Zabuli 102:1 - Luganuzi Luswanu Kuli Wanhu Wose 2002

¹ Gwe go Muwaha Mulungu, wuhulice wulombe wangu, ne cililo cangu cikuficile.

Zabuli 102:1 Referans Kwoze

Zabuli 18:6

Nghamulilila Muwaha Mulungu mu wugaye, nghamucemeleza Mulungu wangu yanhaze. Nayo yakalihulika lizi lyangu mu Nyumba yakwe, cililo cangu cikamuficila mu makutu gakwe.

Zabuli 61:2

Ku wulawa ku mhelo ye yinze, nghukulilila ne nhumbula yangu yizilice. Wunhegule mu canyha ye litalawe liwaha.

Zabuli 39:12

Gwe go Muwaha Mulungu, wuhulicize wulombe wangu, hamonga ne cililo cangu, wulece kunyamalila lono nghukulilila. Hambi ane nha ninha mujenzi du mono yakupuluta, nane nili mujenda nzila, nha vyono wali wenha walezi wangu wose.

Wutuluce 2:23

Na yali yeza kupuluta myaka minji, yuyo Falawo mutemi wa Misili yakafwa, ninga Waisilayeli wali wakali wajendeleye mu wuwanda, akuno wakulila, wakulondola wutazi. Cililo cawo cikamuficila Mulungu,

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

Luka 22:44

Nayo vyono yali mu wusungu wuwaha, yakehinda kulomba, ne lituguti lyakwe, likawa nha mabanhi ga Sakami gakasulula ho hasi.]

I Cililo 3:44

No wulombe wetu hamba si wakuficila yaye ku soko ye livunde lizito lyono walicita.

I Cililo 3:8

Nane nghulilila wutazi, ninga Mulungu si yakusaka kuhuliciza ng'o.

Zabuli 143:7

Gwe go Muwaha Mulungu wumhitule mbela, hambi nha natimba muno mu nhumbula yangu. Wulece kuwa kutali nane, ho ndece kwihwana na awalya, wono wakubita ku yisi ye wafu.

Zabuli 143:4

Holeka na mu nhumbula nakatala, sunga nalu fwiye yitenene ku soko yo woga.

Zabuli 5:2

Wuhulicize cililo cangu, 'gwe Mulungu go mutemi wangu, hambi nha yo gwegwe du mono nghulombaga.

2 Zinghomo 30:27

Nawo wakohani ne Walawi, wakawa kuwalombela wanhu u wumoteswe wa kuli Mulungu. Nayo Mulungu wulombe wawo kuko kono yekaye ku wulanga, no kuwuvumila.

1 Samwili 9:16

“I mitondo, mu mapango gono genha gaga, ane nokuletela munhu yakulawa mu mulango wa Benyamini, holeka nhondo mwitile mafuta munhu yuyo, yawe mutemi muli wanhu wangu Waisilayeli. Mwene yo kowaponya mu miwoko ye Wafilisiti. Hambi nha nakondya kuwuwona wugaye we wanhu wangu. Kanyhi nakondya kucihulika ne cililo cawo, vyono wakusaka wutazi.”

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

Zabuli 145:19

Muwaha Mulungu, kawapelaga visakwa vyawo wose wono wamogopile. Kacihulikaga cililo cawo no kuwaponya.

Zabuli 77:3

Nane lono nghumukumbucila Mulungu, nghutuga wuzinguce, na lono nghwihwesa muno, nhumbula yangu yikuzilika.

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Zabuli 42:4

Nina wukalale wuwaha muno, kolo nghukumbucila zono zapuluta, vyono nali nilunzize na wanhu wenji muno, nghuwatonga cikubita ku Nyumba yo Mulungu, na vyono cali cisangalaye no kwimba zinyimbo zo wulumbe. Ne lipuga lye wanhu wakunoza sikukuu.

Zabuli 12:5

Ninga u Muwaha Mulungu yakutya nhavi, “Ku soko vyono wasocele wakwiwonelwa, ne waciwa wakung'ung'ulika, alu neza kuza, nane nowapela wuwo mulamu wono wakuwulanjilila.”