Yohana 8:41 - Luganuzi Luswanu Kuli Wanhu Wose 2002

⁴¹ Anye mukwituma i metumo ga galya gono wetumaga wasogo zenyu.” Nawo wakamutya, “Ase si cili wana watumulwa yaye, langa cina sogo yetu yumonga du, Mulungu.”

I CILAGANE CIPYA 1991

⁴¹ Anye mukwituma i metumo gagalya gono wetumaga wasogo zenyu.” Nawo wakamutya, “Ase si cili wana watumulwa, langa cina sogo yetu yumonga du, Mulungu.”

Yohana 8:41 Referans Kwoze

Isaya 64:8

Ninga 'gwe go Muwaha Mulungu, agwe yo gwegwe du sogo yetu. Ase cihwanile lilongo, nagwe wihwanile u muwumbi we zinyungu. Agwe yo gwegwe mono waciwumba,

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Yohana 8:38

Ane nghulonga zono nawona kwa Baba, nanye mukwituma zono mwahulika ko sogo yenyu.”

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Malaki 2:11

I wanhu wa Yuda, wakondya kuwubena wihuwizo wawo hali Mulungu, no kwituma zo wubi mu Yelusalemi, na mu yisi yose. Wayihodanga Nyumba yo Mulungu yono Muwaha Mulungu yayendile. Wanhu watola iwacekulu wono wakuhemba imilungu mijenzi.

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 3:19

U Muwaha Mulungu yakutya nhavi, “Gwe Isilayeli, ane nasakaga nghubocele 'gwe kotya wuli mwanangu, nghupele ne yisi swanu muno, i hanhu haswanu hono hacizize yinze yose. Ane nasakaga agwe wunyheme'ne, baba, ho wulece kundeka 'ne kanyhi.

Wukumbucize wo Wulajilize 32:6

Alu anye nyo wanhu walele, kanyhi mono musina lilumbo, mukwihwesa nzila yiyo yo swanu lo yo kumwitumamila Muwaha Mulungu? Ninga, mwene yo sogo yenyu kanyhi yo muwumbi wenyu, yo mwene mono yamunozenyi ho muwe yikungugo.

Wukumbucize wo Wulajilize 14:1

“Kanyhi anye muli wanhu wo Muwaha Mulungu, u Mulungu wenyu. Holeka lono muli mu vililo ku soko ya wono wakondya kufwa, mulece kwisalanga masale mu miwili yenyu, hamba kwisilula mu vihanda vyo wusu wenyu, nha vyono wanhu wanji wanozaga.

Wutuluce 4:22

Baho nagwe wumulonjele Falawo wutye, ‘Ane no Muwaha Mulungu, yo nene mono nghutya nhavi, Isilayeli yo mwanangu we cilume u mwanangu mulongozi kulelwa.

Hoseya 1:2

Baho lulongozi lono Muwaha Mulungu yalonga ne Waisilayeli mu nzila ya Hoseya, Muwaha Mulungu yakamutya Hoseya, “Wubite wukatole, mucekulu musenyha, sunga ne wanagwe nawo wowa wasenyha nha vyono yenha nyina yawo. Nhavivyo ne wanhu wangu Waisilayeli, nawo wakondya kundeka, alu waweza wasenyha.”

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!