Yohana 13:8 - Luganuzi Luswanu Kuli Wanhu Wose 2002

⁸ Petelo yakamutya, “Agwe si ko nzuguziza lukulu imigulu yangu.” Yesu nayo yakamutya, “Hono ndece kukuzuguza, hodu, si kosuma kuwa mwijizwa wangu kanyhi.”

I CILAGANE CIPYA 1991

⁸ Petelo yakamutya, “Agwe si ko nzuguziza lukulu imigulu yangu.” Yesu nayo yakamutya, “Hono ndece kukuzuguza, hodu, si kosuma kuwa mwijizwa wangu kanyhi.”

Yohana 13:8 Referans Kwoze

Tito 3:5

yakacikomboza. Si yacikomboza ku soko ye nghani yo yose swanu yono cetuma sese, langa yacikomboza ku soko yo lusungu lwakwe, mu nzila yo Muhe Mono Yelile mono yakucipela ho cilelwe wupya, no kuwa ne mikalile mipya ko kucikwema kwe malenga.

Metumo ge Watumwa 22:16

Nhawule lu wukucela? Winukaje, wubaputizwe wuwusizwe lukulu uwubi wako, kuno wukulicemeleza ilitagwa lyo Muwaha.’

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

Waefeso 5:26

Yanoza nhavivyo ho yalyezeze mu nghani yakwe, yaliwice siya kuli Mulungu, lono yakondya kulyeza ko kulihovuga kwe malenga,

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwi'tagwa lyo Muwaha Yesu Kilisito na ko Muhe wo Mulungu wetu.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wakolosayi 2:23

I mbeka, malajilizo gago gakwijela galawiliye mu mahala ga mu wuhembi wo kwisacila weneco, no winenenyhezi wo wulambi, no kuwugaza u muwili, ninga mbeka si gakwiliye hamba nhavi ku wimila u wusulumizi wo muwili.

Wakolosayi 2:18

Kanyhi mulece kuvumila kuling'anizwa na munhu yunji, mono yakwinoza nha munhu we lilumbo ku soko yo wuwona wugubulilwe wakwe, no kwisacila u winenenyhezi wo wulambi, no wuhembi wo kuhemba wamalayika. U munhu mono yenha nhavivyo yalelepeye mu mahala go wulele ge ciyinze yinze.

Yohana 3:5

Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Matayo 26:33

Petelo yakamutya Yesu, “Hamba wose wawe na mahwele ku soko yako, no kutiza, no kukuleka, ninga ane hamba si nokulecela lukulu.”

Matayo 21:29

Nayo muzelelo yulya yakatya, ‘Nema ne!’ Ninga hanyuma yayo, yakapitula lihweso lyakwe, yakabita kuwitumo mulimo.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Isaya 4:4

Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Matayo 26:35

Nayo Petelo yakamutya, “Hamba hono yiwe yinojeye nifwe hamonga nagwe, ane langa, hamba si nokulecela lukulu.” Ne wejizwa awalya wanji wose, nawo wakalonga nhavivyo.

Matayo 16:22

Baho Petelo yakamusola Yesu, yakamuteza hamhelo hadodo, yakamutacila, yakutya, “Gwe Muwaha, yilece kuwa nhavivyo! Inghani yiyi si yo kwijelela ng'o.”

Mwamulizo 42:38

Ninga sogwe yakamupitula yakamutya, “Gwe Lubeni, si mobita no mwanangu Benyamini ye, lanje, muwahawe Yusufu yali hayi, yakondya kufwa, nayo yo yuyu du Benyamini mono yasigaye. Ane lu, naweza mukombi, memile mvwi zose, holeka na yuyu nayo Benyamini, hono yaganwe ne zimbali mumo mu muhinzo wenyu wono mukuhila kubita, mulanjilile, ane mombulaga no wukalale.”

Yohana 13:6

Yakafika hali Simoni Petelo: Nayo Petelo yakatya, “Muwaha, alo gwegwe wunzuguze magulu gangu?”

Wukumbucize wo Wulajilize 12:12

Mumusangalalile Muwaha Mulungu, nyenye ne wana wenyu, ne wetumami wenyu, ne Walawi wono mwikalane nawo mu makaya genyu, ninga mweze kukumbucila vyono Walawi, wowa wasina yigawo, hamba wuhazi we yisi.

2 Samwili 20:1

Ale, kuko ku Giligali, kukawa na munhu litagwa lyakwe Sheba mwana wa Bikili, we mbeyu ya Benyamini. Yuyo Sheba yakawa yena mikalile mibi muno muno. Mwi'zuwa linji yakawa kutowa ndulele, yakawa yakuwalonjela i wanhu wa Isilayeli yakutya, “Anye nyo wanhu wa Isilayeli, ase cisina yigawo lyolyose na Dawudi! Holeka cisina soko yo yose yo kumutyatya! Alenyi ciwuye ku zikaya zetu!”

1 Watemi 12:16

Nawo wanhu waza kuwona vyono mutemi Lehobowamu hamba si yakuwahuliciza yaye, hodu, wakazozeza wose hamonga wakutya, “Mwene nye, ase cina yigawo ne mhuga ya Dawudi! Hamba wuhazici wono cina muli mwana wa Yese? Nye nyo wanhu wa Isilayeli, alenyi ciyagale ciwuye ku zikaya zetu. Mulece kumutyatya kanyhi Lehobowamu mumulekaje yali wene!” Hodu hobaho i wanhu wa Isilayeli wakawa kumugaluka mutemi Lehobowamu.

Zabuli 51:2

Wunyezeze lukulu wavu wangu, wunghweme wubi wangu.

Zabuli 51:7

Wumbusize wubi, niwe nyelile, wunghweme, ne Hisopo niwe muzelu swee.

Yohana 13:9

Simoni Petelo yakamutya, “Muwaha, nzuguzaje, ninga si migulu yangu du, langa sunga ne miwoko yangu no mutwe nhavivilya.”