Yohana 1:18 - Luganuzi Luswanu Kuli Wanhu Wose 2002

¹⁸ Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

I CILAGANE CIPYA 1991

¹⁸ Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 1:18 Referans Kwoze

Wakolosayi 1:15

Kilisito yo hwani yeneco yono yikwijela yo Mulungu mono si kejelaga. U mwene yo Mwana u mulongozi kulelwa, kanyhi yo muwaha yacizize viwumbwa vyose.

Yohana 6:46

Si vyono lunji hoyuli munhu mono yamuwona Baba, langa yuyo du mono yalawa kuli Mulungu, yo yamuwona Baba.

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

1 Yohana 4:12

Hasina hamba hadodo u munhu mono yakondya kumuwona Mulungu, ninga hono ciyende, Mulungu yakwikala muli sese, no wendo wakwe wukuwa wukwilaniciye muli sese.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

1 Yohana 4:9

Nayo Mulungu yawulajila u wendo wakwe kuli sese, vyono yamutuma mwanagwe we ciwene kononze, ho ciwutujile wumi muli mwene.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

1 Yohana 4:20

No munhu hono yatye vyono yamwendile Mulungu, akuno ho yamusulile nduguye, ayo yuyo mulambi. Vyono munhu mono si yamwendile nduguye mono yakumuwona ne meso, si kosuma kumwenda Mulungu mono si yakumuwona kwe meso.

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 17:6

“Nane nghunoza agwe, wumanyice kuli wanhu wono wamhela kononze. Wali wanhu wako, nagwe wukamhela wawe wangu, nawo wayikamise inghani yako.

Yohana 14:9

Yesu yakamutya, “Alo Filipo, i vilo vyose vivi vyono nikalane nanye, hongo wukali sinamanya? Mono yakondya kumbona ane, yamuwona na Baba. Alu kosuma nhawule kutya, ‘Wucilajile u Sogo yo Munhu.’

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Wukumbucize wo Wulajilize 4:12

Kanyhi muwalonjele na vyono Muwaha Mulungu yalonganila nanye mu moto, na vyono nanye mwalihulika lizi lyakwe du, ninga si wamuwona yaye mumbwa yakwe vyono yenha.

Wuwale 12:8

Holeka lono nghulongana nayo, nghulongana nayo ciwonelela, kanyhi calinze du, hamba si mu nzila yo wufumbe ng'o. Nayo yakondya kumbona sunga ne cihwani cangu! Alu nhawule si mwali kogopa kumulonganga mwitumami wangu Musa?”

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wutuluce 23:21

Holeka mumuhulikaje, kanyhi mweze ne cihuliko kuli zose zono komulonjelenyi. Mulece kumubedegala, hambi nha yo nene mono nimutumile. Nayo hamba si kosuma kumunenelenyi hono mumubedegale.

Mwamulizo 16:13

Nayo Hagali yakehwesa yakatya, “Mwene mbeka nimuwona Mulungu, na vyo nghali nili mumi du?” Holeka Hagali yakamucemela litagwa u Mulungu mono vyaduwana nayo kuko, yakamutya, “U Mulungu mono kawonaga.”

Yoshuwa 5:13

Na lono Yoshuwa yali yasejelela ha Yeliko, yakawona munhu nhinicizo, yemile ha mwande yakwe, yebate ne limaje. Yoshuwa yakamusejelela yakamuwuza yakamutya, “Agwe wuli lubavu lwetu, hamba wuli mulugu wetu?”

I Cililo 2:12

Wakulilila wanyina zawo, so nzala ne nyhilu ye malenga. Alu wakugwanga du mu zinzila, wenha wanhu wono wena nghomele. Hanyuma hodu, wawa kufwila mu mawoko ge wanyina zawo mhola mhola.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Zimbazi 8:30

Hambi nha nali hamonga nayo, nho mwitumami munghula. Nghawa kumusangalalila nhondo zose, nghawa kusecelela hali mwene.

Mwamulizo 18:33

Nayo Mulungu yali yeza kukondya kulongana na Abulahamu, hodu yakawa kubita, nayo Abulahamu yakawa kuwuya ku kaya kwakwe.

Yohana 13:23

Yumonga muyagwe ne wejizwa, mono Yesu yali yamwendile muno, yali yekaye behi na Yesu.

Wutuluce 24:10

Wakamuwona Mulungu we Waisilayeli. Na hasi ye magulu gakwe, kwali kocili cinhu cono cinha sakafu ya mabwe gono gakung'alala, maswanu kotya wulanga wono wukulengalenga.

Yohana 3:11

Mbeka nghukulonjela, ase cilongaga zono cizimanyile, no kuhomelela zono caziwona, nanye si mukuwuvumila u wuhomelezi wetu.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.