Yohana 10:8 - Luganuzi Luswanu Kuli Wanhu Wose 2002

⁸ Na wose wono walongola kuza, lono ane nali nghali si naza, wawo wo wahizi, kanyhi waboci, nawo hamba ne zingholo si zawahulika.

I CILAGANE CIPYA 1991

⁸ Na wose wono walongola kuza, lono ane nali nghali si naza, wawo wo wahizi, kanyhi waboci, nawo hamba ne zingholo si zawahulika.

Yohana 10:8 Referans Kwoze

Ezekiyeli 34:2

“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye.

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Yelemiya 23:1

Ninga u Muwaha Mulungu, kolowalipiciza wulipicizwe wuwaha muno, i walongola wono wakuwahodanga, no kuweyagaza wanhu wakwe!

Metumo ge Watumwa 5:36

Hambi mu vilo vyono vipulute nha yenuka munhu yunji, litagwa lyakwe yacemwaga Teyuda, yakeyitya vyono mwene yo munhu mutambule, na wanhu kotya nha magana ma'ne wakelunza nayo. Ninga u mwene yawulagwa, ne watyatyi wakwe wose wakeyagala, ne cipuga cakwe cikawa kufwa.

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 10:5

Ne zingholo zizo, si zidahile kumutyatya mujenzi, langa zomutiza, hambi nha si zimumanyile u mujenzi lizi lyakwe.”

Zakaliya 11:16

Hambi nha nakondya kumuwika u mudimi we litewa lyangu. Ninga mwene hamba si yakusuma kuzitaza zingholo zono zibenece migulu, hamba kuzilondola yaye zono zajiliye, hamba kuziwopela zono zifyonghoye, hamba kuzilisa zono zina miwili miswanu. Langa mwene, kolya du nyama ye zingholo zono cijinile, no kugapandulanga ne mabangho gazo.

Zefaniya 3:3

Ne wawaha wayo wabuguci, wehwanile zisimba zono zikukoloma, ne Wahakimu wayo, nawo wehwanile maminzi ge camihe gono gadabuce, gono si gasigazaga hamba cinji, lono wela hakali mitondo.