Yohana 8:9 - Luganuzi Luswanu Kuli Wanhu Wose 2002

⁹ Waza hulika nhavivyo, wakawa kwamula kuwuka yumonga yumonga, wakamula i wakombi. Yesu yakasigala yali wene, nayo mucekulu yuyulya yakekala yemile bahalya du.

I CILAGANE CIPYA 1991

⁹ Waza hulika nhavivyo, wakawa kwamula kulawila yumonga yumonga, wakamula i wakombi. Yesu yakasigala yali wene, nayo mucekulu yuyulya yakekala yemile bahalya du.

Yohana 8:9 Referans Kwoze

Walumi 2:15

Imijendele yawo weneco, yikulajila vyono u mulimo wo Wulajilize, wandicigwe mu zinhumbula zawo. Ne viselinji vyawo, vikuyihomelela inghani yiyi nhavivyo, vyono hanji imahweso gawo gakuwahosa, na hanji gakuwatetela.

Muganuzi 7:22

nagwe komanya go mweneco vyono nagwe kuwaligaga wanhu kali kenji.

1 Yohana 3:20

Ku soko hamba yiwe ciselinji cetu cikucihosa, ninga cimanyile vyono u Mulungu yo muwaha yacizize ciselinji, na vyono u mwene yazimanyile zose.

Walumi 2:22

Wukulonga wukutya, “Mulece kusenyha.” Na akuno gwegwe go mweneco wukusenyha, si wuvyendile vihwani vye milungu, ninga go mweneco wukwiwikaniza kuhiza mu zinyumba ze milungu.

Yohana 8:10

Yesu yaza kwinuka, yakamuwuza mucekulu yuyo yakutya, “Alu 'gwe yaya, iwanhu walya wali hayi? Alu hasina hamba yumonga mono kakuling'aniza?”

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Luka 13:17

Yaza kukondya kulonga zizi, walugu wakwe wakapuwa wose; ne wanhu wose wakasecelela, ku so zinghani ze lilumbo zose, zono zetumwa no mwene.

Zabuli 71:13

ho wakozwe cevu no kongomela, wose wono wakwisumaniza nane, nawo wose wono wakusacila zimbi, wakozwe cevu no kuzwajizwa.

Zabuli 50:21

Agwe wetuma zizo zose, nane nyamaye du, wukwihwesa ane ninha gwegwe lo? Ninga alu nghukutacila, kanyhi nghukukalipila calinze.”

Zabuli 40:14

Ho wose wono wena wuhile wo kunyongomeza, wakozwe cevu, wapuwe! Wawo wono wakunondola wambulaje, nawo wawuye ne nyuma, wakozwe cevu.

Jobu 20:27

Wulanga wugubulaga wubi wo munhu, nayo yisi yikuhomelela.

Jobu 20:5

u munhu mubi yali yena nyemo ya cidaha cidodo du.

1 Watemi 17:18

Mucekulu mufwile yakamulonjela Eliya yakutya, “Gwe go munhu wo Mulungu, alo nhawule kunhendela nhavivi lo? Kunyiziza lo, u wubi wangu ho wukumbucilwe no Mulungu, wumbulajile mwanangu?”

1 Watemi 2:44

Si kotya wumanyile manyi manyi, i zimbi zose zono wamutendela baba Dawudi. Holeka nayo Muwaha Mulungu kokulipiza ku soko ya zizo.

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.

Yohana 8:3

Iwejizi wo Wulajilize ne Wafalisayo, wakamuleta mucekulu yunji mono yaganizwa mu wusenyha. Wakamuwika haciligati yawo.

Yohana 8:8

Kanyhi yakenama yakajendelela kwandika mu muhangha ne cidole.