Yohana 11:42 - Luganuzi Luswanu Kuli Wanhu Wose 2002

⁴² Nane manyile vyono wukuwa kuhuliciza ane nhondo zose. Ninga ku soko ye wanhu wono wali baha, holeka nonjile, ho nawo wehuwile, vyono yo gwegwe mono wanhuma.”

I CILAGANE CIPYA 1991

⁴² Nane manyile vyono wukuwa kuhuliciza ane nhondo zose. Ninga ku soko ye wanhu wono wali baha, holeka nonjile, ho nawo wehuwile, vyono yo gwegwe mono wanhuma.”

Yohana 11:42 Referans Kwoze

Yohana 3:17

Hambi u Mulungu, nha si yamutuma Mwanagwe kononze, ho yayiling'anize iyinze, langa ho yayikomboze.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

1 Yohana 4:14

Ase cakondya kumuwona no kuwalonjela i wanji vyono u Sogo yo munhu, yamutuma yawe Mukomboza yinze.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo, ho mutuje wumi muli mwene.

Yohana 17:25

Gwe, Baba we ling'ani, we yize si wakumanya, ane langa nakumanya, na wawa, wamanya vyono yo gwegwe mono wanhuma.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 11:22

Ninga sunga na lulu manyile vyono yono kosaka kuli Mulungu, u Mulungu kokupela.”

Matayo 26:53

Wulenyi, si mumanyile vyono ndahile kumulomba Baba, nayo kosuma kundetela lwa kamonga, mapuga yikumi na mejete ge wamalayika?

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

Yohana 11:31

Iwayahudi wono wali wali hamonga nayo mu nyumba, wono wamutuzaga, waza kuwona vyono Malyamu yakwinuka musunho, no kulawila kunze, wakamutyatya, watezaga 'mba lunji, yakubita ku citenjelo yakalilile kuko.

Yohana 8:42

Yesu yakawatya, “Mhali Mulungu yo Sogo yenyu, mwali munyende ane, hambi ane nha nalawa kuli Mulungu nghaza baha. Hamba si neyiziza ko wulajilize wangu no mweneco, langa umwene yo yanhuma.

Yohana 8:29

Nayo mono yanhuma, yali hamonga nane. Nayo si yakuwa kundeka nili wene. Hambi ane nha nitumaga nhondo zose zono zikumwendeza.”

Yohana 8:16

Hamba niwe nghuling'aniza, ning'aniza yangu nha ya mbeka, hambi ane nha si nili wene, langa cina na Baba mono yanhuma.

Yohana 11:43

Nayo yaza kukondya kulonga zizo, yakacema kwa yizi iwaha, yakutya, “Lazalo, wulawile kononze!”

Yohana 12:11

Ku soko vyono, Iwayahudi wenji, wali wawagaluka walongola wawo, no kumwihuwila Yesu, ku soko ya Lazalo.

Yohana 12:17

Ne mhuga ye wanhu, wono wali wali hamonga nayo mwi'pango lyono yamucemela Lazalo mu citenjelo, yakamuzukula mu wafu, nawo wakazilonga zizo zono zejela.