Yelemiya 9:3 - Luganuzi Luswanu Kuli Wanhu Wose 2002

³ Wene wewikanize kulonga zo wulambi du nhondo zose, wanhu wono wetujila vilungo vyo kuyitema yisi mu nzila zo wulambi. U Muwaha Mulungu yakutya nhavi, “I wanhu wangu nha wetuma wubi wityatiliye, hamba si wakuwa kumanya 'ne, vyono yo nene Mulungu wawo.”

Yelemiya 9:3 Referans Kwoze

Yelemiya 9:8

Zinimi zawo nha zihwanile ne zisonga zono zina sumu, wekalaga wakulonga zo wulambi du nhondo zose. Nawo wose, welonjelaga nghani zo wukoci munhu na muyagwe, ninga mu nhumbula yakwe ho yakumusepa yamutamise.

Walumi 3:13

Imimelo yawo yinha icitenjelo cono cili mwazi, ne zinimi zawo zimemile wukonji, na mu milomo yawo, mukulawa zinghani zono zina sumu kotya ya nzoka.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Walamuzi 2:10

Lulelo lwawo lukawa lwafwiza. Nalo lulelo lono lwawatyatya, lukamusemwa Muwaha Mulungu, na zose zono Mulungu yawatendela wanhu wa Isilayeli.

Yelemiya 31:34

Na mu vilo vivyo, holowa hasina kanyhi yunji mono kolowa kumwijiza muyagwe yunji yakumutya yamumanye Muwaha Mulungu, hambi i wanhu wose nha wolowa wakondya kumanya 'ne, ku wulawilila i wadodo sunga ne wanhu mututu wose. Nane nolowanenela u wubi wawo wose. Kanyhi hamba si nilagakumbucilila lukulu i mabi gawo gose gono wetuma. Vyo nghutya, ane no Muwaha Mulungu.”

1 Samwili 2:12

Ale, i wana we cilume wa Eli, wakawa wanhu wono wali wali caka caka du, wakawa wasina cogopo hamba cidodo hali Muwaha Mulungu.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.

Yuda 1:3

Anye wandugu zangu wendece, lono nghali nili mu wupiligazi wo kumwandicilenyi muli zo wukombozi awulya wono cihanjile wose hamonga, mbona vyono yinojeye nimwandicilenyi, kanyhi nimuswaswanizenyi ho mujendelele no wihomi ku soko yo wihuwilo wono Mulungu yawapelela lukulu i wanhu wakwe lwa kamonga du.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Wafilipi 1:28

Mulece kuwogopa walugu wenyu, langa mweze muli vilungo nhondo zose, na yiyo yo yomukangazizenyi vyono wene wosumwa, anye mosuma, hambi u Mulungu mweneco nha yo yakumupelenyi u wusume.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 1:16

Hambi nha si nghuluwonela cevu u Luganuzi Luswanu; hambi nhavyo vilungo vyo Mulungu, vyono vikuwakomboza wose wono wakwihuwila, lulongozi kuli Wayahudi, nha vivyo na kuli wono si Wayahudi.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Maluko 8:38

Umunhu wo wose wa mu lulelo luluno lubi, lono si lukumucelelela Mulungu, hono yambonele soni nene, hamonga ne mejizo gangu, Umwana wo Munhu nayo, kolomuwonela soni u munhu yuyo, mwipango lyono kokuziza mu nhojo yo Sogwe, hamonga ne wamalayika wono welile.”

Yelemiya 22:16

Yawaling'anizaga waciwa kwe ling'ani, holeka na zose zikamuwela swanu muno. Na yiyi yo yikulajila nhunizo yo kumumanya Muwaha Mulungu.

Yelemiya 9:5

Na wose wowa walambi, wakuwajiliza wayawo. Ne zinimi zawo, wazizoweleze kulamba du nhondo zose, hamba si wasumaga no kuwuleka wubi wawo.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kuli'nye!

Walawi 19:11

“Wulece kuwa wuli muhizi hamba wuli mungwele, hamba wuli mulambi.

Isaya 1:3

Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 3:5

Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Yelemiya 5:4

Hobaho nane nghawa kutya, “I wanhu awa mbeka waciwa kanyhi walele. Hambi nha wakwituma zo wulele du, siwamanyile yaye, zono u Mulungu wawo yakuzisaka hamba zono u Muwaha Mulungu yakusaka wene wetume.

Yelemiya 5:5

Ane, nane nowabitila wanhu, nghalongane nawo kwe vilungo, hambi awo nha wazimanyile zono u Mulungu wawo yakuzisaka, na zono u Muwaha Mulungu, yakuwasaka wene wetume.” Ninga wose wakawulema u wutemi wo Muwaha Mulungu, wakalema sunga no kumuhulika kose.

Danyeli 11:27

Ne watemi wawo wejete, wolokwikala wahanje ndigwa ha meza monga. Ninga hamba nhavivyo, mwi'pango lilyo, i mitima yawo, yowa yikali mu wihwesa wituma zimbi. Kanyhi wolowa kwilambila munhu no muyagwe. Ninga si wolocituga cono wakucisaka, hambi lidaha lyayo, nha lyowa likali si naza yaye.

Mwamulizo 39:16

Hodu u mucekulu yuyo yakawa kuciwika civwalo cico, sunga mulume wakwe yakawuya ha kaya.

Walamuzi 14:17

Ninga nayo mugolece yakajendelela kulila du mu vilo vyose mupunghati vye zindigwa ze halusi. Nhondo Samusoni yakawa kumulonjela i nhunizo ye fumbo yiyo. Hambi nha yali yamudwajiza muno. Nayo yakawa kuwalonjela i wanduguze Wafilisiti.

Zimbazi 12:5

I weling'ani, wokutendela viswanu. Ninga i wabi, wosaka wakukonje du.

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Yelemiya 6:28

Hambi wose nha wasina cihuliko hamba nhavi, webavyi, kanyhi wakamu na ku wuhulice, wenha shaba, hamba cuma. Kanyhi wose wahizi, wendile kubita ako na ako wena ze maheho go kuheha wayawo.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Ezekiyeli 8:13

Hanyuma kanyhi Muwaha Mulungu yakanonjela yakatya, “Ane nghukulonjela nha vyono, koziwona zinghani nyinji ze mawifyo zono zicizize zizi.”

Metumo ge Watumwa 24:9

Iwayahudi nawo wakazilumbiliza zizo wakutya, “Heya vyo zinha.”