Yuda 1:4 - Luganuzi Luswanu Kuli Wanhu Wose 2002

⁴ Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu, no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga ku wulawa katali zo wuling'anizwe wono wuwalindiye i wanhu wawo.

I CILAGANE CIPYA 1991

⁴ Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Yuda 1:4 Referans Kwoze

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo, wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

1 Yohana 2:22

Alu u mulambi yo nani? Yo yuyo mono si yakuvumila vyono Yesu yo Kilisito. No munhu we nhavivyo, yo mulugu wa Kilisito, si yakuwavumila wose, u Sogo yo munhu no Mwana.

1 Petelo 2:16

Mwikalaje nhe wanhu welecele, ninga mulece kuwitumamila u welecele wenyu wuwe nha cigubicizo co wubi, langa i mikalile yenyu yeze nhe wetumami wo Mulungu.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, litalawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa ku wulawa mwamulizo.

2 Timoteyo 3:6

Na wanji muli wene, wo wabitaga mu zinyumba ze wanhu, no kuwateka wacekulu wasocele, wono wavunice ne mitegulo yo wubi, na wono wakutongwa no wusulumizi we mawala gose,

Wagalatiya 5:13

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololing'anizwa no kongomezwa.

Zabuli 62:2

Mwene, yo mudimi wangu mono yakumhonya. Mwene wo wihundiko wangu, muli mwene nikaye mholile.

Zabuli 1:1

Yali ciba munhu mono si yakuzityatya, zinghani ze wanhu wabi, hamba kutyatya mikalile, ye wanhu wahodanji, hamba kwilumbaniza ne wanhu wono, wakumubedegala Mulungu.

Yuda 1:15

ho yalavye u wuling'anizwe kuli wanhu wose, kuwaling'aniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

1 Petelo 4:18

Nha vyono i Mandiko Gono Gelile gakutya, “Hono vikamu kuli wanhu we ling'ani kuponywa, yolowa wule lu, kuli wanhu wono siwamogopaga Mulungu ne Wanyo wubi?”

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Metumo ge Watumwa 15:24

Cihulika vyono wanji wayetu wono walawa kukuno kono kwetu, wakumutimvyenyi no kumukalazenyi ne zinghani zawo, na vyono wakumutajilenyi mahwele mu zinhumbula zenyu. Ninga mumanye vyono, wetuma zizo, na akuno si wakomboywe na sese.

Metumo ge Watumwa 11:23

Nayo yaza fika kuko, no kuwona vyono Mulungu yawamotizye wanhu, yakasecelela, yakawanena wose wajendelele kuwa wehuwilwa muli Muwaha.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Matayo 13:25

Ninga lono wanhu wali wagona, u mulugu wakwe yakawa kuza, yakawa kugahadika mabalwe muciligati yo wuhemba, yakawa kubita.

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

2 Samwili 22:5

“Hambi i mawingo ge lifwa, nha gali gamhilime, ne mahwazi go wongomezwe, gakunghola mucanyha yangu.

1 Timoteyo 5:8

Ninga munhu mono si kawalulaga wanhu we mhuga yakwe, ko muno wawalya wa mu kaya yakwe, umunhu yuyo yakondya kuwukana wihuwilo, kanyhi mubi kuciza no munhu mono siyehuwiye.

2 Timoteyo 2:12

Na hono cijendelele no wukangalile, ale, colotemana nayo nhavivyo. Ninga hono cimukane, ale, kolocikana nayo nhavivyo.

2 Petelo 2:7

Yakamuponya Loti munhu muswanu, ne mikalile mibi ye muswanu, wanhu wawo wafyuzi.

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”