Yona 1:3 - Luganuzi Luswanu Kuli Wanhu Wose 2002

³ Ninga Yona yakatuluka, ho yamutize Muwaha Mulungu. Yakabita ko ku Yopa, na kuko yakagana ngalawa yono yabitaga ku Talishishi. Yakalipa mu nghango ye nawuli yo kubitila, ho yabitane nawo ku Talishishi, i hanhu hono kosuma kuwa kutali no Muwaha Mulungu.

Yona 1:3 Referans Kwoze

Yoshuwa 19:46

Mejakoni, na Lakoni, hamonga ne yisi yono yipilime Yopa.

Mwamulizo 4:16

Hodu nayo Kayini yakawa kuwuka ha mwande yo Mulungu, yakawa kubita kwikala mu yisi yono yili ku lubavu lwa kucilima ye Adeni, yono yikucemwa Nodi.

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemwaga Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

Metumo ge Watumwa 9:43

Nayo Petelo yakekala vilo vinji kuko ku Yopa, mu nyumba ya munhu yunji Simoni, munoza zinyhingo.

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Isaya 23:6

Holeka nanye nyo wanhu wa Foyinike, mulile ko wusungu wuwaha! Mutizize ku Sipaniya!

Isaya 23:1

Ayi yo nghani yo Mulungu kuli Tulo. Ale, mulile ko wusungu, anye nyo wajendela mu zingalawa mwi'lenga! Hambi i hanhu ha wuficilo we zingalawa zenyu ku Tulo, nha hakondya kongomezwa. I makaya gayo, hamonga ne hanhu ho wuficilo we zingalawa, mose gawa matongo du. Nagwe zingalawa zako kolo zakondya kuwuya ku wulawa Kupulo, ale, komanyizwa.

1 Watemi 19:3

Nayo Eliya, ku so nghani yiyo, hodu yakawa kutiza ho yeponye wumi wakwe. Yakamusola no mwitumami wakwe, wakawa kutiziza ku Belisheba ya ku yisi ya Yuda. Eliya yakamuleka mwitumami wakwe,

2 Watesalonike 1:9

No wulipicizwe wawo, wolowa wajilile we cibitilila, no kutemanulilwa lukulu no lukumyo lwakwe luwaha,

1 Wakolinto 9:16

Na hono yiwe ane nghuluganula u Luganuzi Luswanu, ayo yo si nghani yo kwilumbila, langa wo mulimo wangu du, wono napegwa. Holeka, woyi he kuli ne, hono ndece kuluganula Luganuzi Luswanu!

Metumo ge Watumwa 26:19

“Holeka, Go mutemi Agilipa, si nasuma kuwa mubezi kuli nghani yiyo yono nalajilwa kulawa ku wulanga.

Ezekiyeli 27:12

“Wukanoza wusuluza ne yisi ya Hisipaniya, wukatuga fweza, na cuma, na bati, wukavitumamila mu vinhu vyako.

Isaya 23:10

Ale, mubite mukayilime yisi, anye nyo wanhu wose mono ma'si genyu gali hasi yo wutemi wa Sipaniya! Kanyhi howa hasina hamba munhu monga mono kosuma kumucitilenyi yaye.

Jobu 1:12

Muwaha Mulungu yakamutya Setani, “Ale viswanu, ne vinhu vyose vyono yena navyo, nha vili mu muwoko wako. Langa nghukulonjela vyono, wulecele lukulu kumutamisa Jobu mweneco.” Hodu hobaho Setani yakawa kuwuka hali Mulungu.

2 Zinghomo 2:16

Nase cobita mwi'tunda lya Lebanoni, cikakutemele mabici go muhagata, mu nghango nha vyono gwegwe kosaka. Hanyuma cogawopeleza hamonga, cigojeze mwi'lenga, sunga ko ku Yopa. Nagwe kogasolela baho, wugategule ku Yelusalemi.”

Metumo ge Watumwa 15:38

Ninga Pawulo si yendezwa yamusole kanyhi yuyo Yohana (Maluko) mono halulongozi yakawaleka ku Pamufuliya, yakalema kuwa hamonga nawo mu mulimo wawo.

Luka 9:62

Yesu yakamutya, hasina munhu mono yebate lisili lyo kulimila, kanyhi yalanje kunyuma, yuyo si yakwiliye mu wutemi wo Mulungu!

Ezekiyeli 3:14

No muhe wo Muwaha Mulungu, wukanyiziza kwe vilungo viwaha wukanyasula. Na lono muhe wakwe wanyasulila kwe vilungo, nghahulika wusungu muno sunga nghakolwa ne likuwo.

Isaya 60:9

Zo ngalawa zono zikulawilila mu ma'si go kutali zikuwagomola i wanhu wo Mulungu kono kwawo. Wakuza wena hamonga ne fweza na zahabu ho walipele lilumbo litagwa lyo Muwaha Mulungu. U Mulungu mono yelile wa Isilayeli, mono yaganoza makungugo gose, gawapele cogopo i wanhu wakwe.

Isaya 2:16

Kolozidodomeza mu malenga zingalawa zimbaha kanyhi swanu.

Jobu 2:7

Hobaho Setani yakawa kuwuka hali Muwaha Mulungu, yakawa kumupela Jobu mapu mawaha muwili wose, wulawilila mu magulu sunga ko kwi ndosi.

1 Watemi 19:9

Yali yeza kufika he 'tunda, yakenjila mu mhango, yakagona mumo cilo cico. Ninga Muwaha Mulungu yakalongana nayo nhinicizo, yakamutya, “Alu Eliya, wukwitumaci baha?”

Mwamulizo 3:8

Na mu cinyamihe cico, wakahulika lizi lyo Mulungu yakujenda mu mugunda, u mulume yuyo hamonga no mugolece wakwe, wose wakehundika mu mibici ya mu busitani, ati u Muwaha Mulungu ho yalece kuwawona.

Metumo ge Watumwa 9:38

Na vyono Lida yali behi na Yopa, iwejizwa waza kuhulika vyono Petelo yali kuko ku Lida, wakatuma wanhu wejete kuli Petelo wamulonjele, “Wuze kono kwetu mbela.”

Metumo ge Watumwa 9:42

Ne nghani yiyi yikamanyika mu Yopa yose, ne wanhu wenji wakamwihuwila Muwaha.

Ezila 3:7

I wanhu wakalavya zipesa ho walipwe misahala i wazenji ne wasesa zimbawo. Wakalavya ne zindigwa ne ving'wegwa ne mafuta, ho vitegulwe mu makaya ga Tulo na Sidoni, wakavikawe ne zimbawo ze mihagata ku yisi ya Lebanoni, nazo zimbawo zizo zikaletwa mu nzila ye lilenga sunga ha Yopa. Na zizi zose ziketumwa so wulajilize wo mutemi Koleshi wa ku Pelisiya.

Zabuli 107:23

Wanji wakenjila mu zi ngalawa, wakawa wakwilondolela ndigwa zawo mumo mwi'lenga,

Yelemiya 10:9

Hambi i vihwani vivyo, nha vihiliwe du fweza yono yikulawa ku Sipeyini, ne zahabu yono yikulawa ku Ufazi, nayo yo milimo ye watyani wanghula, yivwalile myenda ye liwala lyo lugandu, hamonga na ye liwala lidunghu, i myenda mihone ne wanghula.

Yona 1:10

Yona yakawalonjela vyono yakutiza hali Muwaha Mulungu. Ne wanhu wose wono wali wali mu ngalawa wakogopa muno, wakamutya, “Alu yo nghanici waco yiyi yono witumile?”

2 Zinghomo 2:15

Holeka aluno, heya, wuciletelaje vinhu vyono wehuwiza, wuhemba ne shayili, ne divayi, hamonga ne mafuta.

2 Zinghomo 9:21

Mutemi Solomona, yali yena ngalawa zono zabitaga ku Talishishi hamonga ne zingalawa zo mutemi Hulamu. Na mu myaka midatu, ngalawa zo mutemi Solomona, zaletaga zahabu, fweza, mbali za nhembo, ne zinyani, hamonga ne zindeje.

Ezekiyeli 2:8

“Ninga agwe go munhu, wuhulice ta zono nghukulonjela. Nagwe wulanjilile, wulece kuwa wuli mubezi nhe wanhu wawo. Ale, wahame mulomo wako, wulye cono nokupela.”