Yohana 1:17 - Luganuzi Luswanu Kuli Wanhu Wose 2002

¹⁷ Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

I CILAGANE CIPYA 1991

¹⁷ Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Yohana 1:17 Referans Kwoze

Walumi 6:14

Hambi uwubi nha si womutemenyi kanyhi, ku soko vyono si muli mu Wulajilize, langa muli mwi'hewa.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Wahebelaniya 9:22

Holeka nha vyono winha u Wulajilize, i vinhu vyose vyosuma kwezwa ne sakami, holeka no wubi nawo wukuwuswa du lono sakami yetika.

Yohana 8:32

Nanye moyimanya i mbeka, nayo i mbeka yomuwicenyi welecele.”

Yohana 7:19

Alu Musa si yamupelenyi Wulajilize? Hamba nhavivyo, hasina yunji muyenyu mono kawibataga u Wulajilize. Alu ku sokoci mukusaka kumbulaga?”

Metumo ge Watumwa 28:23

Hodu, wakawa kupanga nayo lizuwa lyo kwitang'anila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Mwamulizo 22:18

Na muli lulelo lwako, imakungugo gose mo golugutizizwa vyono agwe kulihulika lilajilizo lyangu.”

Wagalatiya 3:17

Na cono nghusaka kucilonga nha coci, u Mulungu yanoza i cilagane cakwe kanyhi yakacikangaza, holeka u Wulajilize wono waza lono yali yakondya kupuluta myaka magana mane na makumi madatu, si wosuma kucidelengula i cilagane hamba kucinoza ciwe nha nghani ya bwete.

Wukumbucize wo Wulajilize 5:1

Musa yakawakonghola hamonga i Waisilayeli, yakawalonjela yakatya, “Anye nyo Waisilayeli, alu nghumunenenyi, muhulicize malajilizo gono nghumulajilizenyi izuwali. Mugeyijize, sunga mumanyile lukulu nha vyono mwakondya kugakamisa gose.

Metumo ge Watumwa 7:38

Mwi'pango lyono Waisilayeli wetang'anila ku nyika, yo Musa mono yali yali kuko, hamonga nawo. Yali yali kuko hamonga ne wakuku zetu, hamonga na ayulya malayika mono vyalongana nayo mwi'tunda lya Sinayi, yo yuyo mono yazibocela zinghani zo wumi, ho yacipele ase.

Yohana 5:45

Mulece kwihwesa vyono ane nomusonjezenyi kuli Baba. Yuyo Musa mono mumwitumbiye, yo komusonjezenyi kuli Baba.

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

2 Wakolinto 1:20

Ku soko vyono muli mwene u wihuwizo wose wo Mulungu waweza “Heya.” Holeka ku soko yiyo, i “Heya” yetu yikuwa kulongwa mu nzila ya Kilisito, ku soko yo kumukumyo Mulungu.

Yohana 9:29

Ase cimanyile vyono u Mulungu yalonga na Musa, ninga ase si cimumanyile munhu yuyo kono yalawile.”

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Zabuli 98:3

Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

Zabuli 85:10

Lusungu lwakwe ne mbeka yakwe vyokwitang'anila, nayo ling'ani no mulamu vyokwikumbatila.

Wukumbucize wo Wulajilize 33:4

Ciwibate no kuwukamisa wulajilize wono Musa yacijiza, hambi nha wo wuhazi wuwaha we nghungugo yetu.

Wukumbucize wo Wulajilize 4:44

Musa yakawaloloseza i wanhu Waisilayeli ze malajilizo go Mulungu, hamonga ne mejizo gayo.

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa ku soko yiyo, na kanyhi ku soko yiyo nghaza kononze, ho niwalonjele wanhu muli ze mbeka. No munhu wo wose mono yali mu mbeka, yuyo kahulikaga.”