Yohana 10:25 - Luganuzi Luswanu Kuli Wanhu Wose 2002

²⁵ Yesu yakawapitula, yakawatya, “Nha nimulonjelenyi, ninga si mukwihuwila. I milimo yono nghwitumila mwitagwa lya Baba, yiyo yo yikuhomelela.

I CILAGANE CIPYA 1991

²⁵ Yesu yakawapitula, yakawatya, “Nha nimulonjelenyi, ninga si mukwihuwila. I milimo yono nghwitumila mwitagwa lya Baba, yiyo yo yikuhomelela.

Yohana 10:25 Referans Kwoze

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 8:58

Yesu yakawatya, “Ane nghumulonjelenyi mbeka, vyono, lono Abulahamu yali yakali nalelwa, ane nali nili baho.”

Yohana 14:11

Yinojeye anye, munyihuwile vyono nghutya ane nili muli Baba, nayo Baba yali muli nene. Hamba lunji, munyihuwile so metumo geneco gono nghugetuma.

Wahebelaniya 2:3

Alu ase ma! Ho coponela hayi hono ciyileceleze mhonelo mbaha nha yiyi? Yono yamula kulongwa no Muwaha mweneco, na wono wahulika, wakacihomelela vyono yili mbeka.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Yohana 20:30

Yesu yavinoza vitanjilo vinji hali wejizwa wakwe, vyono si vyandikwa mu citabu cicino.

Yohana 12:37

Ninga hamba yawe yanoza vitanjilo vinji hali wene, si wamwihuwila ng'o.

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 10:32

Yesu yakawatya, “Nha nimulajilenyi milimo minji yono yikulawa kuli Baba, alu mulimo wa hayi muli yiyo, wono woleka munhowe ne mabwe?”

Yohana 8:24

Holeka nimulonjelenyi vyono, molofwa no wubi wenyu. Ku soko hono mulece kwihuwila du vyono “Ane yo nene.” Molofwa no wubi wenyu.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo vicizize vyono yanozize yuyu?”

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Yohana 8:56

U sogo yenyu Abulahamu yasecelela, vyono koliwona lizuwa lyangu, nayo yakaliwona, yakasangalala.”

Yohana 10:37

Holeka hono niwe si nghwituma i milimo ya Baba, ale mulece kunyihuwila,