Yohana 10:10 - Luganuzi Luswanu Kuli Wanhu Wose 2002

¹⁰ U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

I CILAGANE CIPYA 1991

¹⁰ U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Yohana 10:10 Referans Kwoze

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Yohana 12:47

Na munhu hono yazihulice zono nghulonga, nayo ho yalece kuzibata, ane singhumuling'aniza, hambi ane nha si naza ho niwaling'anize wa mononze, langa niwaponye wa mononze.

Yohana 6:33

Hambi indigwa yo Mulungu, nha yo yulya mono yakutima kulawa ku wulanga, no kuyipela iyinze wumi.”

Yohana 3:17

Hambi u Mulungu, nha si yamutuma Mwanagwe kononze, ho yayiling'anize iyinze, langa ho yayikomboze.

1 Timoteyo 1:15

No wulonje wuwu nha wa mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

2 Petelo 1:11

Na yiyo yo yoleka mosuma kupegwa wiling'ano wono wukwilaniciye, wo kwinjilila mu wutemi wo Mutwa wetu no Mukombozi wetu Yesu Kilisito.

Wahebelaniya 6:17

Nayo u Mulungu, yawukangaziza u wihuwizo wakwe mu wilahize, na muli zizo, yakawalajila calinze, wawo wono yawehuwiziza, vyono si kowupitula kanyhi u wuhile wakwe wuwo.

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Walumi 2:21

Alu agwe wukuwejiza wanji, nha wule alu si wukwiyijiza nagwe go mweneco? Wukuwaganulila wanji walece kuhiza, ninga kumbe gwegwe go mweneco wukuhiza.

Hoseya 7:1

“Mu madaha gono nghuhila kuwaponya wanhu wangu Isilayeli no kuwanoza wamoteswe kanyhi, ninga zono nghusuma kuwona muli wene, wo wavu wawo no wubi wono wakwituma. Wakwiyihiziza weneco wose, wakubena mu zikaya no kuhiza, wakuwahiziza wanhu mu zinzila.

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Maluko 11:17

Hanyuma yakawejiza, yakutya, “Yandikwa, ‘Nyumba yangu yocemwa nyumba yo wulombelo kuli makungugo gose! Ninga 'nye mwayinoza mhango ye wahizi!’ ”

Yohana 12:6

Yalonga zizi si vyono yawakumbucilaga waciwa, langa ku soko vyono u mwene yo yali mutunza mufuko we zipesa, kanyhi yali muhizi, na kenji na kenji, yahizaga zipesa zono zatajilagwa mumo.

Matayo 21:13

Akuno yakuwatya, “Yandikwe mu Mandiko Gono Gelile nha vyono, ‘I Nyumba yangu yocemwa, nyumba yo kulombela.’ Ninga alu anye, mwayinoza kuwa mhango ye wahizi.”

Yohana 5:40

Hamba nhavivyo, anye si mwendile kuza kwangu ho mutuje wumi.

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe ku soko ye zingholo zakwe.

Matayo 18:11

Hambi u Mwana wo Munhu nha yaza ho yawaponye wono wajiliye.]