Yuda 1:15 - Luganuzi Luswanu Kuli Wanhu Wose 2002

¹⁵ ho yalavye u wuling'anizwe kuli wanhu wose, kuwaling'aniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

I CILAGANE CIPYA 1991

¹⁵ ho yalavye u wulingʼanizwe kuli wanhu wose, kuwalingʼaniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

Yuda 1:15 Referans Kwoze

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

Walumi 2:16

Holeka nha vyono lwinha u Luganuzi lulu Luswanu lono nghumuganulilenyi, nhavivyo vyo lyolowa ilizuwa lyono u Mulungu koloziling'aniza zose ze cinyele ze wanhu, muli Yesu Kilisito.

Muganuzi 11:9

Gwe go muzelelo wusangalalile wudodo wako, nhumbula yako yiwusangalalile wuzelelo wako, witume nghani yo yose yono wendile kwituma, wutyatye wuhile we nhumbula yako, ninga akuno wukumbucile vyono Mulungu kokuling'aniza, mu nghango ya zizo zose.

1 Timoteyo 1:9

Ninga yicinojeye cikumbucile vyono u wulajilize si wukuwa kuwikwa so wanhu waswanu, langa wuwikwaga ku soko ye wahodanji na wono wasina cihuliko, wono siwamogopile u Mulungu ne wanyo wubi, iwanhu wono wasina dini, kanyhi we ciyinze yinze. Kanyhi wuwikwaga ku soko ye wanhu wono wawulagaga i wasogo zawo ne wanyina zawo, wawulaga wanhu,

Walumi 14:10

Alu so cici agwe wukumuling'aniza u muyago? Nagwe so cici lo wukumubedegala u muyago? Ase wose colokwima he 'goda lyo wuling'anizi lyo Mulungu.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Metumo ge Watumwa 17:31

Hambi nha yakondya kuwika lizuwa lyono koloyiling'aniza yinze mu ling'ani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Yohana 5:27

Kanyhi yamupeye no wulajilize wo kuling'aniza, ku soko u mwene, yo Mwana wo Munhu.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

1 Samwili 2:3

Mulecele lukulu wulonji wenyu wo wiwoni, munyamalile lukulu ne zinghani zenyu zo widunhumuzi, Hambi u Muwaha Mulungu, nha yo Mulungu mono yazimanyile zose, Nayo kaling'anizizaga muli zono wanhu wakwituma.

Wutuluce 16:8

Musa yakatya kanyhi, “Muwaha Mulungu, i cinyamihe, komupelenyi nyama, na hakali mitondo komupelenyi mikate ho mulye mwigute, hambi mwene Muwaha Mulungu nha kakondya kuwuhulika wung'ung'ulice wenyu, wono mukumung'ung'ulicila. Ase 'mbi cili wanani ho mucing'ung'ulicile? Hono mukucing'ung'ulicila ase, mumanye vyono mukumung'ung'ulicila Muwaha Mulungu.”

Wugubule 22:20

Nayo mono yakuhomelela zizino, yakutya, “Heya, mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!

Wugubule 13:11

Hanyuma kanyhi, nghawona yilimu linji likulawila, likulawa kusi ye'si. Nalyo lyali lina mahembe mejete, gono genha ge nyana ye ngholo, nalyo lyalongaga nhe lizoka.

Yuda 1:16

I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

1 Wakolinto 5:13

Ale mumuwinjilaje kutali muli'nye yuyo u munhu mubi!

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 7:20

Na kanyhi nghasaka ho manye za ga galya i mahembe yikumi, gono gali gali mu mutwe walyo, hamonga na ze lihembe lililya lyono lyakunghumuka no kulawila, no kuganoza mahembe ga galya madatu gagwe. Na vyono kanyhi, lyali lina meso no mulomo, kanyhi likikumya ko widunhumuzi muno muno. Na kanyhi lyali yilimu lya kogofya muno si nhe mayagwe.

Muganuzi 12:14

Hambi Mulungu nha koloyiling'aniza milimo yetu yose, hamonga ne metumo getu gose, gono cetumilaga mu cinyele, hono gawe maswanu hamba gawe mabi.

Zabuli 149:9

wawalipicize we makungugo, nha vyono Mulungu yalajiliza. Na wuwo wo wusume we wanhu wo Mulungu. Mumulumbe Muwaha Mulungu!

Zabuli 94:4

Alu i wabi wojendelela kwikumya so wubi? Hamba wokwidunhumula no kwikumya sunga nili?

Zabuli 73:9

Na kwe milomo yawo, wawulongaga vibi wulanga, na kwe zinimi zawo, wetapaga mono'nze.

Zabuli 37:6

Nayo kowunoza wuswanu wako wung'alale wuwe winha wuzelu, ne ling'ani yako yiwe yinha lizuwa lya mu misi mugati.

Zabuli 31:18

Wuyidinde milomo ye wanhu wawo walambi, i wanhu wedunhumuzi kanyhi wewoni, wono wakuwabedegala i wanhu we ling'ani.

Zabuli 139:20

Hambi nha wakukulonga agwe makani mabi, kanyhi wakulilonga litagwa lyako makani ga cevu!

Ezekiyeli 35:13

Nane nakondya kuzihulika zinghani zako ze cinyono-nyono, zono wukunonga'ne, ko widunhumuzi wuwaha.”