Yelemiya 9:11 - Luganuzi Luswanu Kuli Wanhu Wose 2002

¹¹ U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

Yelemiya 9:11 Referans Kwoze

Isaya 25:2

Kugakumulanga makaya kugaleka matongo, kugongomeza ne magomawakali gawo sunga ne makaya go wutemi gose, gono walugu wagazenga, gose gamwagucila lukulu cibitilila.

Yelemiya 51:37

Nayo yisi yiyo, yolowa malundo du ga matongo, holowa wikalo wa malimu. Holowa hanhu hono hakogofya muno, hasina hamba munhu mono kolokwikala mumo. Na wose wono wowa kuziwona zizo, mbeka wotuga woga muno muno.

Yelemiya 10:22

Ninga luno ta muhulicize! Nghani yakondya kuza! Lanje, kowuli musindo muwaha muno, wukulawa ku yisi yo lubavu lwa kusumuka, ne lipuga lyayo lye wasilikale, lyogongomeza i makaya ga Yuda gawe nha nyika, hawe hanhu hono gowa kwikala macewe du.”

Isaya 34:13

Nago mamivya hamonga ne matundulu, go golocindika mu makaya gawo go wutemi, na mu makaya gono mazenjele magomawakali. Nago macewe ne matuwi, wolowa wo wikalo wago.

Isaya 13:22

Nayo minala, hamonga ne makaya go wutemi, golowa kubocelela mazi ge vililo vye zimbisi hamonga ne macewe.” “Holeka cidaha co kuyongomeza Babiloni cakondya kuza! Ne vilo vyawo vyeza malika.”

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

I Cililo 3:47

Ceza cili mu magayo hamonga no wongomele, cikaye mu zi mbali no woga.

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

Yelemiya 34:22

Nowalajiliza nawo wokuza kanyhi mwi'kaya lili. Wololihoma, walisole, no kulikongoga. Nane noganoza makaya ga Yuda, gawe nhe nyika, hawe hanhu hono hamba wanhu wo wose si wosuma kwikala mumo. Vyo nghutya ane no Muwaha Mulungu.”

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Yelemiya 25:11

Ne yisi yiyo yose, yololekwa nyhiwa hamonga no wucelewale. Nago i makungugo gono gapilime, golomwitumamila Nebukadineza u mutemi wa Babiloni, myaka makumi mupunghati.

Zabuli 79:1

Gwe go Mulungu, i wanhu wono si wakumanyile, wenjila mu yisi yako. Wayitipiza Nyumba yako yono Yelile. Wayileka Yelusalemi yeza matongo.

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Mika 1:6

Muwaha Mulungu yakutya, “Holeka ku soko yiyo, nane noyinoza Samaliya, yiwe nha matongo go wongomezwe, mu yisi ye lihala, i hanhu hono hakuwa kupanhwa mizabibu. Nogagwisa makaya, ne mabwe gayo nogataga mwi'lolo, noyileka misinji yayo yili bwete.

Yelemiya 26:9

Alu nhawule wukulonjela mwi'tagwa lyo Muwaha Mulungu, nha vyono Nyumba yiyi yo Mulungu, yolokwihwana Shilo, kanyhi na vyono, likaya lili lyolokongomezwa, na vyono kanyhi, holowa hasina hamba munhu monga mono kolokwikala mumo?” Hodu, hobaho i wanhu wenji wakawa kumhilima mbavu zose.

Yelemiya 25:18

Nayo Yelusalemi ne makaya gose ge yisi ya Yuda, hamonga ne watemi wayo, ne walongola wayo, wose wakacing'wa cikombe cico, ho wanozwe wawe nyika no wizine, hamonga no wuhowelezwe. Ne wanhu walitumamila litagwa lyawo nha wulijitwe, nha vyono wanozaga.

Isaya 44:26

Ninga kolo mwitumami wangu yakuwila, nane kolo nghumutuma mwitumami wangu ho yakalajile ze mahweso gangu, nane niganozaga mahweso gago hamonga no wuwile wuwo viwa vya mbeka. Nane nghuyilonjela Yelusalemi, nha vyono wanhu wowuya wekale mumo kanyhi, na vyono ne makaya ga Yuda gozengwa kanyhi. Ne makaya gago, i matongo gayo gokwinulwa.

Nehemiya 4:2

Yakawa kucilonga ha mwande ye wendece wakwe, ne cipuga ce wasilikale we Cisamaliya yakutya, “Alu i wayahudi wawa, wono watimbile nhavivi wakunoza ci? Mwene wakujela kuzenga kanyhi likaya lili? Wakwihwesa so wulavya makumbiko, wowusuma mulimo wuwu mwi'zuwa limonga? Hamba wakwihwesa, vyono wadahile kugahimbula mabwe mu wulawa mumo mu malundo ge malongo, nago ninga ho gakondya kutakamila ho moto?”

Wugubule 18:2

Nayo yakalonga kwe'zi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga ne myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Walawi 26:32

Nane noyihodanjila lukulu yisi yenyu, sunga ne walugu wenyu wono wakwikala mumo, wezine so wongomezwe wayo.

Zabuli 44:19

Ninga hamba nhavivyo, wacileka cisina wutazi wo wose, mu malimu ga mu mbago, wacileka muciligati ye citi ciwaha.

Yelemiya 1:15

Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

Yelemiya 4:27

(U Muwaha Mulungu yali yalonga nha vyono yisi yose, yolowa mbago yose, ninga hamba nhavivyo, mwene hamba si koloyongomezeza lukulu yaye.)

Yelemiya 44:2

Muwaha Mulungu, we mihanga, u Mulungu wa Isilayeli, yakalonga yakatya, “Anye nyo weneco mwewonelela i mabi gose gono nagaleta mu Yelusalemi, na mu makaya gose ga mu yisi ya Yuda. Na vyono gekala matongo sunga nalu. Hasina hamba munhu yumonga kanyhi mono yekaye mumo,

Yelemiya 49:33

Nayo Hazoli yonozwa yiwe nyika cibitilila, hawe hanhu ha wikalo we macewe. Na holowa hasina munhu wo wose kanyhi, mono kolokwikala mumo. Vyo nghutya, ane no Muwaha Mulungu.”

Yelemiya 50:3

“Ne likungugo lyono likulawilila kusumuka, lyakondya kuza liyihome Babiloni, liyilece yawa nha nyika. Nazo zinimu zotiza mumo, na holowa hasina hamba munhu monga mono kolokwikala mumo.”

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

Zabuli 107:43

We mahala, ale wazihwesaje zizo, kanyhi walumanye no lusungu lo Muwaha Mulungu.

Yelemiya 8:22

Alo mwene kuko ku Gileyadi, hongo kusina miti yo yose? Hamba kuko ku Gileyadi, kusina muganga wo wose hongo? Alu socici i wanhu wangu wakali sunga nalu si wanaponywa yaye?

Yelemiya 16:10

“Nagwe kolo wukukondya kuwalonjela zizi zose, nawo wokuwuza i soko yono yikuleka ane ndumula nghani, nha vyono nowalipiciza vibi muno muno nhavivyo. Wokuwuza kanyhi wamanye i nghani 'mbi yono wetumile, hamonga no wubi wono wamutendeye u Muwaha Mulungu, u Mulungu wawo.