Yohana 1:51 - Luganuzi Luswanu Kuli Wanhu Wose 2002

⁵¹ Yesu yakajendelela kulonga, “Mbeka nghumulonjelenyi, molowona u wulanga wukudiguka, ne wamalayika wo Mulungu wakubita kucanyha no kutima, muli Mwana wo Munhu.”

I CILAGANE CIPYA 1991

⁵¹ Yesu yakajendelela kulonga, “Mbeka nghumulonjelenyi, molowona u wulanga wukudiguka, ne wamalayika wo Mulungu wakubita kucanyha no kutima, muli Mwana wo Munhu.”

Yohana 1:51 Referans Kwoze

Mwamulizo 28:12

Na lono yali yali mu nhongo, yakalota ndoto, na mu wulote wakwe, yakawona ngazi 'simye mono'nze, ne cisonje cayo cificile ko ku wulanga. Ne wamalayika wo Mulungu wakolaga mu ngazi yiyo, wakubita kucanyha no kutima hasi.

Metumo ge Watumwa 7:56

Yakatya, “Lanjenyi ta! Nghuwona wulanga wugubuce, no Mwana wo Munhu yemile u kulume ko Mulungu.”

Luka 22:43

Malayika kulawa ku wulanga, yakamulawila, yakamupela vilungo.

Luka 2:13

Lo lulo baho kukawa na Wamalayika wenji kulawa ku wulanga, wakelunza na yuyo Malayika, wakamukumya Mulungu wakutya,

Maluko 14:62

Nayo Yesu yakapitula, yakutya, “Heya yo nene. Na kanyhi, molomuwona u Mwana wo Munhu yekaye ku lubavu lo kulume lwa Mono yena Vilungo, yakuziza mu mavunde ga ku wulanga.”

Maluko 1:10

Lo lulolulo Yesu yaza kulawila mu malenga, yakawona wulanga wudiguce, no Muhe yakumutimila mucanyha yakwe yenha nziwa.

Matayo 3:16

Nayo Yesu yaza kukondya du kubaputizwa, yakalawila mu malenga, no wulanga wukawa kudiguka nhinicizo, nayo yamuwona u Muhe wo Mulungu yehwanile futa ya nziwa, yakumutimila.

Ezekiyeli 1:1

Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.

Metumo ge Watumwa 10:11

Yakawona wulanga wudiguce, na cinhu kotya yimwenda yiwaha, cikutimywa mu mamhembo gayo mane ho hasi.

Luka 3:21

Kukawa waza kubaputizwa wanhu wose, Yesu nayo yakabaputizwa, na lono yalombaga, wulanga wukagubuka,

Matayo 4:11

Nhondo Setani, yakawa kumuleka, nawo wamalayika wakaza wakamwitumamila.

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

Luka 2:9

Hobaho Malayika wo Muwaha yakawalawila, u lukumyo lo Muwaha lukawang'alalila, wakenjilwa na woga.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Luka 22:69

Ninga ku wulawa lulu, momuwona u Mwana wo Munhu yekaye ku muwoko wo kulume wo Mulungu.”

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

2 Watesalonike 1:9

No wulipicizwe wawo, wolowa wajilile we cibitilila, no kutemanulilwa lukulu no lukumyo lwakwe luwaha,

Yohana 14:12

Mbeka nghumutyenyi: Mono yanyihuwiye, imetumo gono nitumaga, nayo kogetuma, kanyhi kosuma kwituma sunga ne mawaha gono gacizize gaga. Vyono ane nghubita kwa Baba.

Yohana 6:47

Mbeka nghumulonjelenyi, vyono, mono yakwihuwila, yena u wumi we cibitilila.

Luka 24:4

Na lono wali wakali kwizina so nghani yiyi, hobaho wakawona wanhu wejete, wono wali wavwalile myenda yono yikung'alala, wemile behi nawo.

Matayo 26:24

Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo, yali yiwe yili ciba hono yali yalece kulelwa.”

Yohana 21:18

Nghukulonjela mbeka, vyono “Lono wali wukali mudodo, wali wuzoweye kwiwopa musipi no kubita ko kose kono wasakaga. Ninga kolo weza kukombipa, kologolola mawoko gako, na yunji kolokuwopa, yakutegule kono si wendile.”

Yohana 8:51

Ane nghumulonjelenyi mbeka, munhu hono yebate inghani yangu, si kolofwila lukulu.”

Yohana 6:32

Yesu yakawatya, “Ane nghumulonjelenyi mbeka, vyono Musa yo si yamupelenyi nyenye ndigwa yiyilya yono yalawaga ku wulanga, langa Baba yo yakumupelenyi nyenye, indigwa ye mbeka yono yikulawa ku wulanga.

Yohana 3:5

Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Yohana 13:16

Mbeka nghumutyenyi, u mwitumami si yamucizize u muwaha wakwe, hamba mono yatumwa, si yamucizize mono yamutumile.

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 6:53

Baho Yesu yakawatya, “Mbeka nghumulonjelenyi, Hono mulece kulya u muwili wo Mwana wo Munhu, no kuying'wa isakami yakwe, mowa musina wumi muli nyenye.

Yohana 5:27

Kanyhi yamupeye no wulajilize wo kuling'aniza, ku soko u mwene, yo Mwana wo Munhu.

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, ku soko cicilya cono sogwe ketumaga, no mwana nayo vyo ketumaga nhavivyo.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Matayo 9:6

Aluno nghusaka anye mumanye vyono u Mwana wo Munhu yena wulajilize wo kuwanenela iwanhu wubi mono'nze.” Baho yakawa kumutya u munhu mono yali yadejepe, “Winuce, wudinghule icitanda cako wubite kukaya yako.”

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Yohana 16:23

Mwi'zuwa lilyo si molosaka cinji kuli'ne. Mbeka nghumutyenyi, hono mumulombe Baba cinji mwi'tagwa lyangu, komupelenyi.

Yohana 13:38

Yesu yakatya, “Wule, wiwikanize mbeka kufwa ku soko yangu? Mbeka nghukulonjela Petelo, Nzogolo yowa yikali sinalila, nagwe kowa wanghana kali kadatu, wukutya vyono si wumanyile'ne.”

Yohana 8:58

Yesu yakawatya, “Ane nghumulonjelenyi mbeka, vyono, lono Abulahamu yali yakali nalelwa, ane nali nili baho.”

Yohana 8:34

Yesu yakawapitula yakuwatya, “Mbeka nghumutyenyi, munhu wo wose mono ketumaga wubi, yo muwanda wo wubi.

Yohana 6:26

Yesu yakawapitula, yakatya, “Mbeka, nghumulonjelenyi, mukunondola, si vyono mwawona vitanjilo, langa vyono mwalya imikate mukeguta.

Yohana 1:50

Yesu yapitula yakamutya, “Alo wukwihuwila vyono nghulonjeye, nakuwona he 'sina lyo mukuyu? Kowona mawaha gono gacizize gaga.”