Yohana 10:16 - Luganuzi Luswanu Kuli Wanhu Wose 2002

¹⁶ Hozili zingholo zangu zinji zono si zili mwi'bululu lili, yinojeye zizo nazo nizilete; Nazo zolihulika ilizi lyangu. Nazo zowa yitewa limonga no mudimi yumonga.

I CILAGANE CIPYA 1991

¹⁶ Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 10:16 Referans Kwoze

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.

Yohana 11:52

Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

Ezekiyeli 34:23

Nozipela mutemi mono yehwanile mutemi Dawudi, yo yawe mudimi wazo. Nayo kozilanjilila muno.

Ezekiyeli 37:24

No mutemi mono yehwanile Dawudi u mwitumami wangu, yuyo yo kolowa mutemi wawo. Nawo wose wolowa wali hamonga hasi yo mutemi monga. Kanyhi wogebata ne malajilizo gangu ko wihuwilwa.

Yohana 6:37

Wose wono yakumhela Baba, wokuza kwangu, nane si nomutaga kunze wo wose mono yakuza kwangu.

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe ku soko ye zingholo zakwe.

Wugubule 3:20

Wuhulicize ta! Ane nimile ha mulango, nghukong'onha. Munhu hono yalihulice lizi lyangu, no kudigulo mulango, ane nokwinjila mumo mu nyumba yakwe, nane nolizana nayo zindigwa, nayo kolya hamonga nane.

1 Petelo 2:10

Mu mapango ganji, anye mwali si muli wanhu wo Mulungu, ninga'lu anye mweza muli wanhu wakwe, kanyhi mwali si muwoneywe lusungu lo Mulungu, alu ninga mwawonelwa lusungu.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwi'vunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Metumo ge Watumwa 22:14

Nayo Ananiya yakatya, ‘U Mulungu we wakuku zetu, kakuhagula agwe, ho wumanye u wuhile wakwe, no kumuwona u mwitumami wakwe Mono Yali Ling'ani, no kulihulika ilizi lya mu mulomo wakwe mweneco.

Metumo ge Watumwa 18:10

hambi ne nha nili hamonga nagwe. Hamba hasina munhu mono kosuma kukutamisa, hambi nha nina wanhu wenji wono wali ku lubavu lwangu, mumu mwikaya lili.”

Metumo ge Watumwa 15:14

Simiyoni kalolosa nha vyono u Mulungu, ha mwamulizo, yamula kuwalanga i wanhu wono si Wayahudi, yakawahagula wanji muli wene wawe wanhu wakwe.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Ezekiyeli 37:22

Nane nowalunza wose wawe nghungugo monga du mu'si, mu matunda ga Isilayeli. Nawo wolowa na mutemi yumonga, mono kowatema wanhu wose hamonga. Nawo hamba si wolokwigawa kanyhi wawe makungugo mejete, hamba wutemi wejete.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 43:6

Noyilonjela mhelo ye sumuka yiwalece wawuce kuko, nayo mhelo ye takama yilece kuwemila yaye. Muwalekaje wanhu wangu wawuye hamonga ku wulawa mu ma'si go kutali, na mu yinze yose.

Muganuzi 12:11

Nazo zinghani ze wanhu we mahala, zihwanile zinghome zono zina visonje, zono wadimi wazitumamilaga kuzitonga zingholo. Ne zimbazi zono zikonghoywe no kuwikwa hamonga, zizo zikalaga zikamile kotya zimambo zono nghomanhilwe hasi. Hambi nha zalawa kuli Mulungu u mudimi yumonga wa sese wose.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko yo wumwaje we sakami yakwe yono yakangaza i cilagane ce cibitilila.

Yohana 10:2

Langa mono yakwinjilila mu mulango, yuyo yo mudimi we zingholo.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

1 Petelo 5:4

Na mu cidaha kolo u Mudimi Muwaha yakwijela, nanye molobocela u mukumbo wo lukumyo wono siwunyalaga.

Ezekiyeli 34:6

Na ku soko yiyo, zingholo zangu zikeyagala mu vigongo vitali, na mu matunda. Zikeyagalila mu zisi zose za kono'nze. Na hali hasina hamba munhu mono yakuziwuza, hamba kuzilondola.

Ezekiyeli 34:12

Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha.

Yohana 10:3

U mulindiliza mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Yohana 10:4

Nayo kolo yazilavya kunze, kazilongolelaga ku mwande, nazo zingholo zimutyatyaga, hambi nha zimumanyile lizi lyakwe.

Yohana 10:5

Ne zingholo zizo, si zidahile kumutyatya mujenzi, langa zomutiza, hambi nha si zimumanyile u mujenzi lizi lyakwe.”

Yohana 17:20

“Hamba si nghuwalombela wawa du, langa nghuwalombela wose wono wonyihuwila ku soko ye zinghani zawo.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu wono si Wayahudi wamuziza u Mulungu.

Luka 15:8

“Hamba mukuwona wule! Lunji mucekulu mono yena silinje yikumi, na hono yajilize monga, konoza wule? Kokoleleza tala, no kufwagula nyumba, no kusakula sakula sunga yayiwone.