Yelemiya 9:2 - Luganuzi Luswanu Kuli Wanhu Wose 2002

² Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Yelemiya 9:2 Referans Kwoze

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Hoseya 7:4

Wene wose wakoci, kanyhi hamba si wehuwilwa. Ne likuwo lyawo, likwaka nha moto mu mafigwa, wono si mufwanghane, sunga muteleci kolo yakondya kuwutiwa wusaje we cisase, na kolo wakondya kutumba, ho wutelekwe.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Malaki 2:11

I wanhu wa Yuda, wakondya kuwubena wihuwizo wawo hali Mulungu, no kwituma zo wubi mu Yelusalemi, na mu yisi yose. Wayihodanga Nyumba yo Mulungu yono Muwaha Mulungu yayendile. Wanhu watola iwacekulu wono wakuhemba imilungu mijenzi.

Zefaniya 3:4

Ne wawizi wayo si wehuwilwa, kanyhi wakonji. Wakohani nawo, wahatajila wavu i hanhu hono helile, kanyhi wakulipitula ne lilajilizo lyo Mulungu ku soko ye cambuzi cawo weneco.

Hoseya 6:7

“Ninga wene weza nha Adamu, wacibena cilagane cono calagana nane.

Hoseya 5:7

Vyono wene wali si wehuwilwa hali Muwaha Mulungu, sunga ne wana wawo wali si wakwe yaye. Holeka nalu wene hamonga ne'si yawo, wokongomezwa musunho.

Yelemiya 5:11

Hambi anye nyo wanhu wa Isilayeli na Yuda, nha mwakondya kungalucila lukulu. Vyo nghutya ane no Muwaha Mulungu.”

Yelemiya 13:22

Na kolo wukwiwuza go mweneco wukutya, alo nhawule zizi zinyijelela lo? Heya! Myenda yako yidemulwa, nagwe wukebatwa ne walume, no kugona nagwe kwe vilungo. Ale, wumanye nha vyono, zizi zikwagana ku soko yo wubi wako wono wukogofya muno.

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Malaki 2:14

Mukuwuza mukutya, nhawule siyakuvibocela, Heya siyakuvibocela, hambi nha yamanyile vyono agwe wabena wihuwizo wako kuli mugolece, mono wamutola lono wali wukali muzelelo. Mwene yali yo muyago, ninga agwe wabena wihuwizo wako kuli mwene, hamba nha yiwe wehuwiza ha mwande yo Mulungu, nha vyono kowa mwihuwilwa kuli mwene.

Walamuzi 2:10

Lulelo lwawo lukawa lwafwiza. Nalo lulelo lono lwawatyatya, lukamusemwa Muwaha Mulungu, na zose zono Mulungu yawatendela wanhu wa Isilayeli.

Isaya 59:3

Hambi anye nha muli wasutyi ku soko yo wulambi wenyu, no wugazi wenyu, hamonga no wuwulaji wenyu.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.