zabuli 22:19

Gwe go Muwaha Mulungu, wulece kuwa kutali nane. Agwe go mutazi wangu, wiyohaje wunhaze.

Zabuli 13:1

Gwe go Muwaha Mulungu, kosemwa 'ne lo sunga nili?

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Jobu 7:21

So cici si wukunenela wubi wangu, no kumbusiza masutya gangu gono sutyaga? Vyono alu nofwa no kuzikwa mu citenjelo nagwe konondola ko wupiligazi, ninga nowa nakondya kuwa nili hasina.”

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Wutuluce 2:23

Na yali yeza kupuluta myaka minji, yuyo Falawo mutemi wa Misili yakafwa, ninga Waisilayeli wali wakali wajendeleye mu wuwanda, akuno wakulila, wakulondola wutazi. Cililo cawo cikamuficila Mulungu,

Wutuluce 2:24

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo.

Zabuli 17:1

Gwe go Muwaha Mulungu, wuhulicize cililo cangu ce mbeka, ubocele wulombe wangu wa mu nhumbula, wono wusina wulambi.