Zabuli 101:3 - Luganuzi Luswanu Kuli Wanhu Wose 2002

³ hamba sinoyikangalilila nghani yo yose yimbi. I mijendele ye wanhu wabi, ane si niyendile yaye. Sunga ne mikalile yawo, ane si noyityatya ng'o.

Zabuli 101:3 Referans Kwoze

Zabuli 119:37

Wumbusize wuwe wo kuzityatya, zinghani zo wulele, wunhonje ho sume kuwumipa.

Jobu 31:1

“Ane nehuwiza nha vyono si nomukomalila lukulu meso muhinza ko kumusulumila.

Zimbazi 6:25

Holeka wulece kukwegwa no wuswanu wawo, hamba wulece kugwizwa no wulembule we meso gawo.

Matayo 5:28

Ninga ane nghumulonjelenyi vyono, umunhu mono komulanga mucekulu sunga yamusulumile, yuyo yakondya kusenyha nayo mu nhumbula yakwe.

Zabuli 40:4

Yo mumoti munhu mono yamwitumbiye Muwaha Mulungu, u munhu mono sivikwilunza ne wedunhumuzi, wono wakwajilila so wuhemba milungu yo wulambi.

Wutuluce 20:17

“Wulece kuyisulumila nyumba yo muyago. Wulece kumusulumila mucekulu wo muyago, hamba mwitumami wakwe we cilume hamba we cicekulu, hamba ng'ombe yakwe, hamba ndogowe yakwe, hamba cinji co cose co muyago.”

Wukumbucize wo Wulajilize 15:9

Kanyhi mulece kulema kumukopesha cono yakusaka, lunji mukutya vyono mwaka wo mupunghati wo kunenela wanhu migawa nha wuli behi kuza. Mulecele lukulu kuleceleza mahweso gago mabi gamuzizenyi mu zinhumbula zenyu. Na hono wuleme kumukopesha, nayo munhu yuyo komulilila Muwaha Mulungu ku soko yako, nagwe kowa wuli musutyi.

2 Petelo 2:21

Hambi nha yanda yiwe ciba kuli wene hono wali walece kuyimanya hamba hadodo, inzila yiyo yo wiling'ano, sinha kuyimanya, na hanyuma yayo, kuyileka no kulitaga lilajilizo lyono lyelile lyono walibocela.

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

Walumi 12:9

U wendo wenyu, wulece kuwa na wukonji wo wose. Muzisulaje izimbi, muzinamatilaje iziswanu.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Muganuzi 6:9

Mbeka yiyo yo nghani ya bwete du, kanyhi wo wigaze we bwete wono wusina cambuzi co cose. Ciba weze wuceye na cono wina naco, si nha kugazika nhondo zose, ne masulumizi go wusulumila kutuga vinhu vinji.

Yoshuwa 23:6

Holeka mulanjilile, mwitume zose zono zandicigwe mu citabu co Wulajilize wa Musa. Mulece kuyileka nghani hamba monga.

Wahebelaniya 10:39

Ninga ase si cili wayagwe na walya wono wakuwuya ne nyuma, no kwajilila, langa ase cihuwiye no kuponywa i zinhumbula zetu.

Zabuli 119:113

Nane niwasulile wanhu wono si wakwendile, Ninga nilyendile lilajilizo lyako.

Zabuli 78:41

Wakamujela Mulungu kali kenji muno muno, wakamukalaza muno muno yuyo, Mono Yelile wa Isilayeli.

Zabuli 14:3

Wose wapatuka, wose watipiye, hasina mono ketumaga ziswanu, hasina hamba monga.

Wutuluce 32:8

Hambi nha wapatuka, wayileka lwa kamonga i nzila yono nawalajiliza. Alu wene wenozeza ndama nyenjedulwe, wakuyihemba no kuyilavizya zahabu, akuno wakulonga wakutya, ‘Gwe Isilayeli, ayu yo mulungu wetu mono yaciwusa mu yisi ya Misili!

Mika 2:2

Na lono wawe wakusaka migunda, hodu, wakuyisola kwa vilungo, na lono wakusaka zinyumba, nazo wakuzisola, hasina mhuga yo yose, hamba sawo, yono yisigaye yipolile.

Isaya 33:15

Ninga yene, kosuma kupona hono wuwe wuli mwituma ze ling'ani no kulonga ze ling'ani. Holeka wulece kwitumamila wuwaha wono wina nawo ho wuwakonje-konje waciwa, hamba wulece kubocela mafupo. Kanyhi wulecele lukulu kwilunza ne wanhu wono wehwesaga zo wuwulaji, hamba kwituma zimbi.

Isaya 30:11

Holeka muwuce mu nzila yetu, hamba mulece kucimila mu wukolo wetu. Nase hamba si cikusacila lukulu kuzihulika zinghani zo Mulungu wenyu, u Mulungu wa Isilayeli.”

Zabuli 39:1

Ane natya, “Noyilanjilila mikalile yangu, ho ndece kwituma wubi mu wulonje wangu. Nowimila mulomo wangu lono wanhu wabi, wali behi nane.”

Zabuli 125:5

Ninga lono wukuwalipiciza i wanhu wabi, ale wulipicize sunga, na wono si wakutyatya zo wutonji wako. Mulamu weze kuli Isilayeli!

Zabuli 97:10

U Muwaha Mulungu, yawendile wono wawusulile wubi, kanyhi mwene kawudimaga wumi wa wehuwilwa wakwe, no kuwaponya mu vilungo vye wanhu wabi.

Zabuli 78:57

Wakawa wasina cihuliko, hamba kuwa wehuwilwa, wakawa nha vyono wali wenha walezi wawo, wakayumba-yumba nhe songa yono si nghangale.

Zabuli 36:3

Mwene kalongaga nghani za wavu zose kanyhi za wulambi, yaleka ku witumamila mahala no kwituma ziswanu.

1 Samwili 15:11

“Nghukalala muno muno vyono namunoza Sawuli yawe mutemi, hambi 'lu nha yakondya kundeka, kanyhi yakondya kugabedegala ne malajilizo gangu.” Nayo Samwili yakawa kukolwa ne likuwo. Na mu cilo ci cilya cose, yakagona yakulomba kuli Muwaha Mulungu.

Wukumbucize wo Wulajilize 13:17

Nanye mulece kusola cinhu co cose ca muli vinhu vivyo vyono vili mwiko kusola, holeka nayo Muwaha Mulungu si komukolelwenyi likuwo yaye, langa komuwonelenyi lusungu, no kumwinjifyenyi muwe wenji, nha vyono yawehuwiza walezi wenyu,

1 Yohana 2:19

Ne wanhu wawo wakulawilila muli sese, ninga i mbeka, si wali wayetu, na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

Zabuli 41:9

Sunga no mwendece wangu muwaha mono nali nimwitumbiye, mono nali kuhangana nayo zindigwa zangu, nayo yakondya kumhituka no kwihoma nane!

Zabuli 139:22

Holeka niwasuliye lukulu. No kuwanoza nha walugu wangu.

Zimbazi 6:12

Mbeka i wanhu wabi wono si wakwiliye cinji, wo wendile kubita ako na ako, wawa kutandaza zo wulambi.

Zimbazi 6:13

Wakonyezaga ne meso gawo, akuno wakunoza vitanjilo ne vidole vyawo, ho wakukonje-konje.

Zimbazi 8:13

I cogopo ca kuli Muwaha Mulungu, ciletaga kusula wubi. Nane hamba si niwendile widunhumuzi hamonga ne cibede, hamonga ne zinzila zimbi, ne zinghani zo wulambi.

Zakaliya 8:17

Mulece kwihwesa zimbi zo kwiyitamisa nyenye wose. Hamba kulavya wuhomelezi wo wulambi ko wilahize, hambi 'ne nha nizisulile zinghani zo wulambi na zo wukali, mu nzila yo kuwewonela wanhu.”