Yohana 1:38 - Luganuzi Luswanu Kuli Wanhu Wose 2002

³⁸ Yesu yakapituka, yakawawona wawo wejizwa wakumutyatya, yakawatya, “Alo mukulondola cici?” Nawo wakamutya, “Labi (nhunizo yayo Mwijizi) kwikalaga hayi?”

I CILAGANE CIPYA 1991

³⁸ Yesu yakapituka, yakawawona wawo wejizwa wakumutyatya, yakawatya, “Alo mukulondola cici?” Nawo wakamutya, “Labi (nhunizo yayo Mwijizi) kwikalaga hayi?”

Yohana 1:38 Referans Kwoze

Yohana 18:7

Yesu yakawawuza kanyhi, yakatya, “Alo mukumulondola nani?” Nawo wakamutya, “Yesu wa Nazaleti.”

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Zimbazi 8:34

Yo mumoti munhu mono yakuhuliciza'ne, yalindilize ha milango ye kaya yangu.

Zabuli 27:4

Hoyili nghani monga du yono nimulombile Muwaha Mulungu, nghani monga du yono nghuyilondola, nayo yoyi, “Nikale mu nyumba yo Muwaha Mulungu, vilo vyose vyo wikale wangu, niwuwone wuswanu wo Muwaha Mulungu, no kuwulondola wutonji wakwe mu Nyumba yakwe.”

Yohana 18:4

Ninga Yesu vyono yali yamanyile na katali, zose zono sizoleka kumwagana, yakalawila, yakawatya, “Alo mukumulondola nani?”

Yohana 6:25

Iwanhu wawalya waza kumwagana Yesu ku nhumbi nzagwe ye lilamba, wakamuwuza wakutya, “Mwijizi, alu waza nili baha?”

Yohana 3:26

I wejizwa wawo wakamubitila Yohana, wakamutya, “Mwijizi, yuyulya mono mwali nayo ku nhumbi nzagwe ya Yoludani, mono wamuhomelela zakwe, alu mwene nayo yakubaputiza, ne wanhu wose wakumuziza.”

Metumo ge Watumwa 10:29

Ku soko yiyo holeka mweza kunyhema si nemile kuza. Holeka alu nghusaka kumanya cono munyhemeye?

Yohana 12:21

Wawo wakamuziza Filipo, (munya ku Betesayida ya ku Galilaya,) wakamutya, “Muwaha, cikusaka kumuwona Yesu.”

Luka 19:5

Nayo Yesu yaza fika bahalya, yakagalamila, yakamutya, “Zakayo wutime mbela, hambi zuwali nha yinojeye niswe mu kaya yako.”

Metumo ge Watumwa 10:21

Hobaho Petelo yakatima hasi, yakawatya wawo wanhu, “Ane baha mono mukunondola, nhawulenyi muza?”

Luka 22:61

U Muwaha Yesu yakapituka yakamulanga Petelo. Nayo Petelo yakayikumbucila nghani yono yalonjelwa no Muwaha yono yamutya, “Zuwali lono nzogolo yowa yikali si nalila, kowa wakondya kunghana kali kadatu.”

Luka 15:20

Ale, yakawa kwanza u muhinzo wo kuwuya kuli sogwe. Nayo lono yali yakali kutali, u sogwe yakamuwona, yakamuwonela lusungu, yakamumanyhilila, yakamulamusa ko kumukumbatila, no kumunonela muno.

Luka 14:25

Ale, baho mapuga mawaha ge wanhu, wakabitana na Yesu. Nayo yakawapitucila yakawatya.

Luka 10:39

Malita yali yena mwanakwawe mono yacemwaga Malyamu, yuyu yakekala behi na Yesu, yakuhuliciza zinghani zakwe.

Luka 8:38

Ninga u munhu mono yalavywa macisi, yakamunena viwezane nayo, ninga Yesu si yamulumba, langa yakamutya.

Zimbazi 13:20

Wilunzaje na we mahala, nagwe kotuga mahala. Ninga hono wilunze ne walele, kokwajilila.

Zimbazi 3:18

Na wose wono wena mahala, wena nyemo. Ne mahala gowapela wumi.

Lutu 1:16

Ninga Lutu yakamupitula Nawomi, yakamutya, “Gwe yaya! Wulece kuneneleza 'ne ho nghulece! Wundekaje 'ne cibitane na gwegwe. Kono kobita, nane nobita; na kono kokwikala, nane nokwikala. Ne wanhu wako, nane wowa wanhu wangu, no Mulungu wako nane kowa Mulungu wangu.

1 Watemi 10:8

Wamoti wagolece zako! Kanyhi wamoti ne wetumami wako, wono wali hamonga nagwe vilo vyose, wakuhulika ze mahala gako!

I Cililo 5:19

Ninga agwe go Muwaha Mulungu, yo gwegwe du wuli mutemi cibitilila, nagwe kotema sunga ko ku ndumo ye yinze.

Yohana 1:37

I wejizwa walya vyono wejete, wakamuhulika Yohana yakulonga zizo, wakamutyatya Yesu.

Yohana 1:39

Yesu yakawatya, “Muze nanye mowona.” Iwejizwa wawo wakamutyatya, wakahawona i hanhu hono yekalaga. Wakaswezana nayo lizuwa lilyo, nayo yali nha saa kumi cinyamihe.

Yohana 4:31

Na mu cipango cico, i wejizwa wakwe wamunenelezaga Yesu, wakutya, “Mwijizi wulye zindigwa.”