Yohana 3:16 - Luganuzi Luswanu Kuli Wanhu Wose 2002

¹⁶ Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

I CILAGANE CIPYA 1991

¹⁶ Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yohana 3:16 Referans Kwoze

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

Yohana 3:15

muli wose mono yakumwihuwila, ho yawe no wumi we cibitilila.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nhavivyo, wule, si kocipela ne ziswanu zose?

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwi'zuwa lya ku ndumo.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa wulipicizwe wo Mulungu wo kwikala muli mwene.

1 Yohana 4:19

Ase cina wendo, vyono Mulungu yamula kucenda.

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, yili calinze vyono coponywa so wumi wa Kilisito.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Waefeso 2:4

Ninga u Mulungu yo munya u lusungu lwinji. Yacenda ko wendo wuwaha,

Matayo 9:13

Holeka mwiyijizizaje mu nhunizo ye zinghani azino, ‘Ane nghusaka lusungu du, hamba si makumbiko.’ Hambi ane nha si naza ho niwaceme iwanhu waswanu, ng'o, langa iwanhu wabi.”

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Mwamulizo 22:12

Malayika yakamutya, “Wulece kumutamisa yuyo mwana, hamba wulece kumutendela nghani yo yose! Alu namanya vyono agwe mbeka wumogopile Mulungu, vyono si wumulemeze mwanago we ciwene Isaka.”

Tito 3:4

Ninga caza kugubulwa i cidaha co wuswanu no wendo wo Mulungu, Mukombozi wetu,

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Maluko 12:6

Nayo yakawa yakali yasigaliywe no munhu monga du, nayo yo mwanagwe mwendece. Na handumilizo, yakamutuma yuyo akuno yakutya, ‘Womogopa mwanangu.’

Luka 2:14

“Lukumyo kuli Mulungu kucanyha, na kono'nze mulamu kuli wanhu wono wakumunojeza.”

Mwamulizo 22:2

Mulungu yakamutya, “Ale, wumusolaje mwanago Isaka, u mwanago we ciwene, mono wumwendile, wubite nayo sunga ku yisi ya Moliya, wukamulavye kuko, likumbiko linyanywe, mucanyha ye litunda lyono nokulajila nene.”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yohana 3:18

“Mono yamwihuwiye mwana si yakuling'anizwa, mono si yamwihuwiye, yakondya kuling'anizwa, vyono si yamwihuwiye u Mwana we ciwene wo Mulungu.

Wahebelaniya 2:9

Langa cikumuwona Yesu mono yanozwa mudodo kwa cipango cidodo si nhe wamalayika, na so i lihewa lyo Mulungu, yafwe ku soko ye wanhu wose. Sunga nalu cikumuwona yakondya kutemywa ko lukumyo ne lilumbo, ku soko yo wutamiswe we lifwa.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.