Yohana 7:3 - Luganuzi Luswanu Kuli Wanhu Wose 2002

³ Baho i wanduguze wakamutya, “Wuwuce bahano wubite ku Yudiya, iwejizwa wako ho wayiwone i milimo yono kwitumaga.

I CILAGANE CIPYA 1991

³ Baho i wanduguze wakamutya, “Uwuce bahano wubite ku Yudiya, iwejizwa wako ho wayiwone i milimo yono kwitumaga.

Yohana 7:3 Referans Kwoze

Matayo 12:46

Nayo Yesu lono yali yakali yakulonga ne mapuga ge wanhu, u nyina, hamonga ne wanduguze wakawa waza, no kwima hanze, wakuhila kulongana nayo.

Yohana 7:5

Sunga ne wanduguze, si wamwihuwila ng'o.)

Metumo ge Watumwa 2:14

Ninga Petelo, yakema hamonga ne wayagwe we likumi na monga, yakenula lizi lyakwe muno muno, yakawa kwanza kuwaganulila wanhu yakutya, “Nye wandugu zangu Wayahudi, nanye wose mono mwikaye mu Yelusalemi, muhulicize zono nghulonga.

Yohana 7:10

Lono wanduguze wali wabita ku sikukuu, Yesu nayo ho yakawa kubita, ninga siyabita ciwonelela, langa yabita cinyele.

Luka 8:19

Baho, u nyina ne wanduguze wa Yesu wakamuziza, ninga si wasuma kwiwona nayo so winji we wanhu.

Maluko 3:31

U nyina wa Yesu ne wanduguze wakaza baho, wakema hanze, wakamutegulila nghani vyono wakusaka kumuwona.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

1 Samwili 17:28

Nayo Eliyabi u muwahawe wa Dawudi, yakazihulika zose zono Dawudi yalonganaga ne wanhu. Hodu Eliyabi yakamukolelwa likuwo muno muno Dawudi, yakamutya, “Dawudi, alu wukunoza cici bahano? Alo nani mono wumuleceye zingholo zako mu muno mono mbago? Alu nhawule wusina cihuliko 'gwe go mudodo 'gwe! Alo wuli muvumbi naci! Manyile vyono kuza du ho wilolele wulugu!”

Mwamulizo 37:20

Alenyi cimuwulaje, ciwutaje muwili wakwe mwi'kombo linji. Hanyuma ase cotya vyono, lilimu lya mu mbago limuwulaga. Na hanyuma ho cowona zizo zindoto zakwe vyono zowa.”

Maluko 3:21

Ale, iwanduguze za Yesu waza kuyihulika inghani yiyo, wakabita kumwibata, hambi i wanhu nha watezaga vyono yamangha lukwale.

Yohana 2:2

nayo Yesu ne wejizwa wakwe wakalalikwa ku halusi.

Yohana 6:60

Holeka wenji wa muli wejizwa wakwe, waza kuzihulika zizo wakatya, “He, azi nghani nghamu! Nani'mbi mono kosuma kuzihulika?”

Yohana 6:66

Kusoko ya zizo, wenji wa muli wejizwa wakwe Yesu, wakawuya ne nyuma, hamba si wajendanaga nayo kanyhi.”

Yohana 7:4

Hasina munhu mono ketumaga cinji cinyele, hono yakuhila yamanyice ne wanhu. Holeka vyono wukwituma zizi, ale wilajilaje ho wumanyice mu yinze yose.” (

Luka 8:20

Yesu yakalonjelwa, vyono u nyina ne wanduguze wali kunze, wakusaka kumuwona.