Yohana 13:21 - Luganuzi Luswanu Kuli Wanhu Wose 2002

²¹ Yesu yaza kukondya kulonga zizi, yakagazika muno mu nhumbula, yakawa kulonga yakatya, “Mbeka nghumutyenyi, muyenyu yumonga, kongaluka.”

I CILAGANE CIPYA 1991

²¹ Yesu yaza kukondya kulonga zizi, yakagazika muno mu nhumbula, yakawa kulonga yakatya, “Mbeka nghumutyenyi, muyenyu yumonga, kongaluka.”

Yohana 13:21 Referans Kwoze

Matayo 26:21

Na lono walizaga, Yesu yakawatya, “Ane nghumulonjelenyi mbeka, vyono u muyenyu yunji muli nyenye, kongaluka.”

Yohana 13:18

“Zizi si nghumulonjelenyi wose. Niwamanyile wono nawahagula. Ninga yinojeye i Mandiko Gono Gelile gafisilizwe gono gakutya, ‘Yuyulya mono cikuhanga nayo zindigwa zangu, kapituka no kungaluka.’

Maluko 14:18

Na lono walizaga zindigwa ha meza, Yesu yakatya, “Mbeka nghumulonjelenyi, muyenyu yunji mono cikulizana hamonga nane, kongaluka.”

Yohana 12:27

“Alu nhumbula yangu yikugazika, wule, alu noze cici? Hamba nitye, ‘Baba wulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Yohana 11:33

Yesu yaza kumuwona Malyamu yakulila, ne Wayahudi wono wazana nayo, nawo wakulila, lusungu lukamukola mu nhumbula, nayo yakatamika muno, yakatya,

1 Yohana 2:19

Ne wanhu wawo wakulawilila muli sese, ninga i mbeka, si wali wayetu, na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

Metumo ge Watumwa 17:16

Nayo Pawulo lono yawalindilizaga wa Sila na Timoteyo kuko ku Atene, yakakalala muno mu nhumbula yakwe, yaza wona vyono likaya lilyo limemile vihwanicizo vye milungu.

Yohana 13:2

Na ha ndigwa ze cinyamihe, lono Yesu yali yekaye hamonga ne wejizwa wakwe, Setani yali yakondya kumufunda Yuda Musikaliyota u mwana wa Simoni, ho yamugaluce Yesu.

Yohana 11:38

Yesu yakakalala kanyhi mu nhumbula, yakafika ha citenjelo, naco citenjelo cali ca mhango, naco cali cigubicizwe ne libwe.

Yohana 11:35

Yesu yakalila mahozi gakalawa.

Maluko 3:5

Baho u mwene Yesu yakawalanga wose kwe 'kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Matayo 26:38

Yakawalonjela yakawatya, “Ane nina wukalale wuwaha mu nhumbula yangu, behi no kufwa. Holeka mwikalaje baha meso hamonga nane.”

Yohana 13:22

Iwejizwa wakelangalanga, hamba si wasuma kumanya mono Yesu yakumulonga.