Yohana 8:6 - Luganuzi Luswanu Kuli Wanhu Wose 2002

⁶ Wazilonga zinghani zizi wakumujela, ho watuje nzila yo kumusonjezeza. Ninga Yesu yakenama hasi, yakandika mu muhangha ne cidole.

I CILAGANE CIPYA 1991

⁶ Wazilonga zinghani zizi wakumujela, ho watuje nzila yo kumusonjezeza. Ninga Yesu yakenama hasi, yakandika mu muhangha ne cidole.

Yohana 8:6 Referans Kwoze

Yelemiya 17:13

Gwe go Muwaha Mulungu, agwe yo gwegwe go witumbilo wa Isilayeli, no munhu wo wose mono kokuleka 'gwe, kokwikoza cevu mweneco. Hambi nha wolokwajilila wose, nhe litagwa lyono lyandicigwe mu manghundi. Ku soko vyono wakuleka gwegwe go Muwaha Mulungu, go muvwilo we malenga momi.

Luka 10:25

Na yunji mwijizi wo Wulajilize yakema yakamujela Yesu, yakutya, “Ati Mwijizi, notenda wule ho niwutuje u wumi we cibitilila?”

Matayo 19:3

Ne Wafalisayo wanji wakaza, wakamuwuza, ho wamugwize, wakatya, “Ati, yo ling'ani, u munhu yamulece u mugolece wakwe no kumupela talaka ku soko ye lisutya lyolyose?”

Amosi 5:10

Anye wanhu mumusulile mono kawatacilaga wono si wali ling'ani, mono kulongaga mbeka yose ha mahakama.

Muganuzi 3:7

cipango co kudemula, ne cipango co kuhona, cipango co kunyamala, ne cipango co kulonga,

1 Wakolinto 10:9

Kanyhi, cilece kumujela u Muwaha, nha vyono wanji wakamujela, nawo wakawulagwa ne zinzoka.

Maluko 10:2

Ale, Iwafalisayo wakamuziza, wakasaka kumujela, wakamuwuza, wakutya, “Wule, munhu yena wukombolwe yamupele u mugolece wakwe talaka.”

Maluko 8:11

Iwafalisayo wakaza, wakanza kwiwuza na Yesu. Nawo wakawa kumujela, wakamusaka yawanozeze citanjilo cono cikulajila vyono mwene yena wukombolwe kulawa ku wulanga.

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Matayo 22:35

No muyawo yunji, u mwijizi wo Wulajilize, yakamuwuza Yesu, yakumujela, yakatya,

Matayo 22:18

Ninga mwene Yesu yakagamanya i mahweso gawo mabi, yakawa kuwatya, “Nyo wakoci'nye, nhawule lo mukunjela?

Matayo 16:1

Nawo i Wafalisayo ne Wasadukayo, wakamubitila Yesu, ho wamujele, wakamulomba yanoze citanjilo cono cikulawa ku wulanga.

Matayo 15:23

Ninga Yesu, hamba si yamupitula cinji ng'o. Ale i wejizwa wakwe, wakamubitila, wakamutya, “Wumulonjelaje u mucekulu yuyo yabite, hambi alu nha yakucityatya tyatya du akuno yakuzoza.”

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.

Amosi 5:13

Holeka, u wukanganizi wa mu vidaha vye zimbali, yo nghani swanu muno ku witume.

Danyeli 5:5

Lo lulo lulo muwoko wa munhu wukejela, wukanza kwandika mwi'jinji lye likaya lyo wutemi lyono lihiliwe swakala, hanhu hono zitala zamulikaga viswanu. Nayo mutemi yakawuwona muwoko wuwo lono wandikaga.

Zimbazi 26:17

Nawo u witajila mu nghani zono si zako, wihwanile no wubita mu nzila, kuwa kugebata makutu ge libwa nhinicizo.

Wuwale 14:22

hasina munhu hamba monga wa muli wawa, mono kokwikala mumi sunga yaze yenjile mu yisi yiyo. Hambi nha waluwona lukumyo lwangu lono lukundajila vyono nili baho, kanyhi wakagawona ne mapoto gono naganoza mu yisi ya Misili, sunga na mono nyika, kanyhi wakanjela no wukangalizi wangu kali kenji, ninga hamba nhavivyo, si wahulika 'ne yaye.

Mwamulizo 49:9

Yuda yenha nyana ya simba yono, kolo yebata mapelembo gayo, yiwuyaga mu mhango yayo, nayo yitambalalaga no kugona hasi. Nani 'mbi mono kosuma kumugaza?

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.

Luka 11:16

Wanji wakamujela, wakasaka yawalajile citanjilo co wukombolwe kulawa ku wulanga.

Maluko 12:15

Ninga mwene Yesu yali yawumanyile u wukoci wawo, holeka yakawatya, “Alu so cici mukunjela? Mundajilaje ta silinje niyilanje.”

Zabuli 39:1

Ane natya, “Noyilanjilila mikalile yangu, ho ndece kwituma wubi mu wulonje wangu. Nowimila mulomo wangu lono wanhu wabi, wali behi nane.”

Maluko 3:2

Baho hali howali wanhu wono wakasaka watuje nghani yo kumusonjezeza Yesu, holeka wakawa walindiye, wawone hono komuponya u munhu yuyo, mwizuwa lye Sabato.