Yohana 1:15 - Luganuzi Luswanu Kuli Wanhu Wose 2002

¹⁵ Yohana yakawalonjela wanhu zinghani zakwe, yakawalonjela kwe 'zi yiwaha yakutya, “Ayu yo mwene mono namulonga, lono natya, Yakuza munhu munyuma yangu, mono yo muwaha yanyhizize nene, ku soko mwene yali yali baho na lono ane nali nghali nalelwa.”

I CILAGANE CIPYA 1991

¹⁵ Yohana yakawalonjela wanhu zinghani zakwe, yakawalonjela kwa izi yakutya, “Ayu yo mwene mono namulonga, lono natya, Yakuza munhu munyuma yangu, mono yo muwaha yanyhizize nene, kusoko mwene yali yalibaho na lono ane nali nghali nalelwa.”

Yohana 1:15 Referans Kwoze

Matayo 3:11

Ane nghumubaputizizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Nane si nghwiliye hamba kugadinghula ne malatu gakwe. U Mwene komubaputizenyi ko Muhe Mono Yelile no ko moto.

Wakolosayi 1:17

Kilisito yali yali baho na lono viwumbwa vyose vikali si nawa, na vyose vikamisizwe muli mwene, navyo vyose vikalaga nha vyono vyawikwa.

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba nawumbwa.

Luka 3:16

Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Yohana 8:58

Yesu yakawatya, “Ane nghumulonjelenyi mbeka, vyono, lono Abulahamu yali yakali nalelwa, ane nali nili baho.”

Wugubule 2:8

“Kuli malayika we likanisa lya Simulina, wandice nhavi, ‘Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Yohana 1:27

Yo yuyo mono yakuza munyuma yangu, mono ane sinojeye hamba kuyiwopola imikowa ye malatu gakwe.”

Maluko 1:7

Nayo yakaganula yakutya, “U Munhu yunji mono yena vilungo yanyhizize nene, yakuza mu nyuma yangu; nane si nghwiliye hamba kwinama, no kuwopola i mikowa ye malatu gakwe.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Zimbazi 8:22

“U Muwaha Mulungu nha yamula kumumba'ne katali, mu mwamulizo we milimo yakwe.