Yohana 1:29 - Luganuzi Luswanu Kuli Wanhu Wose 2002

²⁹ I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

I CILAGANE CIPYA 1991

²⁹ I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 1:29 Referans Kwoze

Isaya 53:7

“Yatendelwa vibi muno, ninga yakangalila ko winenenyhezi, yakanyamala twii. Yakawa nhe nyana ye ngholo yono yikutegulwa kuwulagwa, kanyhi kotya nha ngholo yono yikunyonyolwa wukunzeje wayo, hamba si yalonga cinji ng'o.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono, kanyhi muli mwene musina wubi wo wose.

1 Petelo 1:19

langa mwakombozwa kwe sakami yo lukumyo ya Kilisito, mono yali yenha nyana ye ngholo yono yisine'lema hamba ma namha.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Wugubule 6:1

Hanyuma nghawa kumuwona u Mwana we ngholo yakucinamatula cinamatizo cinji ca muli vinamatizo vivilya mupunghati. Nghahulika ciwumbwa cimonga ca muli viwumbwa vine vyumi, cikulonga kwe'zi 'waha nhe'zi lye 'balalusi cikutya, “Wuze!”

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.

Wagalatiya 3:13

Kilisito yacikomboza mu wulijitwe wo Wulajilize, hambi nha yawusola u wulijitwe wuwo ku soko yetu, vyono i Mandiko gakulonga, “Muli wose mono kotumbikwa mu musalaba, yuyo mulijitwe.”

Yohana 1:36

Yaza kumuwona Yesu yakukola, yakatya, “Mulanje ayu Mwana Ngholo wo Mulungu!”

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

Metumo ge Watumwa 8:32

Ale, ihanhu hono yasomaga mu Mandiko Gono Gelile, hali aha, “Yategulwa nha ngholo ku wuwulagwe. Na kotya nyana ye ngholo hali wono wakuyicenyenha wukunzeje wayo, yene yinyamaye. Nha vivyo nayo siyenula mulomo wakwe.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo zo wiling'ano kanyhi za mbeka!

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu yigana limonga na makumi mane na yine elufu, wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we ling'ani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 14:10

ale, u munhu yuyo, koying'wa divayi ye likuwo lyo Mulungu, divayi yono yakondya kujidilwa mu cikombe ce likuwo lyakwe, kanyhi hamba si hanza hanzwe ne malenga yaye. U munhu yuyo kogazizwa mu moto ne cibiliti, hamwande ye wamalayika wono welile na hamwande yo Mwana we ngholo.”

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Yohana 3:16

Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Wugubule 19:7

Ale cisecelele kanyhi cisangalale, cimukumye, hambi i cipango ce halusi yo Mwana we ngholo nha cafika, bibi halusi nayo nha yewikaniza yakondya.

Wugubule 14:4

I wanhu wawo, wo wanhu wono weyikamisa mu wele wose, wono siwetuma makani go wusulumizi na we cicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 21:9

Hanyuma, yunji wa muli wawalya wamalayika mupunghati, wono wali wena agalya mabakuli mupunghati, gono gali gamemile imagazo mupunghati go mudumo, yakanyiziza yakanyitya, “Nzoo kuno! Nane nokulajila bibi halusi, u mugolece wo Mwana we ngholo!”

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

1 Yohana 4:10

No wendo vyo winha nhavivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe yikumbiko lyo kuciwusiza wubi wetu.

1 Timoteyo 2:6

mono yelavya mweneco ho yawakomboze iwanhu wose. Wuwo wali wo wuhomelezi we cipango cono u Mulungu yakuhila kuwaponya wanhu wose.

1 Wakolinto 15:3

Nane nghamupelenyi anye zinghani zi mbaha muno muno, zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mono'nze yose.

Wahebelaniya 9:28

nhavivyo nayo Kilisito, yelavya likumbiko lwa kamonga du ho yawuwuse u wubi wa wenji. Nayo yalaza kuza lwe kejete, ho yalece kuziza so wihoma no wubi, langa so kuwakomboza wawo wono wakumulindila.

Wagalatiya 1:4

Kilisito yelavya mweneco ku soko yo wubi wetu, ku soko yo wendo wo Mulungu wetu no Sogo yetu, ho yaciponye mu yinze yiyi yimbi ya lulu.

Metumo ge Watumwa 13:39

na vyono munhu wo wose mono yakumwihuwila Yesu, yakunenelwa zose zono si mosuma kunenelwa mu nzila yo Wulajilize wa Musa.

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Wugubule 21:14

Ne majinji gose ge likaya lilyo, gali mazenje mu mabwe yikumi na mejete go musinji, na mucanyha ye mabwe gago, mwali mwandikwe i matagwa ge watumwa yikumi na wejete wo Mwana we ngholo.

Wahebelaniya 2:17

Holeka yali yimunojeye yehwane wanduguze muli zose, ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Walawi 10:17

“Alo nhawule si mucililiye cilavywa co wubi mu hanhu hono helile? Hambi nha celile muno. Nayo Muwaha Mulungu kamupelenyi, ho mwitumamile so mulimo wo kudinghula wubi we zimhuga no kuwanozeza wilamule hali Muwaha Mulungu?

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Wutuluce 28:38

Nayo Haluni kowa kucivwala he handa lyo wusu wakwe, nayo kowudinghula wuhoswe wose, wono wanhu wa Isilayeli wowa wawunoza, lono wakulavya likumbiko lyono lyelile. Nane nogavumila makumbiko gawo.

Wuwale 18:23

Holeka ku wulawa zuwali, Walawi wali wene du, wo wowa kwituma mwi 'Hema, no kulanjilila milimo yose yono yili mumo. No wutemye wuwu, wo wutemye we cibitilila sunga na kuli zindelo zenyu zose. Ninga wene Walawi, wowa wasina wuhazi wo wose muli Waisilayeli.

Wuwale 18:1

Muwaha Mulungu yakamulonjela Haluni yakamutya, “Agwe hamonga ne wanago we cilume, hamonga ne Walawi wose, munojeye mwidinghulile masutya genyu nyo weneco, i masutya gogose gono mowa kusutya, mu witumami wenyu wa mwi 'Hema lyangu lyono Lyelile. Ninga kanyhi, agwe Haluni hamonga ne wanago, modinghula nyo weneco masutya genyu ga mu witumami wenyu wo wukohani.

Wuwale 7:27

Nzeku monga, nduwilu mongo nyana ya ngholo nume monga ya mwaka monga, so cilavywa cinyanywe.

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Yohana 1:35

I mitondo yaco kanyhi, Yohana yali yemile baho, hamonga na wejete wayagwe ne wejizwa wakwe.

Yohana 1:43

I mitondo yaco, Yesu yakasaka kubita ku Galilaya, na kuko yakamwagana Filipo, Yesu yakamutya, “Wunhyatye.”

Yohana 2:1

Lizuwa lye kadatu, kwali na wutozi ku Kana ya ku Galilaya; u nyina wa Yesu nayo yali yali kuko,

Yohana 4:42

Wakamutya, yuyulya mucekulu, “Ase si cikwihuwila du ku soko yo wulonje wako, sese co weneco cihulika, na camanya mbeka vyono ayu yo Mukombozi we yinze.”

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Wuwale 7:39

Nzeku monga, nduwilu monga, nyana ya ngholo nume monga ya mwaka monga, so cilavywa cinyanye.

Wuwale 21:9

Hobaho Musa yakawa kuyinoza nzoka ye shaba, yakayitumbika mwi'bici. No munhu wo wose mono yalumwa ne zinzoka zi zilya, nayo yakagalamila no kuyilanga nzoka ye shaba, hobaho munhu yuyo yakapona.