Biblia Todo Logo
Bib sou entènèt

- Piblisite -




Yohana 15:1 - Luganuzi Luswanu Kuli Wanhu Wose 2002

1 “Ane yo nene muzabibu we mbeka, na Baba yo mulimi.

Gade chapit la Kopi

I CILAGANE CIPYA 1991

1 “Ane yo nene muzabibu we mbeka, na Baba yo mulimi.

Gade chapit la Kopi




Yohana 15:1
28 Referans Kwoze  

Ninga ane ho nakuhadika 'gwe nha muzabibu muhagulwa, mu wulawa mu mbeyu swanu muno. Ninga lu lanje vyono weza winha! Weza winha muzabibu wono wudodile wono wusina kanyhi cambuzi co cose.


Hambi ase wose nha cili ndugu monga, kanyhi cili wetumami hamonga no Mulungu, na anye nanye, yo nyenye mono muli mugunda wakwe, kanyhi muli zengo lyo Mulungu.


Ne wanhu wako wolowa kwituma zo mugoloka, nane nowapela yisi cibitilila. Hambi nha yo nene mono nawawumba no kuwanoza, ho ndajile wuwaha wangu kuli wanhu wose.


Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.


Hambi u muwili wangu nha yo ndigwa ye mbeka, ne sakami yangu co cing'wegwa ce mbeka.


Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.


Hamba nhavivyo i lilajilizo lili lyono nghumwandicilenyi, lye 'lajilizo lipya, ne mbeka yalyo, yikwijelela muli Kilisito na muli nyenye nhavivyo. Hambi u wutitu nha weza kuwuka, no wuzelu we mbeka weza kwamula kubulila.


Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.


Yesu yakatya, “Hulicizenyi ta, cihwanicizo cinji, Munhu yunji munya kaya, yakalima mugunda we mizabibu, yakawusitila no mululu, yakahimba ne likombo mumo lyo kuminyila zizabibu, yakazenga ne cilingo. Hanyuma yakawawika walimi, u mwene yakawa kubita ku yisi yinji ya kutali.


Waisilayeli wali wenha kotya nha muzabibu wono wulelile zabibu nyinji muno. Mu nghango yo wumoteswe wawo, yikawa yo nghango yo wonjeleze wo kuzenga vikumbicilo vinji. Na mu nghango yo wulezi we yisi yawo vyono wali winha, ale, yo nghango yo wuswanu we masumbili ge mabwe maswanu gono wanoza, gono wahembaga.


Yesu yakawatya, “Ane nghumulonjelenyi mbeka, vyono Musa yo si yamupelenyi nyenye ndigwa yiyilya yono yalawaga ku wulanga, langa Baba yo yakumupelenyi nyenye, indigwa ye mbeka yono yikulawa ku wulanga.


Hanyuma Yesu yakawalonjela cihwanicizo cici. “Munhu yunji yali yena mukuyu muhadikwe mu mugunda wakwe; u munhu yuyo yakabita yakusaka kuhepa mikalo mu mukuyu wuwo, ninga yakawagana wukali si nalela hamba hadodo.


“U Wutemi wa ku wulanga wihwanile no munhu mono yali yena u mugunda we mizabibu, mono yelawa hakali mitondo muno, yakawika iwetumami mu mugunda wakwe.


Nase, nhondo cilawe hakali mitondo muno muno, cikayilanje mizabibu, ciyiwone hono yiwe yawiluka, na hono maluwa gawe gabonhola, na hono mikomamanga nayo yiwe yalavya maluwa. Kuko langa ko cokwikumbatilila.


Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!


Awu wo wuzelu we mbeka, u wuzelu wono wukuza mono yinze, no kuwamulicila wanhu wose.


Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.


Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.


Kanyhi u nyina yako, yali yehwanile no mubici wo muzabibu, wono muhadikwe behi ne malenga. Na vyono hali hogali malenga menji, holeka muzabibu wali wina mahamha menji, kanyhi wukalela mikalo minji muno.


Ninga u mwene Yesu, yakawapitula, yakawatya, “Ibici lyo lyose lyono u Sogo yangu wa ku wulanga si yalihadice, lilyo langa lyokulwa.


Mwene kaliwusaga muli'ne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.


Heya, ninga imanhambi ganji go muzeyituni wa mu mugunda gadumulwa, ne hanhu hayo, ilinhambi lyo muzeyituni wa mu mbago likalumbicizwa. Nanye mo wanhu mono si muli Wayahudi, yo nyenye mono lyo linhambi lilyo lyo muzeyituni wa mu mbago, aluno mukuhanga ivilungo ne mele, vyo muzeyituni wa mu mugunda.


Swiv nou:

Piblisite


Piblisite