Yohana 10:21 - Luganuzi Luswanu Kuli Wanhu Wose 2002

²¹ Wanji wakatya, “I milonjele ayi, si ya munhu mono yena lukwale, hambi i licisi lyosuma kunuguza meso ge wabofu?”

I CILAGANE CIPYA 1991

²¹ Wanji wakatya, “I milonjele ayi, si ya munhu mono yena lukwale, hambi i licisi lyosuma kunuguza meso ge wabofu?”

Yohana 10:21 Referans Kwoze

Wutuluce 4:11

Muwaha Mulungu yakamutya Musa, “Gwe Musa, mwene mono kamupelaga munhu mulomo, nani? Hamba nani mono kamunozaga munhu kawa yali ciziwi, hamba kawa yali cibwibwi? Hamba nani mono kamupelaga munhu wuwone, hamba mono kamunozaga kawa yali cibofu? Alu wumanye vyono yo nene no Muwaha Mulungu mono nizinozaga zizo zose.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Zabuli 94:9

Alu mukwihwesa mono yalinoza likutu, hongo si kosuma kuhulika yaye? Hamba mono yaliwumba liso, alu hongo si kosuma kuwona ng'o?

Yohana 9:6

Yaza kukondya kulonga zizi, yakafunya i mate hasi, yakavuwa lilongo ne mate, yakamubaka lilyo lilongo mu meso yuyo mubofu,

Matayo 4:24

Ne zinghani zakwe zikamanyika mu yisi yose ya Siliya. Ne watamwa wose wono wali na wugazice wo wose, kotya, wono wali wena macisi mavu, wono wena lukwale, wanhu we vilema, wose wawo wategulwa kuli mwene, nayo yakawaponya wose.

Zimbazi 20:12

Nayo Muwaha Mulungu, yacipelile meso go kuwonela, ne makutu go kuhulicila.

Zabuli 146:8

kanyhi Muwaha Mulungu, kawanuguzaga meso wono wabofuye. Muwaha Mulungu kawenulaga wono wagwiye, Muwaha Mulungu yawendile wono wali ling'ani.

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Yohana 10:22

Kuko ku Yelusalemi, kwali koyili Sikukuu yo Wusiwanule we Nyumba yo Mulungu, mu vilo vye cinyuli.