Yohana 1:12 - Luganuzi Luswanu Kuli Wanhu Wose 2002

¹² Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

I CILAGANE CIPYA 1991

¹² Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 1:12 Referans Kwoze

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Walumi 8:14

Hambi wose wono watongwaga no Muhe wo Mulungu, wawo nha wo wana wo Mulungu.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Yohana 3:18

“Mono yamwihuwiye mwana si yakuling'anizwa, mono si yamwihuwiye, yakondya kuling'anizwa, vyono si yamwihuwiye u Mwana we ciwene wo Mulungu.

Wakolosayi 2:6

Alu vyono anye mwakondya kumuvumila Kilisito Yesu yawe Muwaha, ale mwikalilaje lukulu muli mwene.

Matayo 10:40

“U munhu wo wose mono yakumubocelenyi nyenye, yuyo yakumbocela nene, nayo mono yakumbocela nene, yakumubocela ayulya mono yanhuma.

Isaya 56:5

ale, litagwa lyako lyokumbucilwa mu Nyumba yangu hamonga ne wanhu wangu, kuciza na hono wali wuwe wina wana we cilume na we cicekulu. Holeka hamba si kosemwelwa lukulu yaye.”

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo, ho mutuje wumi muli mwene.

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

2 Petelo 1:4

Hambi muli zizo nha yakondya kucipela vipegwa viwaha vyo wuguzi wukamu vyono yacihuwiziza, na ku so vipegwa vivyo, ho musume kuhanga u wuwe wakwe wo wulungu.

Matayo 12:21

Ne makungugo gowa no witumbilo ku soko ye litagwa lyakwe.”

1 Yohana 3:23

Ne lilajilizo lyakwe nha lyoli, Cimwihuwile u Mwanagwe Kilisito, no kwiyenda sese wose, nha vyono yacilajiliza.

Yelemiya 3:19

U Muwaha Mulungu yakutya nhavi, “Gwe Isilayeli, ane nasakaga nghubocele 'gwe kotya wuli mwanangu, nghupele ne yisi swanu muno, i hanhu haswanu hono hacizize yinze yose. Ane nasakaga agwe wunyheme'ne, baba, ho wulece kundeka 'ne kanyhi.

Metumo ge Watumwa 3:16

Litagwa lya Yesu, no wihuwilo wa mwi'tagwa lilyo, vyo vimupelile vilungo munhu ayu mono mukumuwona, no kumumanya, wihuwilo wa muli Yesu, wo wumuponezye lukulu munhu yuyu nha vyono mukuwona wose.

Yohana 11:52

Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

Yohana 1:7

Yuyo yaza kuwalonjela wanhu zo wuzelu wuwo. Na so wuhomelezi wakwe, iwanhu wose ho wehuwile.

Matayo 18:5

Na muli wose mono yakumubocela u mwana yumonga nha vyono yenha yuyu mwi'tagwa lyangu, yuyo yakumbocela nene.

Yohana 2:23

Nayo Yesu, lono yali ku Yelusalemi ku sikukuu ya Pasaka, wanhu wenji wamwihuwila, waza kuviwona ivitanjilo vyono yavinoza kuko.

Yohana 1:11

Yakaza mu yisi yakwe mweneco, ninga i wanhu wakwe si wamubocela yaye.

Walumi 8:16

U Muhe mweneco vikuhomelelana no muhe wetu, vyono ase cili wana wo Mulungu.

Walumi 8:19

Hambi iviwumbwa vyose, nha vikulanjilila muno, u Mulungu yawalajile calinze iwanagwe.

1 Yohana 3:2

Mo wendece wangu, alu ase cili wana wo Mulungu, ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

2 Samwili 7:24

Wukawanoza wawe wanhu wako cibitilila, nagwe go Muwaha Mulungu, wukawa Mulungu wawo.