Yuda 1:19 - Luganuzi Luswanu Kuli Wanhu Wose 2002

¹⁹ Wo wanhu wono wakuleta matemanuko, wo wanhu wono watemigwe ne masulumizi gawo ga mononze, wo wanhu wono wasina Muhe wo Mulungu.

I CILAGANE CIPYA 1991

¹⁹ Wo wanhu wono wakuleta matemanuko, wo wanhu wono watemigwe ne masulumizi gawo ga mononze, wo wanhu wono wasina Muhe wo Mulungu.

Yuda 1:19 Referans Kwoze

1 Wakolinto 2:14

U munhu we ciyinze-yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Walumi 8:9

Ninga anye, si muli mu mikalile ye cimunhu-munhu, langa mu mikalile yo Muhe, hono u Muhe wo Mulungu yakwikala muli nyenye. Ninga yunji wo wose mono yasina Muhe wa Kilisito, yuyo si wakwe Kilisito.

Yakobo 3:15

Mahala gono genha nhavivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

Wahebelaniya 10:25

Cilece kuwuleka u wityatye wuwulya wo witang'anila hamonga, nha vyono wanozaga wanji. Kanyhi yicinojeye kwiyitaza sese wose, nha vyono mukuwona, i lizuwa lilya lyo Muwaha lyeza lili behi.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Zimbazi 18:1

Wanhu wono wetemanulaga ne wayawo, walondolaga ze masulumizi gawo weneco. Wesumanizaga na zono wayawo wakuwona zo swanu.

Hoseya 4:14

Hamba nhavivyo, nane si nowongomeza i wana wenyu we cicekulu so zizo ng'o, hamba i wakwe zenyu we cicekulu, hambi nha nyenye nyo weneco mono mukujendana hamonga ne wasenyha, no kuhanga hamonga mu wulavizya vihwani makumbiko. Nha vyono mbazi yikutya, ‘Wanhu wakongomela ku soko yo wu wula kumanya kwawo.’

Ezekiyeli 14:7

“Ninga yunji wo wose wa muli Waisilayeli, hamba wa muli wajenzi, wono wekalane hamonga ne wanhu we mhuga ye Waisilayeli, mono kondeka 'ne, no kuhemba vihwani, hanyuma kanyhi ho kawa kubita kuwuza kuli muwizi, nene no mweneco yo nomupitula munhu yuyo.

1 Wakolinto 6:19

Wulenyi, si mumanyile vyono i miwili yenyu yo Nyumba yo Muhe Mono Yelile mono yali mugati mwenyu, mono mwamubocela kulawa kuli Mulungu? Holeka alu nanye, si muli wenyu mo weneco.

Isaya 65:5

Hanyuma, wawa kuwalonjela wanhu wanji wakutya, ‘Mulece kucisejelela behi, hambi 'se nha si cinojeye cipamizwe na nyenye, hambi 'se nha celile!’ Holeka nane, si nosuma kwikalana ne wanhu we liwala lilyo. Ne likuwo lyangu kuli wene, nha lyacile kotya moto wono si wuzimaga.