Yohana 12:10 - Luganuzi Luswanu Kuli Wanhu Wose 2002

¹⁰ Ninga Wakohani wawaha wali walamuye vyono, wamuwulaje na Lazalo nhavivilya.

I CILAGANE CIPYA 1991

¹⁰ Ninga Wakohani wawaha wali walamuye vyono, wamuwulaje na Lazalo nhavivilya.

Yohana 12:10 Referans Kwoze

Luka 16:31

Nayo Abulahamu yakatya, ‘Hono walece kuwahulika Musa ne Wawizi, hamba yunji yenuce mu wafu, si wokwihuwila yaye.’ ”

Matayo 2:16

Nayo Helode yaza kwizuka vyono wawalya we mahala go wizuce we zinyelezi wamukonga, yakakolwa ne likuwo muno muno. Hobaho yakawa kulajiliza vyono, iwana wose we cilume wono wali mumo mwi'kaya lya Betelehemu, sunga na mu mhelomhelo yayo, wono wena myaka myejete na hasi yayo, wose wawulagwe. Nayo yanoza nhavivyo, ku wutyatya ilipango lyono yazimanyila zizo ku wulawa kuli awalya we mahala go wizuce we zinyelezi.

Yohana 11:57

Iwakohani wawaha hamonga ne Wafalisayo, wali walajilize vyono, hono munhu yawe yamanyile Yesu hono hoyuli, ale yawalonjelaje, ho wamwibate.

Muganuzi 9:3

Nayo ayi yo nghani yono 'mbi muno muli zose zono zili mononze, vyono, wose wena mudumo monga du. Kanyhi na vyono wanhu mu mikalile yawo yose, wekalaga wamemile wavu no wulele mu zinhumbula zawo, na hanyuma yayo wawa kufwa.

Wutuluce 10:3

Nawo Musa na Haluni wakamubitila mutemi Falawo wakamulonjela wakatya, “U Muwaha Mulungu, u Mulungu we Wahebelaniya, yakutya nhavi, ‘Alu kojendelela kuwa wusina cihuliko kuli'ne sunga nili? Wuwakombole wanhu wangu wabite, ho wakahembe nene.

Matayo 12:14

Hodu i Wafalisayo wakawa kulawila kunze, wakawa kulongana vyono wosuma kumongomeza Yesu.

Yohana 12:9

Iwayahudi wenji, wakamanya vyono Yesu yali kuko ku Betaniya, holeka wakaza kuko, si vyono wasakaga kumuwona Yesu du, langa wasakaga wamuwone na Lazalo nhavivilya, mono Yesu yamuzukula mu wafu.

Yohana 12:11

Ku soko vyono, Iwayahudi wenji, wali wawagaluka walongola wawo, no kumwihuwila Yesu, ku soko ya Lazalo.