Yohana 4:23 - Luganuzi Luswanu Kuli Wanhu Wose 2002

²³ Ninga i cipango cikuza, na lulu caza, lono wahembi we mbeka, womuhemba u Sogo yo munhu mu mbeka, mu vilungo vyo Muhe wo Mulungu. Hambi Sogo yo Munhu nha wo kasakaga i wanhu wono wakumuhemba mu nzila yiyo.

I CILAGANE CIPYA 1991

²³ Ninga i cipango cikuza, na lulu caza, lono wahembi we mbeka, womuhemba u Sogo yo munhu mu mbeka, mu vilungo vyo Muhe wo Mulungu. Hambi Sogo yo Munhu nha wo kasakaga i wanhu wono wakumuhemba mu nzila yiyo.

Yohana 4:23 Referans Kwoze

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Yohana 5:25

Mbeka nghumutyenyi, i cipango cikuza, na lulu caza, i cipango cono i wafu wolihulika ilizi lyo Mwana wo Mulungu, nawo wono wolihulika wowa womi.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Walumi 8:26

Nhavivyo no Muhe nayo yakucitaza mu wusocele wetu. Hambi nha si cimanyile vyono yicinojeye kulomba, ninga u Muhe mweneco, yakuwa kucilombela kuli Mulungu, ko wulilanzice no wukalale si wakulonga.

Yohana 12:23

Nayo Yesu yakawatya, “Icidaha co kukumizywa u Mwana wo Munhu, cakondya kufika!

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

Yohana 4:21

Yesu yakamutya, “Gwe yaya wunyihuwile, icipango cikuza, cono si molomuhemba u Sogo yo munhu, hamba mwi'tunda lili, kuko ku Yelusalemi.

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Isaya 43:21

Hambi wawa nha wo wanhu wono nenozeza nene no mweneco, nawo wowa kwimba zo lukumyo lwangu!”

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

Yoshuwa 24:14

Ale, Yoshuwa yakajendelela kuwalonjela yakutya, ‘Mumogopaje Muwaha Mulungu, kanyhi mumwitumamilaje kwe cogopo na ko wihuwilwa. Muwusize lukulu milungu yose, yono wayihembaga i walezi wenyu ku Mesopotamiya na ku Misili. Langa mumwitumamilaje Muwaha Mulungu du yali wene.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

Zabuli 17:1

Gwe go Muwaha Mulungu, wuhulicize cililo cangu ce mbeka, ubocele wulombe wangu wa mu nhumbula, wono wusina wulambi.

1 Samwili 12:24

Holeka mumuhulice Muwaha Mulungu, kanyhi mumwitumamile ko wihuwilwa kwe zinhumbula zenyu zose. Akuno mukukumbucila zimbaha zono mwene yamutendelenyi.

Yohana 16:32

Lanjenyi ta, cidaha cikuza, sunga na lulu caza, hono mokwiyagalila munhu kwakwe, munhu kwakwe, na mondeka nene nili wene. Ninga kumbe hamba si nili wene ng'o, hambi nha cina na Baba.

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Yelemiya 3:10

Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

Walumi 1:9

U Mulungu mono nghumwitumamila kwe nhumbula yangu yose, mu wuganula u Luganuzi Luswanu lo Mwanagwe, yamanyile vyono nghumukumbucilenyi,

Zabuli 147:11

langa mwene kendezwaga, ne wanhu wono wamogopile, wanhu wono wetumbilaga lusungu lwakwe.

Ezekiyeli 22:30

Nane nghalanga-langa, ho nhuje munhu muli wene mono kosuma kulizenga lijinji, na mono kosuma kwima i hanhu hono majinji gamwaguce, ho yasume kuyitaza yisi, lono nane neza kuyongomeza yisi kwe likuwo lyangu. Ninga si namutuga yaye hamba monga.

Lwimbo Luswanu muno 2:14

Hambi nha wihwanile ngungulima, yono yihundikaga mu mapalika ga mu mabwe mawaha. Ta wundekaje nghulanje wusu wako vyono wunojeze, nilihulice ne lizi lyako, lyono likunhamisa mu nhumbula yangu.

Zabuli 32:2

Yo mumoti munhu mono u Muwaha Mulungu si yakumuwalila, hamba kugakumbucila masutya gakwe, u munhu mono yasina wukonji wo wose mu nhumbula yakwe.

Isaya 10:20

Ne vilo vikuza, vyono i wanhu wa Isilayeli wono wolopona, si wololyegamila kanyhi likungugo lyono lyamulipicizenyi ng'o. Langa wolomwitumbila Muwaha Mulungu, u Mulungu mono yelile wa Isilayeli.

Yohana 5:28

Mulece kwizina nghani ayi, hambi i cipango nha cikuza, cono wose wono wali mu vitenjelo, wolihulika ilizi lyakwe,

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.