Yelemiya 9:4 - Luganuzi Luswanu Kuli Wanhu Wose 2002

⁴ Holeka musuguce, mweze kwiyidima munhu no mwiyendi muyagwe, no munhu wo wose, yalecele lukulu kumwitumbila u nduguye, hambi i wandugu za munhu, nha wowa walambi wose, hambi nha wowa wasonjezi, wakuwasonjeza wayawo.

Yelemiya 9:4 Referans Kwoze

Yelemiya 6:28

Hambi wose nha wasina cihuliko hamba nhavi, webavyi, kanyhi wakamu na ku wuhulice, wenha shaba, hamba cuma. Kanyhi wose wahizi, wendile kubita ako na ako wena ze maheho go kuheha wayawo.

Matayo 10:21

“Munhu komukombola u mwanakwawe ho yawulagwe, no sogo yo munhu nayo komukombola u mwanagwe, ne wana nawo wowagaluka iwalezi wawo no kuwawulaga.

Walawi 19:16

Wulece kutandaza zinghani ze maheho kuli munhu wo wose. Na hono hawe hoyuli munhu yunji mono yena calo cono comwambuza yawulagwe, nagwe hono wuwe wina wuhomelezi wono wosuma kumutaza wumi wakwe, ale, wuhomelele calinze ho wumutaze. Ane yo nene Muwaha Mulungu.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Zimbazi 25:18

Na mono yakumubalalila muyagwe, yuyo muwulaji, yenha mumaje, ne nhumbi, hamba songa nghali.

Zimbazi 10:18

No munhu mono kahundikaga simbili yakwe, yuyo mulambi. No munhu mono yendile kukumusa nghani zo wulambi, munhu yuyo mulele.

Zabuli 15:3

Munhu mono si muheha wanhu. Kanyhi yo munhu mono si kanozezaga muyagwe vibi, hamba kumuvila muyagwe makani go wulambi.

Mwamulizo 32:28

Nayo munhu yuyo yakamutya, “Alu ku wulawilila lulu, sikocemwa kanyhi Yakobo, langa kocemwa Isilayeli. Hambi nha kwicinda no Mulungu ne wanhu, nagwe kusuma.”

1 Watesalonike 4:6

Holeka munhu wo wose yalece kumusutizya hamba kumukapa u muyagwe mu nghani yiyi. Hambi nha cakondya kumulonjelenyi muli zizo kanyhi cikamusugulenyi vyono u Muwaha kowalipiciza wono wakwituma zono zinha zizo.

Luka 21:16

Iwalezi wenyu, ne wandugu zenyu, na we cimanyi, ne wendece wenyu, womugalucenyi, na wanji wa muli nyenye mowulagwa.

Matayo 10:17

Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matang'anilo gawo go wuhembelo.

Ezekiyeli 22:9

Na wanji wa muli wanhu wako, wendile makani kuwakoweleza makani wayawo wanji, no kuwabalalila ne zinghani zo wulambi, ho wawambuze wawulagwe mbula soko. Na wanji, wakulya makumbiko ge vihwani, na wanji waceye no wetumaga zo wusenyha wawo du.

Zimbazi 6:19

Muhomelezi wo wulambi mono kekalaga yakulamba-lamba. No munhu musomenghanya, mono kaletaga lusulo muli wandugu.

Zimbazi 6:16

Ko zili nghani mutandatu hamba mupunghati, zono Muwaha Mulungu yazisulile,

Zabuli 101:5

Nowapezezya lukulu, wose wono wendile kuwaheha wayawo, hamba si nosuma kuwakangalila, i wedunhumuzi, ne wepelelezi.

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Yelemiya 9:8

Zinimi zawo nha zihwanile ne zisonga zono zina sumu, wekalaga wakulonga zo wulambi du nhondo zose. Nawo wose, welonjelaga nghani zo wukoci munhu na muyagwe, ninga mu nhumbula yakwe ho yakumusepa yamutamise.

Malaki 2:10

Ma ase wose, si cina sogo yetu du yumonga? Si yo Mulungu yuyo du, mono yaciwumba wose? Alu nhawule cikwiyibenela wihuwizo wetu sese wose, hamba nhawule cikucibedegala cilagane cono Mulungu yacinoza ne walezi wetu?

Zimbazi 4:16

Nawo i wanhu wabi, hamba si wagonaga nhongo sunga langa wetume zimbi du. Wagonaga meso, sunga watamise munhu yunji.

Zimbazi 4:17

Nago metumo mabi kuli wene yo ndigwa yawo, hamonga. No wukali, nawo kuli wene, vihwanile no wugali ne malenga go kung'wa.

Isaya 9:16

Nawo wono wakuwatonga i wanhu wawa, wakuwajiliza nzila, nawo wono wakulongozwa nawo nhavivyo wakwajiliza.